کُلُسِّیوں 2:6 - پنجابی نواں عہد نامہ نظرثانی شدہ چھپائی

⁶ ایس لئی جیویں تُساں مسِیح یِسُوع خُداوند نُوں مَنّیا جھلیا اے اوسے طرح اوہدے وِچ ای چلدے رہو تے اوہدے وِچ جڑ پھڑ کے وَدھدے جاؤ۔

کُلُسِّیوں 2:6 ပူးပေါင်းရင်းမြစ်များ

متّی 10:40

جیہڑا تُہانوں قبول کر دا اے مَینُوں قبول کر دا اے۔ تے جیہڑا مَینُوں قبول کر دا اے میرے گھلّن والے نُوں قبول کر دا اے۔

یُوحنّا 13:20

مَیں تُہانوں سَچ سَچ آکھنا آں جے کوئی میرے گھلّے ہوئے نُوں قبول کرے مَینُوں قبول کر دا اے تے اوہ جیہڑا مَینُوں قبول کر دا اے میرے گھلّن والے نُوں قبول کر دا اے۔

یُوحنّا 14:6

یِسُوع اوہنوں آکھیا مَیں ای راہ تے سچیائی تے زِندگی آں۔ میرے بِناں کوئی باپ دے کول نئیں آؤندا۔

۱-کُرِنتھِیوں 1:30

پر تُسی اوہدے ولّوں یِسُوع مسِیح وِچ ہو جیہڑا ساڈے لئی خُدا ولّوں حِکمت ہویا یعنی راستبازی تے پاکیزگی تے مُکتی۔

۲-کُرِنتھِیوں 5:7

کیوں جو اسی اِیمان نال ٹُرنے آں نا اَکھّیں ویکھے اُتّے۔

گلتِیوں 2:20

مَیں مسِیح دے نال سُولی دِتّا گیا آں ہُن مَیں جِیوندا نا رہیا۔ سگوں مسِیح میرے وِچ جِیوندا اے۔ تے مَیں جیہڑا ہُن جِسم وِچ جِیوناں آں۔ تے خُدا دے پُتر اُتّے اِیمان لیاؤن نال جِیوناں آں۔ جِس مَینُوں پیار کِیتا تے میری تھانویں اپنا آپ دے دِتّا۔

گلتِیوں 3:26

کیوں جو تُسی سارے اوس اِیمان دی راہِیں جیہڑا مسِیح یِسُوع اُتّے اے خُدا دے پُتر ہو۔

اِفسِیوں 4:1

سو مَیں جیہڑا خُداوند دے سببّوں قیدی آں تُہاڈے اگّے عرض کرنا آں پئی جیویں سَدّے گئے سو۔ اوسے طرح چلّو۔

فِلِپّیوں 1:27

نِرا ایہہ کرو پئی تُہاڈا چال چَلّن مسِیح دی خُوشخبری دے لائق ہوئے۔ تاں جو بھانویں مَیں آواں تے تُہانوں ویکھاں تے بھانویں نا آواں تُہاڈا ایہہ حال سُناں۔ پئی تُسی اِکّو رُوح وِچ پکّے اوہ۔ تے اِنجِیل دے اِیمان دے لئی تُسی رَل کے اِک جان ہو کے دِلوں محنت کر دے ہو۔

کُلُسِّیوں 1:10

تاں جو تُہاڈا چال چَلّن خُدا دے لائق ہوئے تے تُسی اوہنوں سارِیاں گلّاں وِچ خُوش کرو۔ تے تُہاڈے ساریاں نیک کمّاں وِچ پَھل لگّے۔ تے تُسی خُدا دی پچھان وِچ وَدھدے جاؤ۔

کُلُسِّیوں 3:17

تے کلام یا کمّ جو کُجھ کر دے ہو اوہ سبھ خُداوند یِسُوع دے ناں اُتّے کرو۔ تے اوسے دی راہِیں خُدا باپ دا شُکر کرو۔

۱-تھِسّلُنِیکوں 4:1

باقی بھراؤ! اسی تُہاڈی مِنّت کرنے آں تے خُداوند یِسُوع مسِیح وِچ تُہانوں ایہہ نصِیحت کرنے آں۔ پئی جیویں تُساں ساڈے کولوں سِکھیا۔ پئی جیویں ٹُرناں تے خُدا نُوں خُوش کرنا چاہیدا اے تے جیویں تُسی ٹُر دے وی ہو اوسے طرح وَدھدے جاؤ۔

عِبرانیوں 3:14

کیوں جو اسی مسِیح وِچ شریک ہوئے آں جے اسی اپنے شُروع دے بھروسے وِچ اوڑک تِیکر مضبُوطی نال قیم رہئے۔

۱-یُوحنّا 2:6

جیہڑا ایہہ آکھدا اے۔ پئی مَیں اوہدے وِچ رہنا آں۔ تے اوہنوں اوسے طرح ٹُرناں چاہیدا اے۔ جیویں اوہ ٹُردا ہوندا سی۔

۱-یُوحنّا 5:20

تے ایہہ وی جاننے آں پئی خُدا دا پُتر آگیا اے۔ تے اوس سانُوں سمجھ دِتّی اے۔ تاں جو اوہنوں جیہڑا اصلی اے جانئے۔ تے اسی اوہدے وِچ۔ جیہڑا اصلی اے یعنی اوہدے پُتر یِسُوع مسِیح وِچ آں۔ اصلی خُدا تے ہمیشہ دی زِندگی ایہی اے۔

یہُوداہ 1:3

پیاریو! جِس ویلے مَیں تُہانوں اوس نجات دی بابت لِکھن دی پُوری کوشش کر دا ساں جِہدے وِچ اسی سارے سنگی آں مَیں تُہانوں ایہہ لِکھ کے مَت دینی ضرُوری سمجھی۔ پئی تُسی اِیمان دِیاں اوہناں گلّاں لئی گھلّو جیہڑیاں پاک لوکاں نُوں اِک واری حوالے کِیتاں گِئیاں سن۔