کُلُسِّیوں 4:11 - پنجابی نواں عہد نامہ نظرثانی شدہ چھپائی

¹¹ تے یِسُوع جیہڑا یُوستُس اکھواؤندا اے اوہ سارے جیہڑے سُنت والیاں وِچوں نیں تُہانوں سلام آکھدے نیں۔ نِرے ایہو ای خُدا دی بادشاہی واسطے میرے ساتھی رہے نیں۔ اوہناں توں میری تسلّی ہوئی اے۔

کُلُسِّیوں 4:11 ပူးပေါင်းရင်းမြစ်များ

اعمال 10:45

تے سُنتی بَیٹھے ہویاں اِیمانداراں وِچوں جِنّے پطرس دے نال آئے سن حَیران ہوگئے۔ پئی غیر قوماں دے وِچ وی پاک رُوح دا اِنعام جاری ہو گیا۔

اعمال 11:2

تے جدوں پطرس یرُوشلِیم وِچ آیا۔ اوہ جیہڑے سُنتی بَیٹھے ہوئے سن اوہدے نال جھگڑن لگّے۔

رُومِیوں 16:3

پرسِکّلہ تے اَکوِلہ نُوں جیہڑے مسِیح یِسُوع وِچ میرے نال دے کمّ کرن والے نیں سلام آکھو۔

رُومِیوں 4:12

تے نا سُنت والیاں دا پئیو ہوئے جیہڑے نِرے سُنتی بَیٹھے ہوئے ای نئیں۔ سگوں اوس اِیمان دے کُھرے اُتّے چلدے نیں جیہڑا ساڈے پئیو ابرہام دا ناسُنتا ہوندیاں ہوئیا سی۔

۲-کُرِنتھِیوں 6:1

تے اسی جیہڑے اوہدے نال کمّ وِچ سِیری آں ایہہ عرض وی کرنے آں۔ پئی خُدا دا فضل جیہڑا تُہاڈے اُتّے ہویا بے فائدہ نا رہن دیو۔

اِفسِیوں 2:11

سو ایس کر کے یاد کرو پئی کَدے تُسی جیہڑے جِسم ولّوں اوہناں کولوں بے سُنتے اکھواؤندے ہو جیہڑے جِسم ولّوں ہتّھاں نال سُنتی بَیٹھے ہوئے اکھواؤندے نیں۔

فِلِپّیوں 4:3

ہَلا اَے میرے سَچّے ساتھی تیرے اگّے وی عرض کرنا آں۔ پئی تُوں اوہناں زنانِیاں دی مدد کر کیوں جو اوہناں میرے نال خُوشخبری سُنان وِچ کلیمینس تے میرے اوہناں باقی ساتھِیاں سَنے جان مار کے محنت کِیتی۔ جِنہاں دے ناں زِندگی دی کتاب وِچ لِکھے ہوئے نیں۔

کُلُسِّیوں 4:7

پیارا بھرا تے دیانتدار خادم تُخِکس جیہڑا خُداوند دی سیوا وِچ سنگی اے۔ میرا سارا حال تُہانوں دسے گا۔

۱-تھِسّلُنِیکوں 3:2

تے اساں تِیمُتِھیُس نُوں جیہڑا ساڈا بھرا تے مسِیح دی خُوشخبری وِچ خُدا دا نوکر اے۔ ایسے واسطے گھلّیا پئی اوہ تُہانوں پَکیّاں کرے۔ تے تُہاڈے اِیمان ولّوں تُہانوں تسلّی دیوے۔

۱-تھِسّلُنِیکوں 3:7

ایس لئی بھراؤ! سانُوں ساری تنگی تے مُصِیبت وِچ تُہاڈے اِیمان دے سبّب تُہاڈے ولّوں تسلّی ہوئی۔

طِطُس 1:10

کیوں جو بتھیرے لوک نافرمان تے بیُہودہ گلّاں کرن والے تے دھوکھے باز نیں خاص کر سُنت والیاں وِچوں۔

فلِیمون 1:1

پَولُس ولّوں جیہڑا مسِیح یِسُوع دا قیدی اے۔ تے بھرا تِیمُتِھیُس ولّوں ساڈے پیارے تے جوٹی دار فلِیمون۔

فلِیمون 1:24

تے مرقس تے ارِسترخُس تے دِیماس تے لُوقا جیہڑے میرے نال کمّ کرن والے نیں۔ تینُوں سلام آکھدے نیں۔