کُلُسِّیوں 3:17 - پنجابی نواں عہد نامہ نظرثانی شدہ چھپائی

¹⁷ تے کلام یا کمّ جو کُجھ کر دے ہو اوہ سبھ خُداوند یِسُوع دے ناں اُتّے کرو۔ تے اوسے دی راہِیں خُدا باپ دا شُکر کرو۔

کُلُسِّیوں 3:17 ပူးပေါင်းရင်းမြစ်များ

متّی 28:19

ایس کر کے تُسی جاؤ تے سارِیاں قوماں نُوں شاگِرد بناؤ۔ تے باپ تے پُتر تے پاک رُوح دے نال اُتّے اوہناں نُوں بپتِسمہ دیو۔

اعمال 19:17

تے ایہہ گلّ ساریاں یہُودِیاں تے یُونانِیاں نُوں جیہڑے اِفِسُس وِچ رہندے سن معلُوم ہوگئی۔ تے اوہ سبھ ڈر گئے۔ تے خُداوند یِسُوع دے ناں دی وڈیائی ہوئی۔

اعمال 4:30

تے تُوں اپنا ہتّھ ولّ کرن لئی وَدّھا تے تیرے پاک خادم یِسُوع دے ناں اُتّے نشانِیاں تے عجب کمّ وکھائے جان۔

رُومِیوں 1:8

پہلاں تے مَیں یِسُوع مسِیح دی راہِیں تُہاڈے سبھناں لئی اپنے خُدا دا شُکر کرنا آں۔ پئی تُہاڈے اِیمان دی مشہُوری سارے جہان وِچ ہوندی اے۔

۱-کُرِنتھِیوں 10:31

سو تُسی کھاؤ یا پِیو جو کُجھ کرو سبھ کُجھ خُدا دے جلال لئی کرو۔

اِفسِیوں 1:17

پئی ساڈے خُداوند یِسُوع مسِیح دا خُدا جیہڑا جلال دا باپ اے۔ تُہانوں اپنی پچھان لئی حِکمت تے اِلہام دی رُوح دیوے۔

اِفسِیوں 5:20

تے سارِیاں گلّاں واسطے ساڈے خُداوند یِسُوع مسِیح دے ناں اُتّے سدا خُدا باپ دا شُکر کر دے رہو۔

فِلِپّیوں 1:11

تے راستبازی دے پَھل نال جیہڑا مسِیح یِسُوع دے سببّوں اے بھرے رہو۔ تاں جو خُدا دا جلال تے وڈیائی ہوئے۔

فِلِپّیوں 2:11

تے خُدا باپ دے جلال دے لئی ہر اِک زبان مَن لَئے پئی یِسُوع مسِیح خُداوند اے۔

کُلُسِّیوں 1:12

تے باپ دا شُکر کر دے رہو۔ جِس سانُوں ایس لائق کِیتا پئی چانن وِچ پاک لوکاں دے وِرثے دا حِصّہ پایئے۔

کُلُسِّیوں 2:7

تے جیویں تُہانوں تعلِیم مِلی اے اوسے طرح اِیمان وِچ پکّے رہو۔ تے شُکرانے وِچ وَدھدے جاؤ۔

کُلُسِّیوں 3:15

تے مسِیح دی تسلّی جِہدے لئی تُسی اِک تَن ہو کے سَدّے گئے سو۔ تُہاڈے دِلاں وِچ حکُومت کرے تے نالے تُسی شُکر کرو۔

کُلُسِّیوں 3:23

جیہڑا کمّ کرو دِل نال کرو۔ ایہہ جان کے پئی خُداوند لئی کر دے اوہ۔ بندیاں واسطے نئیں۔

۱-تھِسّلُنِیکوں 1:1

پَولُس تے سِلوانُس تے تِیمُتِھیُس ولّوں تھِسّلُنِیکیاں دی کلِیسیا دے ناں جیہڑی خُدا باپ تے خُداوند یِسُوع مسِیح وِچ اے فضل تے تسلّی تُہانوں مِلدی رہے۔

۱-تھِسّلُنِیکوں 5:18

سبھناں گلّاں وِچ شُکر گُزاری کرو۔ کیوں جو مسِیح یِسُوع وِچ تُہاڈے واسطے خُدا دی ایہو مرضی اے۔

۲-تھِسّلُنِیکوں 2:17

تُہاڈے دِلاں نُوں تسلّی دے تے ہر نیک کمّ تے گلّ وِچ پَکیّاں کرے۔

عِبرانیوں 1:5

کیوں جو فرِشتیاں وِچوں کدوں کِسے نُوں اوس آکھیا پئی تُوں میرا پُتر ایں۔ اَج تُوں مَیتھوں جمّیا ایں۔ تے فیر ایہہ وی پئی مَیں اوہدا باپ ہوواں گا تے اوہ میرا پُتر ہوئے گا۔

عِبرانیوں 13:15

سو اسی اوہدی راہِیں شُکر دی قُربانی یعنی اجیہے ہونٹھاں دا پَھل جیہڑے اوہدے ناں دا اِقرار کر دے نیں خُدا دے لئی ہر ویلے چاہڑیا کریئے۔

۱-پطرس 2:5

تُسی وی جِیوندے پتّھراں وانگر رُوحانی گھر بندے جاندے ہو۔ تاں جو کاہِناں دا پاک فِرقہ بن کے اجیہاں رُوحانی قُربانِیاں چاہڑو۔ جیہڑیاں یِسُوع مسِیح دی راہِیں چَنگیاں لگدِیاں نیں

۱-پطرس 2:9

پر تُسی اِک چُنی ہوئی نسل تے بادشاہی کاہِناں دا فِرقہ پاک قوم تے اجیہی اُمّت ہو جیہڑی خُدا دی خاص ملکیّت اے۔ تاں جو اوہدیاں خُوبِیاں ظاہر کرو۔ جِس تُہانوں ہنیرے وِچوں اپنے عجب چانن وِچ سدّیا اے۔

۱-پطرس 4:11

جے کوئی کُجھ آکھے تے اجیہا آکھے جیویں خُدا دا کلام اے۔ جے کوئی سیوا کرے تے اونہی طاقت نال کرے۔ جِنّی خُدا دیندا اے۔ تاں جو سارِیاں گلّاں وِچ یِسُوع مسِیح دی راہِیں خُدا دا جلال ظاہر ہوئے۔ جلال تے سلطنت ہمیشہ تِیکر اوہدی ای اے۔ آمِین۔

۱-یُوحنّا 2:23

جیہڑا پُتر توں مُکّر دا اے۔ اوہدے کول باپ وی نئیں۔ جیہڑا پُتر نُوں مَندا اے۔ اوہدے کول باپ وی اے۔

۱-یُوحنّا 3:18

بچّیو! اسی گلّاں دی تے زبان دی مُحبّت نا کریئے۔ سگوں عمل تے سچیائی دی مُحبّت کریئے۔