کُلُسِّیوں 3:12 - پنجابی نواں عہد نامہ نظرثانی شدہ چھپائی

¹² سو خُدا دے چُنیاں ہویاں وانگر۔ جیہڑے پاک تے پیارے نیں۔ رَحم دِلی تے مِہربانی تے عاجزی تے حلِیمی تے برداشت دا لباس پاؤ۔

کُلُسِّیوں 3:12 ပူးပေါင်းရင်းမြစ်များ

متّی 24:22

تے جے اوہ دِن گھٹائے نا جاندے تے اِک جی وی نا بچدا پر چُنیاں ہویاں دی خاطر اوہ دِن گھٹائے جان گے۔

متّی 24:24

کیوں جو جُھوٹھے مسِیح تے جُھوٹھے پیغمبر اُٹھن گے۔ تے بھارے نِشان تے کراماتاں وکھان گے۔ اجیہے پئی جے ہو سکے تے اوہ چُنیاں ہویاں نُوں وی گُمراہ کر لین۔

متّی 24:31

تے تُرہی دی بڑی اواز نال اوہ اپنے فرِشتیاں نُوں گھلّے گا تے اوہ اوہدیاں چُنیاں ہویاں نُوں اسمان دے ایس سِرے توں لے کے اوس سِرے تِیکر چَوہاں گُٹّھاں توں اکٹّھے کرن گے۔

مرقس 13:20

تے جیکر خُداوند اوہناں دِناں نُوں نا گھٹاؤندا۔ تے اِک بندہ وی نا بچدا۔ پر اوہناں چُنیاں ہویاں دی خاطر جِنہاں نُوں اوس چُنیا اے۔ اوس اوہناں دِناں نُوں گھٹایا۔

مرقس 13:22

کیوں جو جُھوٹھے مسِیح تے جُھوٹھے نبی اُٹھن گے۔ تے نِشان تے اچرج کمّ وکھان گے۔ تاں جو جے ہو سکے اوہ چُنیاں ہویاں نُوں بُھلان۔

مرقس 13:27

تے اوس ویلے اوہ فرِشتیاں نُوں گھلّے گا۔ تے چَوہاں گُٹّھاں توں زمین دی حدّوں اسمان دی حد تِیکر اپنے چُنیاں ہویاں نُوں اکٹّھے کرے گا۔

لُوقا 1:78

ایہہ ساڈے خُدا دے رَحم توں ہوئے گا جِہدے سبّب اسمان توں ساڈے اُتّے سُورج چڑھے گا۔

لُوقا 18:7

خُدا اپنے چُنیاں ہویاں لوکاں دا جیہڑے دِنیں راتِیں اوہنوں فریاد کر دے نیں نیاں نا کرے گا؟ کِیہ اوہ اوہناں دا چوکھا چِر لاؤندا اے؟

رُومِیوں 1:7

اوہناں ساریاں دے ناں جیہڑے رُومہ وِچ خُدا دے پیارے پاک ہون لئی سَدّے گئے نیں۔ ساڈے باپ خُدا تے خُداوند یِسُوع مسِیح ولّوں تُہانوں فضل تے سلامتی مِلدی رئے۔

رُومِیوں 13:14

سگوں خُداوند یِسُوع مسِیح نُوں پا لوؤ تے جِسم دِیاں خواہشاں پُوریاں کرن لئی سوچ فِکر نا کرو۔

رُومِیوں 9:11

کیوں جو اوہ تے اجے نئیں سن جمّے تے نا کُجھ بھلا بُرا کِیتا سی۔ ایس مطلب واسطے پئی خُدا دا اِرادہ جیہڑا چُنن دی بابت اے۔ اوہ کمّاں اُتّے نا رہے۔ سگوں سَدّن والے دی مرضی اُتّے رہے۔

۱-کُرِنتھِیوں 13:4

مُحبّت صبر کرن والی اے۔ تے مہربان اے۔ مُحبّت وِچ ساڑا نئیں۔ مُحبّت شیخی نئیں مار دی تے پُھلدی نئیں۔

۲-کُرِنتھِیوں 6:6

پاکیزگی نال۔ عِلم نال ۔تحمّل نال۔ مِہربانی نال۔ پاک رُوح نال۔ سَچّی مُحبّت نال۔

گلتِیوں 5:6

تے مسِیح یِسُوع وِچ نا تے سُنتی بہنا کِسے کمّ دا اے۔ تے نا سُنتی نا بہنا۔ پر اوہ اِیمان جیہڑا مُحبّت دی راہِیں اثر کر دا اے۔

اِفسِیوں 1:4

تے اوس سانُوں دُنیا دے مُڈھ توں پہلاں اوہدے وِچ ایس لئی چُن لیا پئی اسی اوہدے سامھنے مُحبّت وِچ پاک تے بے نُقص ہوئے۔

اِفسِیوں 4:2

یعنی پُوری عاجزی تے حلِیمی نال صبر کر کے مُحبّت نال اِک دُوجے دی برداشت کرو۔

اِفسِیوں 4:24

تے نَوِیں اِنسانِیّت نُوں پاؤ جیہڑی خُدا دے سببّوں اوس سچیائی دی راستبازی تے پاکیزگی وِچ پَیدا کِیتی گئی اے۔

اِفسِیوں 4:32

تے اِک دُوجے اُتّے مہربان تے نرم دِل ہوؤ۔ تے جیویں مسِیح دے سببّوں خُدا ساڈے قصور بخش دِتّے نیں۔ تُسی وی اِک دُوجے نُوں بخشو۔

فِلِپّیوں 1:8

خُدا میرا گواہ اے پئی مَیں کِیویں مسِیح یِسُوع دیاں ترساں نال تُہاڈی ساریاں دی چاہ کرنا آں۔

کُلُسِّیوں 3:10

تے نَوِیں اِنسانِیّت نُوں پالیا اے۔ جیہڑی خُدا دے عِلم لئی اپنے پَیدا کرن والے دی صُورت اُتّے نَوِیں بندی جاندی اے۔

۱-تھِسّلُنِیکوں 5:15

خیال رکھو پئی کوئی کِسے نال بدی دے بدلے بدی نا کرے۔ سگوں ہر ویلے آپو وِچ تے سبھناں نال نیکی کرن دے پِچّھے لگّے رو۔

۲-تِیمُتِھیُس 1:9

جِس سانُوں نجات دِتّی تے پاک بُلاوے نال بُلایا۔ ساڈے کمّاں دے سببّوں نئیں۔ سگوں اپنے خاص اِرادے تے اوس فضل دے سببّوں جیہڑا مسِیح یِسُوع وِچ ساڈے اُتّے مُڈھوں ای ہویا۔

۲-تِیمُتِھیُس 2:10

ایسے سبّب مَیں چُنیاں ہویاں لوکاں دی خاطر سبھ کُجھ سہنا آں پئی اوہناں نُوں وی اوہ نجات جیہڑی مسِیح یِسُوع وِچ اے۔ سدا دے جلال نال مِل جائے۔

طِطُس 1:1

پَولُس ولّوں جیہڑا خُدا دا غلام تے یِسُوع مسِیح دا رسُول اے خُدا دے چُنیاں ہویاں دے اِیمان تے اوس سچیائی دی پچھان لئی جیہڑی دِینداری سیتی اے۔

۱-پطرس 1:2

خُدا باپ دے اگیترے عِلم دے سببّوں رُوح دے پاک کرن نال تابعدار ہون تے یِسُوع مسِیح دا لہو چِھڑکے جان واسطے چُنے ہوئے نیں۔ فضل تے تسلّی تُہانوں مِلدی رہے۔

۲-پطرس 1:10

سو بھراؤ! اپنے بُلاوے تے برگزیدگی نُوں ثابت کرن دی وَدّھ کے کوشش کرو۔ کیوں جو جے تُسی ایس طرح کرو۔ تے کدی وی ٹھیڈا نا کھاؤ گے۔

۱-یُوحنّا 4:19

اسی ایس لئی مُحبّت کرنے آں پئی پہلا اوس ساڈے نال مُحبّت کِیتی۔

۲یُوحنّا 1:13

تیری چُنی ہوئی بھین دے پُتر تینُوں سلام آکھدے نیں۔

مُکاشفہ 17:14

اوہ لیلے نال لڑن گے تے لیلا اوہناں نُوں جِت لے گا۔ کیوں جو اوہ خُداونداں دا خُداوند تے بادشاہاں دا بادشاہ اے۔ تے جیہڑے سَدّے ہوئے تے چُنے ہوئے تے وفادار اوہدے نال نیں اوہ وی جتن گے۔