کُلُسِّیوں 2:1 - پنجابی نواں عہد نامہ نظرثانی شدہ چھپائی

¹ مَیں تُہانوں دسنا چاہناں آں۔ پئی تُہاڈے تے لَودِیکیہ والیاں تے اوہناں سبھناں لئی جِنہاں میرا مُنھ نئیں ویکھیا کِنّاں ای دَوڑ بھج کرنا آں۔

کُلُسِّیوں 2:1 ပူးပေါင်းရင်းမြစ်များ

لُوقا 22:44

فیر اوہ بُہت پریشان ہو کے بڑی تانگھ نال دُعا منگن لگّا تے اوہدا مُڑھکا لہو دے تُبکیاں وانگُوں زمین اُتّے ڈِگّدا سی۔

اعمال 20:25

تے ہُن ویکھو مَینُوں پتا اے۔ پئی تُسی سارے جِنہاں دے وِچ مَیں بادشاہی دی منادی کر دا رہیا۔ میرا مُنھ فیر کدی نا ویکھو گے۔

اعمال 20:38

تے ساریاں توں وَدّھ ایس گلّ دا اوہناں نُوں غم ہویا۔ جیہڑی گلّ اوس آکھی۔ پئی تُسی میرا مُنھ فیر کدی نا ویکھو گے۔ تے اوہناں جہاز تِیکر اوہنوں اَپڑایا۔

گلتِیوں 4:19

میرے بالو! تُہاڈے ولّوں مَینُوں نَوِیں سِریوں جمّن دِیاں پِیڑاں لگِیاں نیں۔ جدوں تِیکر مسِیح تُہاڈے وِچ صُورت نا پھڑ لَئے۔

فِلِپّیوں 1:30

تے تُسی اوسے طرح پُورے دِلوں کوشش کر دے ہو۔ جیویں مَینُوں کر دیاں ویکھیا سی۔ تے ہُن وی سُندے ہو پئی مَیں اوسے طرح کرنا آں۔

کُلُسِّیوں 1:24

ہُن مَیں اوہناں دُکھاں توں خُوش آں۔ جیہڑے تُہاڈے لئی سہنا آں۔ تے مسِیح دے دُکھاں دا گھاٹا اوہدے بدن یعنی کلِیسیا دی خاطر اپنے جِسم وِچ پُورا کرنا آں۔

کُلُسِّیوں 1:29

تے ایسے لئی مَیں اوہدی اوس قُوّت دے سببّوں دِل توڑ کے محنت کرنا آں۔ جیہڑی میرے وِچ زور نال اثر کر دی اے۔

کُلُسِّیوں 2:5

تے بھانویں میرا جِسم تُہاتھوں دُور اے پر میری رُوح تُہاڈے نال اے۔ تے تُہاڈے ڈھب تے پکّے اِیمان نُوں ویکھ کے خُوش آں جیہڑا مسِیح اُتّے اے۔

۱-تھِسّلُنِیکوں 2:2

سگوں تُہانوں پتا اے۔ پئی بھانویں اساں فِلپّی وِچ دُکھ جھلیا تے بے عِزّت ہوئے۔ پر فیر وی سانُوں اپنے خُداوند وِچ ایہہ دلیری مِلی۔ پئی خُداوند دی خُوشخبری جان توڑ کے تُہانوں سُنائیے۔

عِبرانیوں 5:7

جدوں اپنی جِسم دے چولے وِچ سی تَد اوس ڈاہڈے وَین کر کے تے اتھرُو وگا کے اوہدے اگّے دُعا تے مِنّتاں کِیتیاں جیہڑا اوہنوں مَوتوں بچا سکدا سی تے اوہدی خُدا ترسی دے سبّب اوہدی سُنی گئی۔

۱-پطرس 1:8

اوہدے نال تُسی بِن ویکھیاں مُحبّت رکھدے ہو تے بھانویں اوہنوں ایس ویلے نئیں ویکھدے فیر وی اوہدے اُتّے اِیمان لیا کے اجیہی خُوشی کر دے ہو۔ تے جِہدا بیان نئیں ہو سکدا تے جیہڑی جلال نال بھری ہوئی اے۔

مُکاشفہ 1:11

پئی جو کُجھ تُوں ویکھنا ایں۔ اوہنوں کتاب وِچ لِکھ کے ستّاں کلِیسیاواں دے کول گھل دے۔ جیہڑیاں اِفِسُس تے سمُرنہ تے پرگُمن تے تھواتِیرہ تے سردِیس تے فِلَدِلفیہ تے لَودِیکیہ وِچ نیں۔