کُلُسِّیوں 1:7 - پنجابی نواں عہد نامہ نظرثانی شدہ چھپائی

⁷ جیویں تُساں ساڈے پیارے ساتھی اِپَفراس کولوں سُنیا اے۔ جیہڑا ساڈے ولّوں مسِیح دا دیانتدار نوکر اے۔

کُلُسِّیوں 1:7 ပူးပေါင်းရင်းမြစ်များ

متّی 18:29

تَد اوہدے نال دے نوکر پَیرِیں پَے کے اوہدی مِنّت کِیتی پئی مَینُوں مُہلت دے مَیں تیرا قرض دیاں گا۔

متّی 24:45

فیر اوہ وفادار تے سیانا نوکر کیہڑا اے پئی جِہنُوں اوہدے مالک اپنے سارے سیوا کرن والیاں اُتّے مُختِیار کِیتا پئی ویلے سر اوہناں نُوں رست دیوے؟

متّی 25:21

اوہدے مالک نے اوہنوں آکھیا شاواشے چنگیا تے وفادار نوکرا۔ تُوں تے تھوڑے وِچ وفادار نِکلیا۔ مَیں تینُوں بتھیرے اُتّے اختیار دیاں گا۔ تُوں اپنے مالک دی خُوشی وِچ داخل ہو۔

۱-کُرِنتھِیوں 4:17

ایس لئی مَیں تِیمُتِھیُس نُوں تُہاڈے کول گھلّیا۔ اوہ خُداوند وِچ میرا پیارا تے دیانتدار پُتر اے۔ تے میرے اوہناں مسِیحی طریقیاں دا تُہانوں چیتا کراوے گا۔ جِنہاں دی مَیں ہر تھاں دی کلِیسیا وِچ تعلِیم دینا آں۔

۱-کُرِنتھِیوں 4:2

تے ایتھے مُختِیار وِچ ایہہ گلّ ویکھی جاندی اے۔ پئی دیانتدار ہوئے۔

۱-کُرِنتھِیوں 7:25

تے کوارِیاں لئی میرے کول خُداوند دا کوئی حُکم نئیں پر ایس کر کے۔ پئی میرے اُتّے دیانتدار ہون لئی اجیہا خُداوند ولّوں رَحم ہویا۔ مَیں ایہہ صلاح دینا آں۔

۲-کُرِنتھِیوں 11:23

اوہ مسِیح دے خادم نیں؟ (میرا ایہہ آکھنا نادانی اے) مَیں وَدّھ آں۔ محِنتاں وِچ وَدّھ کے۔ قید وِچ وَدّھ کے کولڑے کھان وِچ حدّوں وَدّھ۔ کئی واری مَوت دے خطریاں وِچ رہیا آں۔

اِفسِیوں 5:21

تے مسِیح دے ڈر نال اِک دُوجے دے تابعیاں رہو۔

فِلِپّیوں 2:25

تے مَیں اِپفُردِتُس نُوں تُہاڈے کول گھلّنا ضرُوری سمجھیا ایہہ میرا بھرا تے کمّ کرن وِچ میرا سنگی تے میرے نال دا سپاہی تے تُہاڈے ولّوں گھلّیا ہویا تے میرِیاں لوڑاں پُوریاں کرن لئی ٹہلیا اے۔

کُلُسِّیوں 4:12

اِپَفراس جیہڑا تُہاڈے وِچوں اے تے مسِیح یِسُوع دا خادم اے تُہانوں سلام آکھدا اے۔ اوہ تُہاڈے لئی دُعا وِچ سدا دَوڑ بھج کر دا رہندا اے۔ تاں جو تُسی خُدا دی پُوری مرضی وِچ کامِل تے پکّے یقِین والے رہو۔

کُلُسِّیوں 4:7

پیارا بھرا تے دیانتدار خادم تُخِکس جیہڑا خُداوند دی سیوا وِچ سنگی اے۔ میرا سارا حال تُہانوں دسے گا۔

کُلُسِّیوں 4:9

تے اوہدے نال اُنیسِمُس نُوں وی گھلّیا اے۔ جیہڑا دیانتدار تے پیارا بھرا تے تُہاڈے وِچوں اے۔ ایہہ تُہانوں ایتھوں دِیاں سارِیاں گلّاں دسن گے۔

۱-تِیمُتِھیُس 4:6

جے تُوں بھراواں نُوں ایہہ گلّ یاد کرائیں گا۔ تے مسِیح یِسُوع دا چَنگا خادم بنیں گا۔ تے اِیمان تے اوس چنگی سِکھیا نال جِنہاں نُوں تُوں مَندا آیا ایں پلدا رہیں گا۔

۲-تِیمُتِھیُس 2:2

تے جیہڑیاں گلّاں میرے کولوں بتھیرے گواہاں دے سامھنے سُنیاں نیں اوہناں نُوں اجیہے دیانتدار بندیاں نُوں سونپ جیہڑے ہورناں نُوں وی سکھان دے لائق ہون۔

فلِیمون 1:23

اِپَفراس جیہڑا مسِیح یِسُوع وِچ میرے نال قید اے۔

عِبرانیوں 2:17

سو اوہنوں سارِیاں گلّاں وِچ اپنے بھراواں وانگر ضرُور بننا پیا۔ تاں جو ایہناں گلّاں وِچ جیہڑیاں خُدا نال تعلق رکھدیاں نیں۔ اوہ رَحم دِل تے دیانتدار سردار کاہِن بنے تے اُمّت دے گُناہاں دا کفّارہ دے۔

عِبرانیوں 3:2

اوہ اپنے مُقرّر کرن والے نال دیانتدار سی۔ جیویں مُوسیٰ وی اوہدے سارے گھر وِچ سی۔