کُلُسِّیوں 3:24 - پنجابی نواں عہد نامہ نظرثانی شدہ چھپائی

²⁴ کیوں جو تُسی جان دے ہو پئی خُداوند ولّوں تُہانوں اوہدے بدلے وِرثہ مِلے گی۔ خُداوند مسِیح دی سیوا کرو۔

کُلُسِّیوں 3:24 ပူးပေါင်းရင်းမြစ်များ

متّی 10:41

جیہڑا نبی دے ناں اُتّے نبی نُوں قبول کر دا اے اوہنوں نبی دا اَجر مِلے گا۔ تے جیہڑا نیک بندے دے ناں اُتّے نیک بندے نُوں قبول کر دا اے اوہنوں نیک بندے دا اَجر مِلے گا۔

متّی 5:12

خُوش ہو تے چھالاں مارو کیوں جو اسمان وِچ تُہاڈا بدلہ بڑا اے۔ ایس کر کے پئی اوہناں پیغمبراں نُوں جیہڑے تُہاڈے توں اگّے سن ایسے طرح ستایا سی۔

متّی 5:46

کیوں جو جے تُسی اوہناں نُوں پیار کرو جیہڑے تُہانوں پیار کر دے نیں تے کِیہ اِنعام تُہانوں مِلنا اے؟ محصُولئے وی ایہو نئیں کر دے؟

متّی 6:16

تے جد تُسی روزہ رکھو مکّاراں وانگُوں اپنا مُنھ اُداس نا بناؤ کیوں جو اوہ ایس لئی اپنا مُنھ وگاڑ دے نیں پئی لوکاں نُوں روزہ رکھّے ہوئے معلُوم ہون۔ مَیں تُہانوں سَچ آکھنا آں پئی اوہناں اپنا اِنعام پالیا۔

متّی 6:5

تے جد تُسی دُعا منگو تے مکّاراں وانگُوں نا ہوؤ کیوں جو اوہ عبادت خانیاں وِچ تے چَونکاں دیاں موڑاں اُتّے کھلو کے دُعا منگنی پسند کر دے نیں۔ پئی لوک اوہناں نُوں ویکھن۔ مَیں تُہانوں سَچ آکھنا آں پئی اوہناں اپنا اِنعام پالیا۔

لُوقا 14:14

تَد تُوں مُبارک ہوویں گا کیوں جو اوہناں دے پلّے کُجھ نئیں اے۔ پئی تینُوں بدلہ دین۔ سو تینُوں نیکاں دی قیامت وِچ بدلہ دِتّا جائے گا۔

لُوقا 6:35

پر اپنے وَیرِیاں نال پیار کرو تے اوہناں دا بھلا کرو تے کُجھ مُڑ نا لین دی آس رکھ کے اُدھار دیو۔ تے تُہاڈا اَجر وَڈا ہوئے گا۔ تے تُسی خُدا تعالیٰ دے پُتر ہوؤگے۔ کیوں جو اوہ تے ناشکریاں تے شریراں لئی وی مہربان اے۔

یُوحنّا 12:26

جے کوئی میری سیوا کرے تے اوہ میرے مگر آئے۔ تے جِتّھے مَیں آں میری سیوا کرن والا وی اوتھے ہوئے گا۔ جے کوئی میری سیوا کرے تے باپ اوہدی عِزّت کرے گا۔

اعمال 20:32

تے ہُن مَیں تُہانوں خُدا تے اوہدے کرم دے کلام دے سپُرد کرنا آں۔ کیوں جو اوہدے وِچ طاقت اے۔ پئی تُہانوں وَدھاوے تے سارے پاک لوکاں دے وِچ وِرثہ بخشے۔

رُومِیوں 1:1

پَولُس ولّوں جیہڑا یِسُوع مسِیح دا غلام سدّیا ہویا رسُول تے خُدا دی خُوشخبری لئی وَکھ کِیتا گیا۔

رُومِیوں 14:18

کیوں جو جیہڑا ایس طرح مسِیح دا غلام ہوندا اے۔ اوہ خُدا اگّے چَنگا اے۔ تے بندیاں اگّے کھرا اے۔

۱-کُرِنتھِیوں 11:23

کیوں جو ایہہ گلّ مَینُوں خُداوند ولّوں اَپڑی تے مَیں تُہانوں وی اپڑا دِتّی۔ پئی خُداوند یِسُوع مسِیح جیہڑی رات اوہ پھڑوایا گیا روٹی لئی۔

۱-کُرِنتھِیوں 3:8

لان والا تے پانی دین والا دونویں اِکّو جیہے نیں۔ پر ہر اِک نُوں بدلہ اوہدی اپنی محنت پِچّھے مِلے گا۔

۱-کُرِنتھِیوں 7:22

کیوں جو جیہڑا غلام خُداوند وِچ سدّیا گیا اے اوہ خُداوند دا اَزاد کِیتا ہویا اے۔ ایسے طرح جیہڑا اَزادی دی حالت وِچ سدّیا گیا اے۔ اوہ مسِیح دا غلام اے۔

گلتِیوں 1:10

ہُن مَیں بندیاں نُوں سجن بنانا آں یا خُدا نُوں؟ مَیں بندیاں نُوں راضی کرنا چاہناں آں؟ جے مَیں ہُن تِیکر بندیاں نُوں خُوش کر دا رہندا تے مسِیح دا بندہ نا ہوندا۔

اِفسِیوں 6:6

تے بندیاں نُوں خُوش کرن والیاں وانگر وکھالے لئی سیوا نا کرو۔ سگوں مسِیح دیاں بندیاں وانگر دِل نال خُدا دی مرضی پُوری کرو۔

اِفسِیوں 6:8

کیوں جو تُسی جان دے ہو۔ پئی جیہڑا اجیہا چَنگا کمّ کرے گا۔ بھانویں غلام ہوئے بھانویں اَزاد۔ خُداوند کولوں اوہو جیہا ای پاوے گا۔

کُلُسِّیوں 2:18

کوئی بندہ عاجزی یا فرِشتیاں دی بندگی نُوں پسند کر کے تُہاڈا دَوڑ والا اِنعام نا کھو لَئے۔ اجیہا بندے اپنے جِسم دی عقل اُتّے بے فائدہ شیخی مار کے ویکھیاں ہویاں شیواں وِچ لگّا رہندا اے۔

عِبرانیوں 10:35

ایس لئی اپنی دلیری نُوں نا چھڈو جِہدا بڑا اَجر اے۔

عِبرانیوں 11:6

تے بِناں اِیمان اوہنوں پسند آؤنا اَنہونی گلّ اے۔ ایس لئی پئی خُدا دے کول آؤن والے نُوں اِیمان رکھنا پَیندا اے۔ پئی خُدا اے تے اپنے لَبّھن والیاں نُوں اَجر دیندا اے۔

عِبرانیوں 9:15

تے ایسے سبّب اوہ نَوِیں عہد دا وچولا اے۔ تاں جو اوس مَوت دی راہِیں جو پہلے عہد دے قصوراں دی مُعافی لئی ہوئی اے۔ سَدّے ہوئے لوک وعدے دے سببّوں سدا دی وِرثہ پا لین۔

۱-پطرس 1:4

پئی اِک وِرثہ جیہڑی نا ناس ہون والی نا نُقص والی تے نا کُملان والی اے۔

۲-پطرس 1:1

شمعُون پطرس ولّوں جیہڑا یِسُوع مسِیح دا غلام تے رسُول اے۔ اوہناں لوکاں دے ناں جِنہاں ساڈے خُدا تے نجات دین والے یِسُوع مسِیح دی راستبازی دی راہِیں ساڈے وانگر قِیمتی اِیمان پایا اے۔

یہُوداہ 1:1

یہُوداہ ولّوں جیہڑا یِسُوع مسِیح دا غلام تے یعقُوب دا بھرا اے۔ اوہناں سَدّے ہویاں دے ناں جیہڑے خُدا باپ وِچ پیارے تے یِسُوع مسِیح لئی رکھّے ہوئے نیں۔