کُلُسِّیوں 2:8 - پنجابی نواں عہد نامہ نظرثانی شدہ چھپائی

⁸ خبردار تُہانوں کوئی بندہ اوس فلسفی تے بے فائدہ فریب نال لُٹ نا لَئے۔ جیہڑے بندیاں دِیاں روائِتاں تے دُنیا دِیاں مُڈھ والِیاں گلّاں وانگر نیں۔ پر مسِیح وانگر نئیں۔

کُلُسِّیوں 2:8 ပူးပေါင်းရင်းမြစ်များ

متّی 10:17

پر بندیاں توں خبردار رہو کیوں جو اوہ تُہانوں مجلسیاں دے حوالے کرن گے تے اپنے عبادت خانیاں وِچ کولڑے مارن گے۔

متّی 16:6

تے یِسُوع نے اوہناں نُوں آکھیا خبردار فرِیسیاں تے صدوقیاں دے خمیر توں ہُشیار رہو۔

متّی 7:15

جُھوٹھے پیغمبراں توں خبردار رہو جیہڑے تُہاڈے کول بھیڈاں دے بھیس وِچ آوندے نیں پر وِچوں پاڑن والے بگھیاڑ نیں۔

اعمال 17:18

تے بعضے اِپِکُوری تے ستوئِیکی سِیانے اوہدے نال مُقابلہ کرن لگّے۔ تے بعضیاں نیں آکھیا۔ پئی ایہہ گپّی کِیہ آکھنا چاہندا اے؟ تے ہورناں نیں آکھیا۔ پئی ایہہ بندہ اوپرے دیوتیاں دی خبر دسن والا معلُوم ہوندا اے۔ ایس لئی پئی اوہ یِسُوع دی تے قیامت دی خُوشخبری دیندا سی۔

اعمال 17:32

تے جد اوہناں مُردیاں وِچوں جی اُٹھن دی گلّ سُنی تَد کئی مخَول کرن لگّے۔ تے ہورناں آکھیا۔ پئی اسی ایہہ گلّ تَیتھوں فیر سُناں گے۔

رُومِیوں 16:17

پر بھراؤ! مَیں تُہاڈی مِنّت کرنا آں۔ تُسی اوہناں لوکاں توں جیہڑے اوس تعلِیم دے اُلٹ جیہڑی تُہانوں مِلی پُھٹ پان والے تے ٹھوکر دین والے نیں خبردار رہو تے اوہناں توں لانبھے رہو۔

۱-کُرِنتھِیوں 10:12

سو جیہڑا اپنے آپ نُوں پَکیّاں سمجھدا اے سو خبردار رہے پئی ڈِگّ نا پَوے۔

۱-کُرِنتھِیوں 8:9

پر خبردار رہو۔ اجیہا نا ہوئے پئی تُہاڈی ایہہ کُھل کمزوراں دی ٹھوکر دا سبّب بن جائے۔

۲-کُرِنتھِیوں 10:5

سو اسی وہماں تے ہر اُچّی شے نُوں جِس خُدا دی پہچان دے برخلاف سِر چُکیا ہویا اے۔ ڈھاہ دینے آں۔ تے ہر اِک خیال نُوں قید کر کے مسِیح دا تابعدار بنا دینے آں۔

گلتِیوں 1:14

تے مَیں یہُودی طریقے وِچ اپنی قوم دِیاں بتھیریاں ہانِیاں نالوں وَدھدا جان دا ساں تے وڈّیاں دِیاں رِیتاں دے وِچ بڑے جوش نال لگّا ہویا ساں۔

گلتِیوں 4:3

ایسے طرح اسی وی جدوں نِیانے ساں۔ تے دُنیا دی مُڈھ دِیاں گلّاں دی غلامی وِچ ڈکے رہے۔

گلتِیوں 4:9

پر ہُن جو تُساں خُدا نُوں پِچھانیا۔ سگوں خُدا تُہانوں پِچھانیا تے اوہناں کمزوراں تے نکمّیاں مُڈھ والِیاں گلّاں ولّ کیوں پِھردے ہو۔ جِنہاں دی دُوجی وار غلامی کرنی چاہندے ہو۔

گلتِیوں 5:15

پر جے تُسی اِک دُوجے نُوں وَڈّھ دے تے پاڑ کھاندے ہو۔ تے خبردار رہو۔ پئی تُہاڈا اِک دُوجے کولوں ستیاناس نا ہوئے۔

اِفسِیوں 2:2

جِنہاں وِچ تُسی پہلاں ایس دُنیا دی چال اُتّے ٹُر دے سو۔ وَا دے پتّے دے حاکم یعنی اوس رُوح دے مگر مگر ٹُردے سو۔ جیہڑی ہُن نافرمان لوکاں وِچ اثر کر دی اے۔

اِفسِیوں 4:20

پر تُساں مسِیح دی بابت ایہو جیہی تعلِیم نئیں سِکھی۔

اِفسِیوں 5:6

کوئی تُہانوں بے فائدہ گلّاں نال دھوکھا نا دے۔ کیوں جو ایہناں دے سببّوں نافرمان لوکاں اُتّے خُدا دا غُصّہ آؤندا اے۔

فِلِپّیوں 3:2

کُتّیاں توں خبردار رہو۔ بدکاراں توں خبردار رہو۔ ماس وَڈّھان والیاں توں خبردار رہو۔

کُلُسِّیوں 2:18

کوئی بندہ عاجزی یا فرِشتیاں دی بندگی نُوں پسند کر کے تُہاڈا دَوڑ والا اِنعام نا کھو لَئے۔ اجیہا بندے اپنے جِسم دی عقل اُتّے بے فائدہ شیخی مار کے ویکھیاں ہویاں شیواں وِچ لگّا رہندا اے۔

کُلُسِّیوں 2:20

جد تُسی مسِیح نال دُنیا دِیاں مُڈھ والِیاں گلّاں ولّوں مر گئے۔ تے فیر اوہناں وانگر جیہڑے دُنیا وِچ جِیوندے نیں بندیاں دے حُکماں تے تعلِیماں وِچوں اجیہاں رسماں نُوں کیوں مَن دے ہو۔

کُلُسِّیوں 2:22

(کیوں جو ایہہ سارِیاں شیواں ورتدیاں ورتدیاں مُک جان گِیاں۔)

کُلُسِّیوں 2:23

ایہناں گلّاں وِچ اپنی مرضی دی بندگی تے عاجزی تے بدن نال سختی کرن دے سببّوں حِکمت دی صُورت تے اے۔ پر جِسمانی خواہشاں دے روکن وِچ کِسے کمّ دِیاں نئیں۔

۱-تِیمُتِھیُس 6:20

اَے تِیمُتِھیُس ایس امانت نُوں چنگی طرح رکھ۔ تے جیہڑے عِلم نُوں عِلم آکھنا ای نئیں چاہیدا۔ اوہدی واہیات بکواساں تے مخالفتاں اُتّے دھیان نا کر۔

۲-تِیمُتِھیُس 3:13

تے بُرے تے دھوکھے باز بندے فریب دیندے تے فریب کھاندے وِگڑدے لگے جان گے۔

عِبرانیوں 13:9

وَکھو وَکھ تے اوپریاں تعلِیماں پِچّھے بُھلّے نا پِھرو۔ کیوں جو ایہہ چَنگا اے۔ پئی فضل نال دِل تگڑا رہے اوہناں خُوراکاں نال نئیں جِنہاں دے ورتن والیاں نُوں کُجھ فائدہ نئیں ہویا۔

عِبرانیوں 3:12

بھراؤ! خبردار تُہاڈے وِچوں کِسے دا اجیہا بَھیڑا تے بے اِیمان دِل نا ہوئے۔ جیہڑا جِیوندے خُدا توں پھر جاوے۔

۱-پطرس 1:18

کیوں جو تُسی جان دے ہو پئی تُہاڈا نکمّا چال چَلّن جیہڑا پئیو دادیاں توں لگا آؤندا سی۔ اوہدے توں تُہاڈی خلاصی ناس ہون والِیاں شیواں یعنی سونے چاندی نال نئیں ہوئی۔

۲-پطرس 3:17

سو پیاریو! ایس کر کے پئی تُسی ایہناں گلّاں نُوں اگیترے جان دے ہو۔ خبردار ہو تاں جو بے دِیناں وی بد راہی ولّ کھِچّے جا کے اپنی پُختیائی چھڈ نا دیو۔

۲یُوحنّا 1:8

اپنا دھیان رکھو۔ پئی جیہڑی محنت اساں کِیتی اے۔ اوہ تُہاڈی راہِیں اوگت نا جائے سگوں تُہانوں پُورا بدلہ مِلے۔