کُلُسِّیوں 3:5 - پنجابی نواں عہد نامہ نظرثانی شدہ چھپائی

⁵ سو اپنے اوہناں انگاں نُوں مار چھڈو۔ جیہڑے زمین اُتّے نیں۔ یعنی زنا تے پلِیتی۔ شہوت تے بُری خواہش تے لالچ نُوں جیہڑا بُت پرستی دے برابر اے۔

کُلُسِّیوں 3:5 ပူးပေါင်းရင်းမြစ်များ

متّی 15:19

کیوں جو بُرے خیال۔ خُون۔ زناکارِیاں۔ حرامکاریاں۔ چوریاں۔ جُھوٹھی گواہِیاں۔ کُفر۔ دِلوں ای نِکل دے نیں۔

رُومِیوں 1:26

ایسے سببّوں خُدا نے اوہناں نُوں گندِیاں بَھیڑیاں خواہشاں وِچ چھڈ دِتّا پئی اوہناں دِیاں زنانِیاں اپنے اصلی کمّ نُوں چھڈ کے اوہ کمّ شُروع کِیتے جیہڑے قُدرت دے خلاف نیں۔

رُومِیوں 1:29

اوہ ساری بے انصافی۔ بُریائی۔ حرص۔ وَیر نال بھر گئے۔ تے ساڑے۔ خُون۔ جھگڑے۔ دغے تے دُشمنی نال بھرے ہوئے چُغلی کرن والے۔

رُومِیوں 6:13

تے نا تُسی اپنے انگاں نُوں گُناہ دے حوالے کرو پئی ناراستی دے ہتّھیار ہون۔ پر اپنے آپ نُوں مُردیاں وِچوں جِیوندے جان کے خُدا دے حوالے کرو۔ تے اپنا انگاں نُوں راستبازی دے ہتّھیار ہون لئی خُدا دے حوالے کرو۔

رُومِیوں 6:6

ایہہ جان کے پئی ساڈی پرانی اِنسانِیّت اوہدے نال صلِیب دِتّی گئی۔ تاں جو گُنہگار بدن رَدّ کِیتا جائے تے اگّے نُوں اسی گُناہ دی غلامی نا کریئے۔

رُومِیوں 7:23

پر دُوجی شریعت مَیں اپنے انگاں وِچ ویکھنا آں۔ جیہڑی میری عقل دی شریعت نال لڑائی کر کے مَینُوں گُناہ دی اوس شریعت دے ہتّھ جیہڑی میرے انگاں وِچ اے قید کر کے پھڑاؤندی اے۔

رُومِیوں 7:5

کیوں جو جد اسی جِسمانی ساں تَد گُناہ دِیاں خواہشاں جیہڑیاں شریعت دے سببّوں سن۔ ساڈے انگاں وِچ مَوت دے لئی پَھل لیاؤن نُوں زور کر دِیاں سن۔

رُومِیوں 8:13

کیوں جو جے جِسم دے سببّوں زِندگی کٹّو تاں تُہانوں مرنا پئے گا۔ پر جے تُسی رُوح نال بدن دیاں کمّاں نُوں مار دے رہو۔ تے جِیوندے رہو گے۔

۱-کُرِنتھِیوں 5:1

ایتھوں تِیکر سُنن وِچ آیا اے۔ پئی تُہاڈے وِچ حرامکاری ہوندی اے۔ سگوں اِنج حرامکاری جیہڑی غیر قوماں وِچ وی نئیں ہوندی۔ پئی تُہاڈے وِچوں اِک بندہ اپنے پئیو دی بیوی رکھدا اے۔

۱-کُرِنتھِیوں 6:11

تے کئی تُہاڈے وِچ اجیہے اے سن وی۔ پر تُسی خُداوند یِسُوع مسِیح دے ناں اُتّے تے ساڈے خُدا دے رُوح نال دھوئے گئے تے پاک ہوئے تے راستباز ٹھہرے۔

۱-کُرِنتھِیوں 6:13

کھانے ڈِھڈ لئی نیں تے ڈِھڈ کھانیاں لئی۔ پر خُدا اوہنوں تے اوہناں نُوں فنا کرے گا۔ پر بدن حرامکاری لئی نئیں سگوں خُداوند لئی اے۔ تے خُداوند بدن لئی۔

۱-کُرِنتھِیوں 6:18

حرامکاری توں نسّو جِنّے گُناہ بندہ کر دا اے اوہ بدن توں باہر نیں پر حرامکار اپنے بدن دا وی گُناہگار اے۔

۲-کُرِنتھِیوں 12:21

تے فیر مَیں جد آواں۔ تے میرا خُدا مَینُوں تُہاڈے اگّے عاجز کرے۔ تے مَینُوں بتھیریاں لئی افسوس کرنا پَوے۔ جِنہاں پہلاں گُناہ کِیتے نیں۔ تے اوس پلِیتی تے زنا۔ تے شہوت پرستی توں جیہڑی اوہناں توں ہوئی تَوبہ نا کِیتی۔

گلتِیوں 5:24

تے جیہڑے مسِیح یِسُوع دے نیں۔ اوہناں جِسم نُوں اوہدیاں چاہواں تے خواہشاں سَنے سُولی چاڑھ دِتّا اے۔

اِفسِیوں 4:19

اوہناں سُنّ ہو کے اپنے آپ نُوں لُچ پُنے مگر لا دِتّا۔ پئی سارے گندے کمّ لوبھ نال کرن۔

کُلُسِّیوں 2:11

اوسے وِچ تُسی ایس طرح سُنتی بَیٹھے جیہڑی سُنت ہتّھاں نال نئیں ہوندی۔ سگوں مسِیح دی سُنت جِہدے وِچ نفسانی بدن لاہ چھڈی دا اے۔

۱-تھِسّلُنِیکوں 4:3

سو خُدا دی مرضی ایہہ اے پئی تُسی پاک بنو تے زنا توں بچے رہو۔

۱-تھِسّلُنِیکوں 4:5

نا شہوت دے جوش نال اوہناں قوماں وانگر جیہڑیاں خُدا نُوں نئیں جان دِیاں۔

۱-تِیمُتِھیُس 6:10

کیوں جو پَیسے دی مُحبّت سارِیاں بُرائیاں دی اِک جڑ اے۔ جِہدی تانگھ وِچ بتھیریاں اِیمان ولّوں پرت کے اپنے دِلاں نُوں وَن سَونّے روگاں نال وِنّھ لیا اے۔

عِبرانیوں 12:16

متے کوئی زنائی تے عیسَو وانگر بے دین ہوئے جِس اِک ڈنگ دے کھان بدلے اپنا پلیٹھی دا حق ویچ چھڈیا۔

عِبرانیوں 13:4

ویاہ کرناں ساریاں وِچ عِزّت دی گلّ سمجھی جائے تے کوئی زنا نا ہوئے۔ ایس لئی پئی خُدا زناکاراں تے حرامکاراں دا نیاں کرے گا۔

عِبرانیوں 13:5

رُپئے دی مُحبّت تُہاڈے وِچ نا ہوئے۔ جو کُجھ تُہاڈے کول اے اوہدے اُتّے صبر کرو۔ کیوں جو اوس آپ آکھیا اے۔ پئی مَیں تُہانوں نا کدی وساراں گا۔ تے نا کدی تُہانوں چھڈاں گا۔

یعقُوب 4:1

تُہاڈے وِچ لڑائِیاں تے جھگڑے کِتّھوں آ گئے نیں ایہہ اوہناں خواہشاں توں نئیں جیہڑیاں تُہاڈے انگاں وِچ فساد کر دِیاں نیں؟

۱-پطرس 2:11

پیاریو مَیں تُہاڈی مِنّت کرنا آں۔ پئی تُسی اپنے آپ نُوں پردیسی تے مُسافر جان کے اوہناں جِسم دِیاں خواہشاں توں بچے رہو جیہڑیاں رُوح نال لڑائی رکھدیاں نیں۔

مُکاشفہ 21:8

پر ڈرپوکاں تے بے اِیماناں تے پلِیت لوکاں تے خُونِیاں تے حرامکاراں تے جادُوگراں تے بُت پرستاں تے سارے جُھوٹھیاں دا حِصّہ اَگ تے گندھک دی بلن والی جِھیل وِچ ہوئے گا ایہہ دُوجی مَوت اے۔

مُکاشفہ 22:15

پر کُتّے تے جادُوگر تے حرامکار تے خُونی تے بُت پرست تے جُھوٹھی گلّ دا ہر اِک پسند کرن تے گھڑن والا باہر رہوے گا۔