کُلُسِّیوں 3:13 - پنجابی نواں عہد نامہ نظرثانی شدہ چھپائی

¹³ جے کِسے نُوں دُوجے دی شکایت ہوئے تے اِک دُوجے دی برداشت کرے۔ تے اِک دُوجے دے قصور مُعاف کرے۔ جیویں خُداوند تُہاڈے قصور مُعاف کِیتے نیں اوسے طرح تُسی وی کرو۔

کُلُسِّیوں 3:13 ပူးပေါင်းရင်းမြစ်များ

متّی 5:44

پر مَیں تُہانوں آکھنا آں پئی دُشمناں نال پیار کرو تے جیہڑے تُہانوں دُکھ دین اوہناں دی خَیر منگو۔

متّی 6:12

تے ساڈیاں قصوراں نُوں بخش دے جیویں اساں اپنے قصورواراں نُوں بخش دِتّا اے۔

مرقس 11:25

تے جد کدی تُسی کھلو کے دُعا منگدے اوہ۔ جیکر تُہاڈا کِسے اُتّے گِلہ ہوئے۔ اوہنوں مُعاف کرو۔ تاں جو تُہاڈا باپ وی جیہڑا اسماناں اُتّے اے تُہاڈے قصوراں نُوں مُعاف کرے۔

لُوقا 11:4

تے ساڈیاں تقصِیراں نُوں بخش دے۔ کیوں جو اسی اپنے ہر قرضئی نُوں بخش دینے آں۔ تے سانُوں ازمایش وِچ نا لیا۔

لُوقا 23:34

تے یِسُوع آکھیا اَے پئیو ایہناں نُوں مُعاف کر۔ کیوں جو ایہہ نئیں جان دے پئی کِیہ کر دے نیں۔ تے اوہناں اوہدے کپڑے ونڈ کے گُنے پائے۔

رُومِیوں 15:7

ایس کر کے تُسی اِک دُوجے نُوں قبول کرو۔ جیویں مسِیح وی تُہانوں قبول کِیتا۔ تاں جو خُدا دی وڈیائی ہوئے۔

۲-کُرِنتھِیوں 2:10

جِہنُوں تُسی مُعاف کر دے اوہ۔ اوہنوں مَیں وی مُعاف کرنا آں کیوں جو جو کُجھ مَیں مُعاف کِیتا۔ جے کر مَیں کُجھ مُعاف کِیتا اے۔ اوہ مسِیح دا قیم مقام ہو کے تُہاڈی خاطر مُعاف کِیتا۔

۲-کُرِنتھِیوں 6:6

پاکیزگی نال۔ عِلم نال ۔تحمّل نال۔ مِہربانی نال۔ پاک رُوح نال۔ سَچّی مُحبّت نال۔

گلتِیوں 6:2

تُسی اِک دُوجے دے بھار وَنڈو تے ایس طرح مسِیح دی شریعت نُوں پُوریاں کرو۔

اِفسِیوں 4:2

یعنی پُوری عاجزی تے حلِیمی نال صبر کر کے مُحبّت نال اِک دُوجے دی برداشت کرو۔

اِفسِیوں 4:32

تے اِک دُوجے اُتّے مہربان تے نرم دِل ہوؤ۔ تے جیویں مسِیح دے سببّوں خُدا ساڈے قصور بخش دِتّے نیں۔ تُسی وی اِک دُوجے نُوں بخشو۔

اِفسِیوں 5:2

تے تُہاڈا چالا مُحبّت وِچ ہوئے جیویں مسِیح وی تُہاڈے نال مُحبّت کِیتی۔ تے ساڈے واسطے اپنے آپ نُوں خُوشبوئی وانگر خُدا دی نظر کر کے قُربان کِیتا۔

کُلُسِّیوں 3:12

سو خُدا دے چُنیاں ہویاں وانگر۔ جیہڑے پاک تے پیارے نیں۔ رَحم دِلی تے مِہربانی تے عاجزی تے حلِیمی تے برداشت دا لباس پاؤ۔

یعقُوب 2:13

کیوں جو جِس رَحم نئیں کِیتا اوہدا نیاں رَحم بِناں ہوئے گا۔ رَحم عدالت نُوں جِت جاندا اے۔

۱-پطرس 2:21

تے تُسی ایسے لئی سَدّے گئے سو۔ کیوں جو مسِیح وی تُہاڈے لئی دُکھ پا کے تُہانوں اِک نمونہ دے گیا تاں جو اوہدے کُھرے اُتّے ٹُرو۔