کُلُسِّیوں 3:14 - پنجابی نواں عہد نامہ نظرثانی شدہ چھپائی

¹⁴ تے اوہناں ساریاں اُتّے مُحبّت پا لوؤ۔ کیوں جو اوہ کمال دی پیٹی اے۔

کُلُسِّیوں 3:14 ပူးပေါင်းရင်းမြစ်များ

یُوحنّا 13:34

مَیں تُہانوں اِک نواں حُکم دینا آں پئی تُسی اِک دُوجے نُوں پیار کرو۔ جیویں مَیں تُہانوں پیار کِیتا۔

یُوحنّا 15:12

میرا حُکم ایہہ اے پئی تُسی اِک دُوجے نُوں پیار کرو۔ جیویں مَیں تُہانوں پیار کِیتا

یُوحنّا 17:23

مَیں اوہناں وِچ تے تُوں میرے وِچ تاں جو کامِل ہو کے اِک ہو جان۔ تے دُنیا جانے پئی تُوں مَینُوں گھلّیا۔ تے جِس طرح تُوں مَینُوں پیار کِیتا اوسے طرح تُوں اوہناں نُوں وی پیار کِیتا۔

رُومِیوں 13:8

اِک دُوجے نال پیار کرن توں بِناں کِسے گلّے کِسے دے دیندار نا رہو۔ کیوں جو جیہڑا دُوجے نال پیار کر دا اے۔ اوہنے شریعت نُوں پُورا کِیتا اے۔

اِفسِیوں 1:4

تے اوس سانُوں دُنیا دے مُڈھ توں پہلاں اوہدے وِچ ایس لئی چُن لیا پئی اسی اوہدے سامھنے مُحبّت وِچ پاک تے بے نُقص ہوئے۔

اِفسِیوں 4:3

تے ایہو ای کوشش کر دے رہو۔ پئی رُوح دی اِکتائی صُلح دے بند نال بَدّھی رہے۔

اِفسِیوں 5:2

تے تُہاڈا چالا مُحبّت وِچ ہوئے جیویں مسِیح وی تُہاڈے نال مُحبّت کِیتی۔ تے ساڈے واسطے اپنے آپ نُوں خُوشبوئی وانگر خُدا دی نظر کر کے قُربان کِیتا۔

کُلُسِّیوں 2:2

تاں جو اوہناں دے دِلاں نُوں تسلّی ہوئے۔ تے اوہ آپو وِچ مُحبّت نال گنڈھے رہن۔ تے پُوری سمجھ دی ساری دَولت لے لین۔ تے خُدا دے یعنی مسِیح دے بھیت نُوں پچھانن۔

۱-تھِسّلُنِیکوں 4:9

پر بھراواں دی مُحبّت ولّوں تُہانوں کُجھ لِکھن دی لوڑ نئیں۔ کیوں جو تُساں آپو وِچ مُحبّت رکھنا خُدا کولوں سِکھیا اے۔

۱-تِیمُتِھیُس 1:5

حُکم دا مطلب ایہہ اے پئی پاک دِلی تے نیک نِیتی تے سَچّے اِیمان نال مُحبّت ہوئے

عِبرانیوں 6:1

سو مسِیح دی تعلِیم دِیاں مُڈھ والِیاں گلّاں چھڈ کے تے کمال ولّ وَدِھیئے۔ تے مُردہ کمّاں توں تَوبہ کرن تے خُداوند اُتّے اِیمان لے آؤن۔

۱-پطرس 4:8

ساریاں نالوں پہلاں ایہہ چنگی گلّ اے پئی آپو وِچ بڑی مُحبّت کرو۔ کیوں جو مُحبّت بُہتے گُناہاں اُتّے پردہ پا چھڈ دی اے۔

۲-پطرس 1:7

تے دِینداری اُتّے بھراواں دا پیار۔ تے بھراواں دے پیار اُتّے وی مُحبّت وَدھاؤ۔

۱-یُوحنّا 3:10

ایسے توں خُدا دے پُتر تے ابلیس دے پُتر ظاہر ہوندے نیں۔ جیہڑا راستبازی نئیں کر دا اوہ خُدا توں نئیں تے اوہ وی خُدا توں نئیں جیہڑا اپنے بھرا نال مُحبّت نئیں رکھدا۔

۱-یُوحنّا 3:23

اوہدا حُکم ایہہ اے پئی اسی اوہدے پُتر یِسُوع مسِیح دے ناں اُتّے اِیمان لیاوے تے جِہیا اوس سانُوں حُکم دِتّا اے تہیا اِک دُوجے نال مُحبّت کریئے۔

۱-یُوحنّا 4:21

تے سانُوں اوہدے ولّوں ایہہ حُکم مِلیا اے پئی جیہڑا خُدا نال مُحبّت رکھدا اے اوہ اپنے بھرا نال وی مُحبّت رکھّے۔