کُلُسِّیوں 3:1 - پنجابی نواں عہد نامہ نظرثانی شدہ چھپائی

¹ سو جے تُسی مسِیح نال جوالے گئے ہو تاں اُتّے دِیاں شیواں نُوں لبّھدے رہو۔ جِتّھے مسِیح رہندا اے تے خُدا دے سَجّے ہتّھ بَیٹھا اے۔

کُلُسِّیوں 3:1 ပူးပေါင်းရင်းမြစ်များ

متّی 22:44

پئی خُداوند نے میرے خُداوند نُوں آکھیا تُوں میرے سَجّے پاسے بَیہہ جا جد تِیکر مَیں تیرے وَیرِیاں نُوں تیرے پیراں ہیٹھ نا کر دیواں۔

متّی 26:64

یِسُوع اوہنوں آکھیا تُوں آپے آکھ دِتّا اے فیر وی مَیں تُہانوں آکھنا آں پئی ایدوں اگّے تُسی اِبنِ آدم نُوں قُدرت دے سَجّے ہتّھ بَیٹھیاں ہویاں تے اسمان دے بدّلاں اُتّے آؤندیاں ویکھو گے۔

متّی 6:20

پر اسمان اُتّے اپنے لئی خزانہ اکٹّھا کرو۔ جِتّھے نا کِیڑا نا جنگال خراب کر دا اے تے جِتّھے چور نا سَنّھ مار دے تے نا چُرا لے جاندے نیں۔

متّی 6:33

پر تُسی پہلاں اوہدی بادشاہی تے سچیائی نُوں لَبّھو۔ تَد ایہہ سارِیاں شیواں وی تُہانوں دِتّیاں جان گِیاں۔

مرقس 12:36

داؤد پاک رُوح دی راہِیں آکھیا۔ پئی خُداوند نیں میرے خُداوند نُوں آکھیا پئی تُوں میرے سَجّے پاسے بَہو۔ جد تِیکر مَیں تیرے وَیرِیاں نُوں تیرے پَیر رکھن دی چَوکی نا کراں۔

مرقس 14:62

یِسُوع آکھیا۔ مَیں آں۔ تے تُسی اِبنِ آدم نُوں قُدرت دے سَجّے ہتّھ بَیٹھیاں ہویاں تے بدّلاں نال آؤندیاں ویکھو گے۔

مرقس 16:19

فیر خُداوند یِسُوع اوہناں نال کلام مُکا کے اسمان اُتّے اُٹھا لیا گیا۔ تے خُدا دے سَجّے ہتّھ جا بَیٹھا۔

لُوقا 12:33

اپنا مال ویچ کے خَیرات کرو تے اپنے لئی اوہ بٹوے بناؤ جیہڑے پرانے نئیں ہوندے۔ تے اوہ خزانہ جیہڑا تُھڑدا نئیں مطلب اسماناں دے وِچ جِتّھے چور نیڑے نئیں آؤندا تے نا کِیڑا خراب کر دا اے۔

لُوقا 20:42

کیوں جو داؤد زبُور دی کتاب وِچ آپے آکھدا اے پئی خُداوند نے میرے خُداوند نُوں آکھیا۔ میرے سَجّے ہتّھ بَیٹھ۔

لُوقا 22:69

ہُن توں اگّے اِبنِ آدم خُدا دی قُدرت دے سَجّے ہتّھ بَیٹھا رہے گا۔

اعمال 2:34

کیوں جو داؤد تاں اسمان اُتّے نئیں چڑھیا۔ سگوں آپی آکھدا اے۔ پئی خُداوند میرے خُداوند نُوں آکھیا۔ پئی میرے سَجّے ہتّھ بَیہہ جا۔

اعمال 7:55

پر اوہ پاک رُوح نال بھریا ہویا اسمان ولّ پیا ویکھدا سی۔ تے خُدا دے جلال تے یِسُوع نُوں خُدا دے سَجّے ہتّھ کھلوتیاں ویکھیا۔

رُومِیوں 8:34

کیہڑا اے جیہڑا ڈنڈ لاندا اے؟ ایہہ مسِیح یِسُوع اے جیہڑا مر گیا۔ آہو سگوں اوہی جیہڑا مُردیاں وِچوں جوالیا گیا تے خُدا دے سَجّے پاسے اے۔ تے ساڈی سفارِش وی کر دا اے۔

رُومِیوں 8:6

کیوں جو جِسمانی نِیّت مَوت اے پر رُوحانی نِیّت زِندگی تے چَین اے۔

۲-کُرِنتھِیوں 4:18

جِس حال اسی ویکھیاں ہویاں شیواں اُتّے نئیں سگوں اَن ویکھیاں شیواں اُتّے نِگاہ کرنے آں۔ کیوں جو ویکھیاں ہویاں شیواں تھوڑیاں دِناں دِیاں نیں۔ پر اَن ویکھیاں شیواں سدا رہن والیاں نیں۔

اِفسِیوں 4:10

تے ایہہ اُترن والا اوہو ای اے۔ جیہڑا ساریاں اسماناں توں اُچّا چڑھیا تاں جو سارِیاں شیواں نُوں بھر دے۔)

اِفسِیوں 5:22

اَے زنانِیو! اپنے گھر والیاں دی اجیہی تابعیاں رہو۔ جیویں خُداوند دی۔

کُلُسِّیوں 2:20

جد تُسی مسِیح نال دُنیا دِیاں مُڈھ والِیاں گلّاں ولّوں مر گئے۔ تے فیر اوہناں وانگر جیہڑے دُنیا وِچ جِیوندے نیں بندیاں دے حُکماں تے تعلِیماں وِچوں اجیہاں رسماں نُوں کیوں مَن دے ہو۔

کُلُسِّیوں 3:2

اُتّے دِیاں شیواں دے دھیان وِچ رہو زمین دِیاں شیواں دے نئیں۔

عِبرانیوں 1:13

فیر اوس فرِشتیاں وِچوں کِنوں کَدے آکھیا پئی تُوں میرے سَجّے ہتّھ بَہہ جا جد تِیکر مَیں تیرے وَیرِیاں نُوں تیرے پیراں دی چَوکی نا بناواں؟

عِبرانیوں 1:3

اوہ اوہدے جلال دا لشکارا تے اوہدی ذات دا ٹھپّہ ہو کے سارِیاں شیواں نُوں اپنی قُدرت دے کلام نال سمبھالدا اے۔ اوہ ساڈے گُناہاں نُوں دھو کے بلندی اُتّے جناب باری دے سَجّے پاسے جا بَیٹھا۔

عِبرانیوں 10:12

پر ایہہ سدا لئی گُناہ دے بدلے اِکّو ای قُربانی چاہڑ کے خُدا دے سَجّے پاسے بَہہ گیا۔

عِبرانیوں 12:2

تے اِیمان دے بانی تے کامِل کرن والے یِسُوع نُوں ویکھدے رہیئے۔ جِس اوس خُوشی دے سبّب جیہڑی اوہدے اگّے پئی ہوئی سی بے عِزّتی دی پرواہ نا کِیتی تے صلِیب دا دُکھ جَھل کے خُدا دے تخت دے سَجّے پاسے جا بَیٹھا۔

عِبرانیوں 8:1

ہُن جیہڑیاں گلّاں اسی پئے آکھنے آں اوہناں وِچوں وڈّی گلّ ایہہ اے پئی ساڈا اجیہا سردار کاہِن اے۔ جیہڑا اسماناں اُتّے جناب باری دے تخت دے سَجّے پاسے بَیٹھا اے۔

۱-پطرس 3:22

اوہ اسمان اُتّے جا کے خُدا دے سَجّے پاسے بَیٹھا ہویا اے تے فرِشتے تے اختیار تے قُدرتاں اوہدے تابعیاں کِیتیاں گِئیاں نیں۔