کُلُسِّیوں 1:9 - پنجابی نواں عہد نامہ نظرثانی شدہ چھپائی

⁹ ایس کر کے جد توں اساں سُنیا اے۔ اسی تُہاڈے لئی دُعا تے مِنّت کرنی نئیں چھڈ دے۔ پئی تُسی ساری رُوحانی حِکمت تے سمجھ نال اوہدی مرضی دے عِلم نال بھر جاؤ۔

کُلُسِّیوں 1:9 ပူးပေါင်းရင်းမြစ်များ

یُوحنّا 7:17

جے کوئی اوہدی مرضی تے چلنا چاہندا اے اوہ ایس تعلِیم نُوں جانے گا پئی خُدا ولّوں اے یا مَیں اپنے ولّوں بولنا آں۔

اعمال 12:5

سو قید وِچ پطرس دی خبرداری ہوندی رہی۔ پر کلِیسیا دِل لا کے اوہدے لئی خُدا کولوں دُعا منگدی سی۔

رُومِیوں 12:2

تے ایس جہان دی شکل ورگے نا بنو۔ سگوں نَوِیں عقل ہون نال اپنی صُورت بدل دے جاؤ۔ تاں جو خُدا دی نیک تے چنگی لگّن والی تے کامِل مرضی تجربے نال معلُوم کر دے رہو۔

۱-کُرِنتھِیوں 1:5

پئی تُسی اوہدے وِچ ہو کے کلام تے عِلم دی ہر طرح دی دَولت نال دَولتمند ہوگئے اوہ۔

اِفسِیوں 1:8

جیہڑا اوس سانُوں ساری حِکمت تے دانائی دے نال چوکھا دِتّا۔

اِفسِیوں 5:10

تے پَتا لاندے رہو۔ پئی خُداوند نُوں کِیہ چَنگا لگدا اے۔

اِفسِیوں 5:17

ایس سبّب بال نا رہو۔ سگوں خُدا دی مرضی نُوں سمجھو۔ پئی کِیہ اے۔

اِفسِیوں 6:6

تے بندیاں نُوں خُوش کرن والیاں وانگر وکھالے لئی سیوا نا کرو۔ سگوں مسِیح دیاں بندیاں وانگر دِل نال خُدا دی مرضی پُوری کرو۔

فِلِپّیوں 1:4

تے ہر اِک دُعا وِچ جیہڑی تُہاڈے لئی منگنا آں سدا خُوشی نال تُہاڈے لئی مِنّت کرنا آں۔

کُلُسِّیوں 1:6

جیہڑا تُہاڈے کول اَپڑیا اے۔ تے سارے جہان وِچ پَھلدا اے۔ تے وَدھدا جاندا اے۔ تُہاڈے وِچ وی جد توں تُساں خُدا دے فضل نُوں سُنیا تے اوہنوں سَچ کر کے جانیا اے۔ اینج ای کر دا اے۔

کُلُسِّیوں 3:16

مسِیح دے کلام نُوں پُوری دانائی نال اپنے دِل وِچ چنگی طرح وَسّن دیو۔ تے تُسی زبُوراں تے گِیتاں تے رُوحانی غزلاں نال آپو وِچ سکھاؤ تے نصِیحت کرو تے اپنے دِلاں وِچ فضل نال خُدا لئی گاؤ۔

کُلُسِّیوں 4:12

اِپَفراس جیہڑا تُہاڈے وِچوں اے تے مسِیح یِسُوع دا خادم اے تُہانوں سلام آکھدا اے۔ اوہ تُہاڈے لئی دُعا وِچ سدا دَوڑ بھج کر دا رہندا اے۔ تاں جو تُسی خُدا دی پُوری مرضی وِچ کامِل تے پکّے یقِین والے رہو۔

کُلُسِّیوں 4:5

وقت نُوں قِیمتی جان کے باہر والیاں نال ہوش نال ورتو۔

۱-تھِسّلُنِیکوں 1:3

تے اپنے خُدا تے باپ اگّے تُہاڈے اِیمان دے کمّ تے مُحبّت دی محنت تے اوس آس دے صبر نُوں جیہڑا ساڈے خُداوند یِسُوع مسِیح دے اُتّے اے۔ ہر ویلے یاد کرنے آں۔

۱-تھِسّلُنِیکوں 5:17

ہر ویلے دُعا منگو۔

۲-تھِسّلُنِیکوں 1:11

ایس لئی اسی تُہاڈے لئی ہر ویلے دُعا وی منگدے رہنے آں پئی ساڈا خُدا تُہانوں ایس بُلاوے دے قابل جانے تے نیکی دی ہر خواہش تے اِیمان دے ہر کمّ نُوں قُدرت نال پُوریاں کرے۔

فلِیمون 1:4

مَیں تیرے پیار دا تے اوس اِیمان دا حال سُن کے جیہڑا خُداوند یِسُوع تے ساریاں پاک لوکاں نال اے۔

فلِیمون 1:6

تاں جو تیرے اِیمان دی سنگت تُہاڈی ہر نیکی دی پچھان وِچ مسِیح دے واسطے کمّ دیوے۔

عِبرانیوں 10:36

کیوں جو تُہانوں صبر کرن دی لوڑ اے۔ تاں جو خُدا دی مرضی پُوری کر کے وعدہ کِیتی ہوئی شے لے لوؤ۔

عِبرانیوں 13:21

تُہانوں ساریاں نیک کمّاں وِچ پُوریاں کرے تاں جو اوہدی مرضی پُوری کرو۔ تاں جو کُجھ اوہنوں پسند آؤندا اے۔ یِسُوع مسِیح دی راہِیں ساڈے سبھناں وِچ پَیدا کرے۔ جِہدی وڈیائی سدا تِیکر ہوئے۔ آمِین۔

یعقُوب 1:5

پر جے تُہاڈے وِچ کِسے نُوں دانائی دا گھاٹا ہوئے تے اوہ خُدا کولوں منگے جیہڑا ساریاں نُوں بِناں جِھڑکیاں کُھلے دِل نال دیندا اے تے اوہنوں مِل جائے گی۔

یعقُوب 3:17

پر جیہڑی دانائی اُتّوں آؤندی اے اوّل تے اوہ پاک ہوندی اے۔ فیر مِلاپڑی تے حلِیم تے مَت لین والی۔ رَحم تے چنگے پَھلاں نال لدّی ہوئی۔ تے رَئی تے مکر نئیں کر دی۔

۱-پطرس 2:15

کیوں جو خُدا دی ایہہ مرضی اے پئی تُسی نیکی کر کے جاہلاں دی نادانی دِیاں گلّاں نُوں بند کر دیو۔

۱-پطرس 4:2

تاں جو تُسی اگّے نُوں باقی عُمر جِسم دِیاں خواہشاں وِچ نئیں سگوں خُدا دی مرضی نال کٹّو۔

۱-یُوحنّا 2:17

دُنیا تے اوہدی خواہش ٹل جان گِئیاں پر جیہڑا خُدا دی مرضی اُتّے ٹُردا اے اوہ سدا تِیکر رہندا اے۔

۱-یُوحنّا 5:20

تے ایہہ وی جاننے آں پئی خُدا دا پُتر آگیا اے۔ تے اوس سانُوں سمجھ دِتّی اے۔ تاں جو اوہنوں جیہڑا اصلی اے جانئے۔ تے اسی اوہدے وِچ۔ جیہڑا اصلی اے یعنی اوہدے پُتر یِسُوع مسِیح وِچ آں۔ اصلی خُدا تے ہمیشہ دی زِندگی ایہی اے۔