کُلُسِّیوں 2:11 - پنجابی نواں عہد نامہ نظرثانی شدہ چھپائی

¹¹ اوسے وِچ تُسی ایس طرح سُنتی بَیٹھے جیہڑی سُنت ہتّھاں نال نئیں ہوندی۔ سگوں مسِیح دی سُنت جِہدے وِچ نفسانی بدن لاہ چھڈی دا اے۔

کُلُسِّیوں 2:11 ပူးပေါင်းရင်းမြစ်များ

مرقس 14:58

پئی اساں اوہنوں ایہہ آکھدیاں سُنیاں پئی مَیں ایس ہیکل نُوں جیہڑی ہتّھ نال بنائی ہوئی اے ڈھا دیاں گا۔ تے تِنّاں دِناں دے اندر اندر اِک ہور نُوں بناواں گا۔ جیہڑی ہتّھاں دی بنائی ہوئی نا ہوئے۔

لُوقا 2:21

تے جدوں اوہدے سُنتی بہان دے اَٹھ دِن پُورے ہوئے تے اوہدا ناں یِسُوع رکھیا گیا۔ جیہڑا اوہدے گربھ وِچ پَین توں پہلاں فرِشتے نے رکھیا سی۔

اعمال 17:24

خُدا جِہنے جہان تے جو کُجھ اوہدے وِچ اے بنایا۔ اوہ اسمان تے زمین دا مالک ہو کے ہتّھاں دے بنایاں ہویاں بُت خانیاں وِچ نئیں وَسدا۔

اعمال 7:48

تَد وی حق تعالیٰ ہتّھاں دے بنائے ہوئے تھانواں وِچ نئیں رہندا۔ جیویں نبی آکھدا اے۔

رُومِیوں 2:29

سگوں ٹھیک یہُودی اوہو اے۔ جیہڑا اندروں اے تے سُنتی بہنا اوہو اے۔ جیہڑا دِل دا اے رسمی نا ہوئے پر رُوحانی ہوئے۔ اجیہے دی وڈیائی بندیاں ولّوں نئیں پر خُدا ولّوں اے۔

رُومِیوں 6:6

ایہہ جان کے پئی ساڈی پرانی اِنسانِیّت اوہدے نال صلِیب دِتّی گئی۔ تاں جو گُنہگار بدن رَدّ کِیتا جائے تے اگّے نُوں اسی گُناہ دی غلامی نا کریئے۔

رُومِیوں 7:24

ہائے مَیں تے بڑا اَوکھا آں۔ ایس مَوت دے بدن توں مَینُوں کون چھڈاوے گا؟

۲-کُرِنتھِیوں 5:1

کیوں جو اسی جاننے آں پئی جد ساڈا ایہہ تنبُو جیہا گھر جیہڑا زمین اُتّے اے ڈیگیا جائے گا۔ تے سانُوں خُدا ولّوں اسماناں اُتّے اِک اجیہی عمارت مِلے گی۔ جیہڑا ہتّھاں دا بنیا ہویا گھر نئیں سگوں سدا رہن والا اے۔

۲-کُرِنتھِیوں 5:17

ایس لئی جے کوئی مسِیح وِچ اے۔ تے اوہ نواں مخلُوق اے پرانیاں شیواں جاندِیاں رہیاں۔ ویکھو اوہ نَوِیاں ہوگِئیاں۔

گلتِیوں 2:20

مَیں مسِیح دے نال سُولی دِتّا گیا آں ہُن مَیں جِیوندا نا رہیا۔ سگوں مسِیح میرے وِچ جِیوندا اے۔ تے مَیں جیہڑا ہُن جِسم وِچ جِیوناں آں۔ تے خُدا دے پُتر اُتّے اِیمان لیاؤن نال جِیوناں آں۔ جِس مَینُوں پیار کِیتا تے میری تھانویں اپنا آپ دے دِتّا۔

گلتِیوں 5:24

تے جیہڑے مسِیح یِسُوع دے نیں۔ اوہناں جِسم نُوں اوہدیاں چاہواں تے خواہشاں سَنے سُولی چاڑھ دِتّا اے۔

اِفسِیوں 4:22

پئی تُسی اپنے اگلے چال چَلّن دی اوس پرانی اِنسانِیّت نُوں لاہ چھڈو۔ جیہڑی فریب دین والِیاں شہوتاں پِچّھے خراب ہوندی جاندی اے۔

فِلِپّیوں 3:3

کیوں جو سُنت والے تے اسی آں۔ جیہڑے خُدا دے رُوح دی ہدایت نال عبادت کرنے آں۔ تے مسِیح یِسُوع اُتّے فخر کرنے آں۔ تے جِسم دا بھروسا نئیں کر دے۔

کُلُسِّیوں 3:5

سو اپنے اوہناں انگاں نُوں مار چھڈو۔ جیہڑے زمین اُتّے نیں۔ یعنی زنا تے پلِیتی۔ شہوت تے بُری خواہش تے لالچ نُوں جیہڑا بُت پرستی دے برابر اے۔

عِبرانیوں 9:11

پر جد مسِیح آؤن والِیاں چَنگیاں شیواں دا سردار کاہِن ہو کے آیا یعنی ایدوں وڈّے تے کامِل تنبُو دے راہ آیا جیہڑا ہتّھاں دا یعنی ایس دُنیا دا بنایا ہویا نئیں۔

عِبرانیوں 9:24

کیوں جو مسِیح اوس ہتّھاں نال بنائے ہوئے پاک مکان وِچ نئیں وڑیا۔ جیہڑا اصلی مکان دی نقل اے پر اصلی اسمان وِچ وڑیا تاں جو خُدا دے اگّے ساڈے لئی حاضر ہوئے۔