کُلُسِّیوں 2:15 - پنجابی نواں عہد نامہ نظرثانی شدہ چھپائی

¹⁵ اوس حکُومتاں تے اِختیاراں نُوں اپنے اُتّوں ہٹا کے اوہناں دا کُھلا تماشہ بنایا تے صلِیب دے سببّوں اوہناں اُتّے فتح پا لین دی خُوشی کِیتی۔

کُلُسِّیوں 2:15 ပူးပေါင်းရင်းမြစ်များ

متّی 12:29

یا کوئی کِسے زوراور بندے دے گھر وِچ کِس طرح اندر وڑ کے اوہدا مال لُٹ سکدا اے۔ جے پہلاں اوہ اوس زوراور نُوں بَنّھ نا لَئے۔ تے تَد اوہدا گھر لُٹّے گا۔

لُوقا 10:18

تَد اوس اوہناں نُوں آکھیا۔ مَیں شیطان نُوں بِجلی وانگُوں اسمانوں ڈِگّیا ویکھیا۔

لُوقا 11:22

پر جد اوہدے نالوں کوئی زوراور اوہدے اُتّے حملہ کر کے جِتّے۔ تے سارے ہتّھیار جِہدے اُتّے اوہدا مان سی اوہ کھوہ لَیندا اے۔ تے اوہدا مال لُٹ کے ونڈ دیندا اے۔

یُوحنّا 16:11

عدالت دی بابت ایس لئی پئی دُنیا دا سردار مُجرم کِیتا گیا۔

یُوحنّا 19:30

جد یِسُوع سِرکہ چَکھّیا تے آکھیا پُورا ہویا۔ تے سِر جُھکا کے جان دے دِتّی۔

۱-کُرِنتھِیوں 15:24

ایہدے مگروں اوڑک اے۔ اوس ویلے اوہ ساری حکُومت تے سارا اختیار تے قُدرت دا ناس کر کے بادشاہی نُوں خُدا باپ دے حوالے کر دے گا۔

۲-کُرِنتھِیوں 2:14

پر خُدا دا شُکر اے۔ جیہڑا مسِیح وِچ سانُوں سدا قیدِیاں وانگُوں گشت کراندا اے۔ تے اپنے عِلم دی خُوشبوئی ساڈی راہِیں ہر تھاں پَھیلاؤندا اے۔

۲-کُرِنتھِیوں 4:4

یعنی اوہناں بے اِیماناں لئی جِنہاں دِیاں اَکھّیاں نُوں ایس جہان دے خُدا اَنھیاں کر دِتّا اے۔ تاں جو مسِیح جیہڑا خُدا دی صُورت اے اوہدے جلال دی خُوشخبری دا چانن اوہناں اُتّے نا پئے۔

اِفسِیوں 3:10

تاں جو ہُن کلِیسیا دی راہِیں خُدا دی طرح طرح دی حِکمت اوہناں حکُومت تے اختیار والیاں نُوں معلُوم ہو جائے۔ جیہڑے اسمانی تھانواں وِچ نیں۔

اِفسِیوں 4:8

ایسے واسطے اوہ آکھدا اے۔ پئی جد اوہ عالمِ بالا اُتّے چڑھیا تے قیدِیاں نُوں نال لے گیا۔ تے بندیاں نُوں اِنعام دِتّے۔

اِفسِیوں 6:12

کیوں جو اساں لہو تے جِسم نال نئیں سگوں اساں حکُومت تے اختیار والیاں تے ایس دُنیا دے ہنیرے دِیاں حاکماں تے شرارت دِیاں رُوحانی فَوجاں نال گُھلنا اے۔ جیہڑیاں اسمانی تھانواں وِچ نیں۔

کُلُسِّیوں 1:16

کیوں جو اوسے توں سارِیاں شیواں پَیدا کِیتیاں گِئیاں۔ بھانویں اسمان دِیاں ہون۔ بھانویں زمین دِیاں۔ ویکھیاں ہویاں ہون بھانویں انویکھیاں۔ تخت ہون بھانویں ریاستاں۔ بھانویں حکُومتاں بھانویں اختیار۔ سارِیاں شیواں اوسے دی راہِیں تے اوہدے واسطے پَیدا کِیتیاں ہویاں نیں۔

کُلُسِّیوں 2:10

تے تُسی اوسے وِچ کامِل بن گئے ہو۔ جیہڑا ساری حِکمت تے اختیار دا سِر اے۔

عِبرانیوں 2:14

سو جِس حال بچّے خُون تے گوشت وِچ سنگی نیں اوسے طرح اوہ اوہناں وانگر آپ وی اوہناں وِچ شریک ہویا۔ تاں جو اوہ مَوت دی راہِیں اوہنوں جِہنُوں مَوت اُتّے طاقت مِلی یعنی ابلیس نُوں بے کار کر دے۔

مُکاشفہ 12:9

تے اوہ وَڈا ناگ یعنی اوہو ای پرانا سَپّ جیہڑا ابلیس تے شیطان اکھواؤندا اے تے سارے جہان نُوں بدراہ کر دیندا اے۔ زمین اُتّے ڈیگیا گیا تے اوہدے فرِشتے وی اوہدے نال ڈیگے گئے۔

مُکاشفہ 20:10

تے اوہناں دا بدراہ کرن والا ابلیس اَگ تے گندھک دی اوس جِھیل وِچ سُٹّیا جائے گا۔ جِتّھے اوہ پشُو تے جُھوٹھا نبی وی ہوئے گا۔ تے اوہ دِنے راتِیں ہمیشہ تِیکر عذاب وِچ رہن گے۔