کُلُسِّیوں 1:5 - پنجابی نواں عہد نامہ نظرثانی شدہ چھپائی

⁵ اوس آس کِیتی ہوئی شے دے سببّوں جیہڑی تُہاڈے واسطے اسمان اُتّے رکھی ہوئی اے۔ جِہدا ذِکر تُساں اوس خُوشخبری دے سَچّے کلام وِچ سُنیا اے۔

کُلُسِّیوں 1:5 ပူးပေါင်းရင်းမြစ်များ

لُوقا 12:33

اپنا مال ویچ کے خَیرات کرو تے اپنے لئی اوہ بٹوے بناؤ جیہڑے پرانے نئیں ہوندے۔ تے اوہ خزانہ جیہڑا تُھڑدا نئیں مطلب اسماناں دے وِچ جِتّھے چور نیڑے نئیں آؤندا تے نا کِیڑا خراب کر دا اے۔

اعمال 10:36

اوہ کلام جیہڑا اوس یِسُوع مسِیح دی راہِیں (جیہڑا سبھناں دا خُداوند اے۔) بنی اِسرائیل دے کول صُلح دی خُوشخبری سُنا کے گھلّیا۔

اعمال 13:26

بھراؤ۔ ابرہام دئیو پُترو۔ تے تُہاڈے وِچوں جِنّے خُدا توں ڈردے ہو۔ ساڈے لئی ایس نجات دا کلام گھلّیا گیا اے۔

اعمال 23:6

پر جد پَولُس نے معلُوم کِیتا۔ پئی اوہناں وِچ بعضے صدوقی تے بعضے فریسی نیں۔ تَد مجلس وِچ آکھیا پئی بھراؤ۔ مَیں فریسی تے فرِیسیاں دا پُتر آں۔ مُردیاں دی آس تے جی اُٹھن دی بابت میرے اُتّے مُقدّمہ ہوندا اے۔

اعمال 24:15

تے مَیں خُدا کولوں آس رکھنا آں پئی نیکاں تے بداں دی قیامت ہوئے گی جِہنُوں ایہہ آپ وی پئے اُڈِیکدے نیں۔

رُومِیوں 10:8

فیر اوہ کِیہ آکھدی اے؟ ایہہ پئی ”کلام تیرے نیڑے اے۔ تیرے مُنھ تے تیرے دِل وِچ اے۔“ ایہہ اوہ اِیمان دا کلام اے۔ جِہدی اسی منادی کرنے آں۔

۱-کُرِنتھِیوں 13:13

سو اِیمان اُمّید مُحبّت تِنّے سدا رہن والِیاں نیں پر اوہناں وِچوں وَدّھیا مُحبّت اے۔

۱-کُرِنتھِیوں 15:19

جے اسی نِرے پُرے ایسے زِندگی وِچ مسِیح اُتّے آس رکھنے آں۔ تے اسی ساریاں بندیاں نالوں وَدّھ بَھیڑے نصیب والے آں۔

۲-کُرِنتھِیوں 5:19

مطلب ایہہ اے پئی خُدا نے مسِیح وِچ ہو کے اپنے نال دُنیا دا میل کر لیا تے اوہناں دِیاں تقصِیراں نُوں اوہناں دے ذِمّے نا لایا۔ تے اوس میل دا سنیہا سانُوں سونپ دِتّا اے۔

۲-کُرِنتھِیوں 6:7

سچیائی دے کلام نال۔ خُدا دی قُدرت نال۔ راست بازی دے ہتّھیاراں دی راہِیں جیہڑے سَجّے کھبّے نیں۔

گلتِیوں 2:14

جدوں مَیں ویکھیا پئی اوہ اِنجِیل دی سچیائی دے سببّوں سِدّھے راہ نئیں ٹُردے تے مَیں سبھناں دے سامھنے کیفا نُوں آکھیا۔ پئی جے یہُودی ہوندیاں تیرا ورتاوا غیر قوماں وانگر رہیا اے۔ نا یہُودِیاں وانگر تے تُوں یہُودِیاں دِیاں رِیتاں اُتّے چَلّن لئی غیر قوماں نُوں مجبُور کیوں کرنا ایں؟

گلتِیوں 2:5

اِک گھڑی وی اوہناں دا تابعیاں رہنا سانُوں نا سکھایا۔ ایس کر کے پئی خُوشخبری دی سچیائی تُہاڈے وِچ قیم رہے۔

گلتِیوں 5:5

کیوں جو اسی رُوح دے سبّب اِیمان دی راہِیں راست بازی دی آس پُوری ہون دی اُڈِیک وِچ آں۔

اِفسِیوں 1:13

تے تُساں وی جدوں سچیائی دا کلام سُنیا جیہڑا تُہاڈی نجات دی خُوشخبری اے۔ نالے اوہدے اُتّے اِیمان لیاندا تے مسِیح وِچ تُہاڈے اُتّے وعدہ کِیتے ہوئے پاک رُوح دی مُہر لگّی۔

اِفسِیوں 4:21

سگوں تُساں اوس سچیائی دے سببّوں جیہڑی یِسُوع وِچ اے اوسے دی سُنی تے اوسے دی ایہہ تعلِیم سِکھی۔

کُلُسِّیوں 1:23

ایس شرط نال پئی تُسی اِیمان دی نِینّھ اُتّے قیم تے پکّے رہو۔ تے اوس خُوشخبری دی آس نُوں جِہنُوں تُساں سُنیا اے۔ نا چھڈو۔ جِہدی منادی اسمان دے ہیٹھ ساری خلقت وِچ کِیتی گئی۔ تے مَیں پَولُس اوسے دا نوکر بنیاں۔

کُلُسِّیوں 1:27

جِنہاں اُتّے خُدا ظاہر کرنا چاہندا سی۔ پئی غیر قوماں وِچ اوس بھیت دے جلال دی دَولت کیہو جیہی اے۔ تے اوہ ایہہ اے۔ پئی مسِیح جیہڑا جلال دی آس اے۔ تُہاڈے وِچ رہندا اے۔

کُلُسِّیوں 3:16

مسِیح دے کلام نُوں پُوری دانائی نال اپنے دِل وِچ چنگی طرح وَسّن دیو۔ تے تُسی زبُوراں تے گِیتاں تے رُوحانی غزلاں نال آپو وِچ سکھاؤ تے نصِیحت کرو تے اپنے دِلاں وِچ فضل نال خُدا لئی گاؤ۔

۱-تھِسّلُنِیکوں 2:13

ایس لئی اسی وی ہر ویلے خُدا دا شُکر کرنے آں پئی جدوں تُساں خُدا دے سنیہے دا کلام ساڈی راہِیں سُنیاں تدوں تُساں اوہنوں بندیاں دا کلام سمجھ کے نئیں پر (جو اوہ سَچ مُچ ہے وی۔) خُدا دا کلام جان کے قبول کِیتا تے اوہ تُہاڈے اِیمان لیاؤن والیاں وِچ کمّ وی پیا کر دا اے۔

۲-تھِسّلُنِیکوں 2:16

ہُن ساڈا خُداوند یِسُوع مسِیح آپ تے ساڈا باپ خُدا جِس ساڈے نال مُحبّت رکھی تے فضل نال سدا دی تسلّی تے چنگی آس سانُوں بخشی۔

۱-تِیمُتِھیُس 1:15

ایہہ سَچّی گلّ اے تے سبھنیں پاسیں مَنّن والی اے پئی مسِیح یِسُوع گُناہِیاں نُوں نجات دین واسطے دُنیا وِچ آیا جِنہاں وِچوں مَیں موہرلا آں۔

۲-تِیمُتِھیُس 4:8

اگّے لئی میرے واسطے راستبازی دا اوہ تاج رکھیا ہویا اے۔ جیہڑا راستباز نیائِیں یعنی خُداوند مَینُوں اوس دِن دے گا۔ تے نِرا مَینُوں ای نئیں سگوں اوہناں ساریاں نُوں وی جیہڑے اوہدے ظاہر ہون دی اُڈِیک وِچ نیں۔

طِطُس 1:2

اوس سدا دی زِندگی دی آس وِچ جِہدا وعدہ مُڈھ تِھیں خُدا کِیتا سی۔ جیہڑا جُھوٹھ نئیں مار سکدا۔

عِبرانیوں 7:19

(کیوں جو شریعت کِسے شے نُوں کامِل نئیں کِیتا۔) تے اوہدے تھاں اِک چنگی آس پَیدا ہوئی۔ جِہدی راہِیں اسی خُدا دے نیڑے جا سکنے آں۔

۱-پطرس 2:2

نَوِیں جمّیاں ہویاں بچّیاں وانگر کلام دے نَروَیر رُوحانی دُدّھ دی چاہ رکھو۔ پئی اوہدی راہِیں نجات پان لئی وَدھدے جاؤ۔

۱-پطرس 3:15

سگوں مسِیح نُوں خُداوند جان کے اپنے دِلاں وِچ پاک سمجھو۔ تے جیہڑا تُہاڈے کولوں تُہاڈی آس دا سبّب پُچھے اوہدا جواب دین لئی ہر ویلے تیار رہو پر حلِیمی تے خَوف نال۔

۲-پطرس 1:12

ایس لئی مَیں تُہانوں ایہہ گلّاں یاد دوان نُوں سدا تیار رہاں گا۔ بھانویں تُسی اوہناں نُوں جان دے ہو۔ تے اوس سَچّی گلّ اُتّے قیم ہو جیہڑی تُہانوں مِلی ہوئی اے۔

۱-یُوحنّا 3:3

تے جیہڑا اوہدے توں ایہہ آس رکھدا اے اپنے آپ نُوں تِہا ای پاک کر دا اے۔ جِہیو جِہیا اوہ پاک اے۔