کُلُسِّیوں 3:25 - پنجابی نواں عہد نامہ نظرثانی شدہ چھپائی

²⁵ کیوں جو جیہڑا بُرا کر دا اے۔ اوہ اپنی بُریائی دا بدلہ پائے گا۔ اوتھے کِسے دی رَئی نئیں ہوندی۔

کُلُسِّیوں 3:25 ပူးပေါင်းရင်းမြစ်များ

متّی 16:27

کیوں جو اِبنِ آدم اپنے باپ دے جلال وِچ اپنے فرِشتیاں دے نال آوے گا۔ تے اوس ویلے ہر اِک نُوں اوہدی کرنی دے سبّبوں پَھل دیوے گا۔

لُوقا 20:21

تَد اوہناں اوہنوں ایہہ پُچھیا پئی اَے اُستاد سانُوں معلُوم اے۔ پئی تُوں ٹھیک آکھدا تے سکھانا ایں۔ تے کِسے دی طرفداری نئیں کر دا۔ سگوں سچیائی نال خُدا دا راہ دسنا ایں۔

اعمال 10:34

تَد پطرس نے مُنھ کھول کے آکھیا۔ سَچ مُچ مَیں جان لیا پئی خُدا کِسے دا لحاظ کرن والا نئیں۔

رُومِیوں 2:11

کیوں جو خُدا دے اگّے کِسے دی رَئی نئیں ہوندی۔

۲-کُرِنتھِیوں 5:10

کیوں جو ضرُوری گلّ اے پئی مسِیح دے عدالت دے تخت دے اگّے جا کے ساڈے سبھناں دا حال کُھل جاوے۔ تاں جو ہر کِسے نُوں اوہدیاں اوہناں کمّاں دا بدلہ مِلے۔ جیہڑے اوس بدن دی راہِیں کِیتے ہون۔ بھانویں بھلے تے بھانویں بُرے۔

اِفسِیوں 6:8

کیوں جو تُسی جان دے ہو۔ پئی جیہڑا اجیہا چَنگا کمّ کرے گا۔ بھانویں غلام ہوئے بھانویں اَزاد۔ خُداوند کولوں اوہو جیہا ای پاوے گا۔

اِفسِیوں 6:9

تے اے مالِکو! تُسی جِھڑکاں چھڈ کے اوہناں نال ایہو جیہا سلُوک کرو کیوں جو تُسی جان دے اوہ۔ پئی اوہناں دا تے تُہاڈا دوہاں دا مالک اسمان اُتّے اے۔ تے اوہ کِسے دی رَئی نئیں کر دا۔

کُلُسِّیوں 4:1

مالِکو! اپنے نَوکراں نال ایہہ جان کے عدل تے انصاف کرو پئی اسمان اُتّے ساڈا وی اِک مالک اے۔

۱-تھِسّلُنِیکوں 4:6

تے کوئی بندہ اپنے بھرا نال ایس گلّ وِچ وادھا تے دَغا نا کرے۔ کیوں جو خُدا ایہناں ساریاں کمّاں دا بدلہ دین والا اے۔ جیویں اساں پہلاں تُہانوں صاف صاف دس چھڈیا۔

۲-تھِسّلُنِیکوں 1:6

کیوں جو خُدا دے اگّے ایہہ نیاں اے۔ پئی بدلے وِچ تُہاڈے دُکھ دین والِیاں نُوں دُکھ۔

فلِیمون 1:18

جے اوس تیرا کُجھ نُقصان کِیتا اے یا اوہدے ولّ تیرا کُجھ رہندا اے اوہ میرے ناں لِکھ لے۔

عِبرانیوں 2:2

کیوں جو جد اوہ کلام جیہڑا فرِشتیاں دی راہِیں کِیتا گیا سی قیم رہیا تے ہر قصور تے نافرمانی دا ٹھیک ٹھیک بدلہ مِلیا۔

۱-پطرس 1:17

تے جد تُسی باپ کر کے اوہدے کولوں دُعا منگدے ہو۔ جیہڑا ہر اِک دے کمّ دے سببّوں رَئی بِناں عدالت کر دا اے۔ تے اپنی مُسافری دا ویلا خَوف نال کٹّو۔

یہُوداہ 1:16

ایہہ بُڑبُڑ تے شکایت کرن والے نیں تے اپنیاں حِرصاں دے اُتّے ٹُر دے نیں۔ نالے اپنے مُنھوں وڈّے وڈّے بول بولدے نیں۔ تے نفع لئی لوکاں دی رَئی کر دے نیں۔