کُلُسِّیوں 1:23 - پنجابی نواں عہد نامہ نظرثانی شدہ چھپائی

²³ ایس شرط نال پئی تُسی اِیمان دی نِینّھ اُتّے قیم تے پکّے رہو۔ تے اوس خُوشخبری دی آس نُوں جِہنُوں تُساں سُنیا اے۔ نا چھڈو۔ جِہدی منادی اسمان دے ہیٹھ ساری خلقت وِچ کِیتی گئی۔ تے مَیں پَولُس اوسے دا نوکر بنیاں۔

کُلُسِّیوں 1:23 ပူးပေါင်းရင်းမြစ်များ

مرقس 16:15

تے اوس اوہناں نُوں آکھیا۔ تُسی ساری دُنیا وِچ جا کے ساری خلقت دے اگّے اِنجِیل دی منادی کرو۔

لُوقا 22:32

پر مَیں تیرے لئی دُعا کِیتی۔ پئی تیرا اِیمان جاندا نا رہے۔ تے جد تُوں مُڑ پئیں تے اپنے بھراواں نُوں تگڑیاں کریں۔

لُوقا 6:48

اوہ اوس بندے وانگر اے۔ جِس گھر بنان لگیاں ڈُوہنگا پَٹ پَٹ کے پتّھر اُتّے نِیہہ رکھی۔ جد ہڑ آیا تے چھلّاں اوس گھر اُتّے زور ماریا۔ پر اوہنوں ہلا نا سکیاں۔ کیوں جو اوہ چنگی طرح بنایا ہویا سی۔

یُوحنّا 15:6

جے کوئی میرے وِچ نا رہے اوہ ٹہنی وانگُوں باہر سُٹّیا جاندا تے سُک جاندا اے تے لوک اوہناں نُوں اکٹّھیاں کر کے اَگ وِچ سُٹ دیندے نیں تے اوہ بل جاندِیاں نیں۔

اعمال 1:17

کیوں جو اوہ ساڈے وِچ گِنیا گیا۔ تے اوہنوں ایس خِدمت دا حِصّہ مِلیا سی۔

اعمال 1:25

پئی اوہنوں تھاں مِلے اوس خِدمت تے رسالت دے کمّ وِچ جِہنُوں یہُوداہ چھڈ کے اپنے تھاں گیا۔

اعمال 1:8

پر جدوں پاک رُوح تُہاڈے اُتّے آوے گا۔ تے تُہانوں طاقت مِلے گی۔ تے یرُوشلِیم تے سارے یہُودیہ تے سامریہ وِچ نالے دھرتی دے اخِیر تِیکر۔ تُسی میرے گواہ ہوؤ گے۔

اعمال 11:23

جد اوہ اَپڑیا تے خُدا دا فضل ویکھیا۔ تَد خُوش ہویا۔ تے اوس اوہناں سبھناں نُوں نصِیحت کِیتی پئی دِل لا کے خُداوند نال مِلے رہن۔

اعمال 14:22

تے شاگِرداں دے دِلاں نُوں تگڑیاں کر دے سن تے نصِیحت دیندے سن۔ پئی اِیمان اُتّے قیم رہو۔ تے آکھیا پئی ایہہ ضرُور اے۔ پئی بُہت مُصِیبتاں سہہ کے اسی خُدا دی بادشاہی وِچ داخل ہو جائیے۔

اعمال 2:5

تے دِیندار یہُودی ہر اِک قوم وِچوں جیہڑی اسمان دے ہیٹھ اے اودُوں یرُوشلِیم وِچ رہندے سن۔

اعمال 20:24

پر مَیں اپنی جان دا خیال بالکل نئیں کر دا۔ پئی اوہ مَینُوں پیاری لگدی اے۔ تاں جو مَیں اپنی دَوڑ نُوں تے اوس خِدمت نُوں جیہڑی خُداوند یِسُوع توں مَینُوں سپُرد ہوئی۔ پُورا کراں۔ تے خُدا دے کرم دی خُوشخبری اُتّے گواہی دیاں۔

اعمال 26:16

اُٹھ تے اپنے پیراں اُتّے کھلو جا۔ کیوں جو مَیں ایس لئی تینُوں وکھالی دِتّی اے۔ پئی تینُوں اوہناں گلّاں دا جِنہاں وِچ تُوں مَینُوں ویکھیا اے۔ تے جِنہاں وِچ مَیں تینُوں وکھالی دیاں گا۔ مَیں تینُوں خادم تے گواہ بناواں۔

اعمال 4:12

تے کِسے دُوجے توں نجات نئیں اے ایس لئی پئی اسمانوں ہیٹھاں بندیاں نُوں کوئی ہور ناں دِتّا نئیں گیا۔ جِہدی راہِیں اسی نجات پا سکیئے۔

رُومِیوں 10:18

پر مَیں آکھنا آں کِیہ اوہناں نئیں سُنیا؟ بے شک اوہناں دی اواز ساری دھرتی اُتّے نِکل ٹُری تے اوہناں دا کلام دُنیا دِیاں حداں تِیکر۔

رُومِیوں 15:16

پئی مَیں خُدا دی خُوشخبری دی سیوا کاہِن وانگر کر کے غیر قوماں دے لئی مسِیح یِسُوع دا سیوک ہوواں۔ تاں جو غیر قوماں دا چڑھاوا پاک رُوح توں پاک ہو کے منظُور کِیتا جاوے۔

رُومِیوں 2:7

اوہناں نُوں جیہڑے نیک کمّاں دی پَیروی کر کے وڈیائی تے عِزّت تے بقا نُوں لبّھدے نیں سدا دی زِندگی دے گا۔

رُومِیوں 5:5

تے آس شرمندہ ایس لئی نئیں کر دی۔ پئی خُدا دی مُحبّت پاک رُوح دی راہِیں جیہڑا سانُوں دِتّا گیا ساڈے دِلاں وِچ پائی ہوئی اے۔

۱-کُرِنتھِیوں 15:58

سو میرے پیارے بھراؤ! پیراں اُتّے پکّے رہو۔ تے خُداوند دے کمّ وِچ سدا وَدھدے جاؤ۔ کیوں جو تُسی ایہہ جان دے ہو پئی تُہاڈی محنت خُداوند وِچ ایویں نئیں اے۔

۱-کُرِنتھِیوں 3:5

اُپلّوس کِیہ شے اے؟ تے پَولُس کِیہ اے؟ سیوائے جِنہاں دی راہِیں تُساں اِیمان لیاندا۔ تے ہر اِک دا اوناں ای درجہ اے۔ جِنّاں خُداوند دِتّا اے

۲-کُرِنتھِیوں 10:1

مَیں پَولُس جیہڑا تُہاڈے سامھنے عاجز تے پِٹھ پِچّھے تُہاڈے اُتّے دلیر آں۔ مسِیح دی حلِیمی تے نرمی یاد دوا کے آپ تُہاڈے اگّے عرض کرنا آں۔

۲-کُرِنتھِیوں 11:23

اوہ مسِیح دے خادم نیں؟ (میرا ایہہ آکھنا نادانی اے) مَیں وَدّھ آں۔ محِنتاں وِچ وَدّھ کے۔ قید وِچ وَدّھ کے کولڑے کھان وِچ حدّوں وَدّھ۔ کئی واری مَوت دے خطریاں وِچ رہیا آں۔

۲-کُرِنتھِیوں 3:6

جِس سانُوں نَوِیں عہد دے خادم ہون جوگیاں وی کِیتا۔ لفظاں دے خادم نئیں سگوں رُوح دے کیوں جو لفظ مار سُٹّدے نیں پر رُوح جوالدی اے۔

۲-کُرِنتھِیوں 4:1

سو جد ساڈے اُتّے اجیہا رَحم ہویا پئی سانُوں ایہہ خِدمت مِلی۔ تاں اسی ہِمّت نئیں ہار دے۔

۲-کُرِنتھِیوں 6:1

تے اسی جیہڑے اوہدے نال کمّ وِچ سِیری آں ایہہ عرض وی کرنے آں۔ پئی خُدا دا فضل جیہڑا تُہاڈے اُتّے ہویا بے فائدہ نا رہن دیو۔

گلتِیوں 4:11

مَیں ڈرنا آں پئی اوہ محنت جیہڑی مَیں تُہاڈے اُتّے کِیتی اے۔ کِتے ایویں نا جائے۔

گلتِیوں 5:5

کیوں جو اسی رُوح دے سبّب اِیمان دی راہِیں راست بازی دی آس پُوری ہون دی اُڈِیک وِچ آں۔

گلتِیوں 5:7

تُسی تے چنگی طرح پئے دَوڑ دے سو۔ کِس تُہانوں سچیائی دے مَنّن توں ڈکیا؟

گلتِیوں 6:9

نیک کمّ کرن وِچ ہِمّت نئیں ہارنی چاہیدی۔ کیوں جو جے اسی نا گھابرِئیے تے ٹھیک ویلے سِر وَڈّھاں گے۔

اِفسِیوں 1:18

تے تُہاڈے دِل دِیاں اَکھّیاں سوجاکھِیاں ہو جان۔ تاں جو تُہانوں پتا لگّے۔ پئی اوہدے سَدّن توں کیہو جیہی آس اے۔ تے اوہدی میراث دے جلال دی دَولت پاک لوکاں وِچ کیڈی کُو اے۔

اِفسِیوں 2:21

اوسے وِچ ہر اِک مکان جُڑ کے خُداوند وِچ اِک پاک ہیکل بن دا جاندا اے۔

اِفسِیوں 3:17

تے اِیمان دی راہِیں مسِیح تُہاڈے دِلاں وِچ وَسّے پئی مُحبّت وِچ گڈ کے تے ٹُھک کے۔

اِفسِیوں 4:16

جِہدے توں سارا تَن اِک اِک جوڑ دی مدد نال جوڑیا تے گنڈھیا جاندا اے تے اِک اِک انگ دے ولّ کمّ کرن نال مُحبّت وِچ اپنے آپ نُوں اُسارن لئی تَن دا وادھا ہوندا اے۔

کُلُسِّیوں 1:25

جِہدا مَیں خُدا دے اوس بندوبست دے سببّوں نوکر بنیاں۔ جیہڑا تُہاڈے لئی میرے سپُرد ہویا۔ تاں جو مَیں خُدا دے کلام دی پُوری پُوری منادی کراں۔

کُلُسِّیوں 2:7

تے جیویں تُہانوں تعلِیم مِلی اے اوسے طرح اِیمان وِچ پکّے رہو۔ تے شُکرانے وِچ وَدھدے جاؤ۔

۱-تھِسّلُنِیکوں 3:3

پئی کوئی بندہ ایہناں مُصِیبتاں توں گھابر نا جائے۔ کیوں جو تُسی آپ جان دے اوہ۔ پئی اسی ایہناں ای لئی مُقرّر ہوئے آں۔

۱-تھِسّلُنِیکوں 3:5

ایس واسطے جد مَیں ہور برداشت نا کر سکیا۔ تَد تُہاڈے اِیمان دا حال دریافت کرن لئی گھلّیا۔ پئی اجیہا نا ہوئے۔ پئی ازمان والے تُہاڈی ازمایش کِیتی ہوئے۔ تے ساڈی محنت ایویں گئی ہوئے۔

۱-تھِسّلُنِیکوں 5:8

پر اسی جیہڑے دِن دے آں اِیمان تے مُحبّت دی بکتر پا کے تے نجات دی آس دا خود پا کے ہُشیار رہئے۔

۲-تھِسّلُنِیکوں 2:16

ہُن ساڈا خُداوند یِسُوع مسِیح آپ تے ساڈا باپ خُدا جِس ساڈے نال مُحبّت رکھی تے فضل نال سدا دی تسلّی تے چنگی آس سانُوں بخشی۔

۱-تِیمُتِھیُس 1:12

مَیں اپنے طاقت دِین والے مسِیح یِسُوع دا ایس لئی شُکر کرنا آں۔ پئی اوس مَینُوں دیانتدار جان کے اپنی سیوا لئی مُقرّر کِیتا۔

۱-تِیمُتِھیُس 2:7

مَیں سَچ آکھناں آں تے جُھوٹھ نئیں آکھدا۔ پئی مَیں ایسے مطلب نال منادی کرن والا تے رسُول تے غیر قوماں نُوں اِیمان تے سچیائی دِیاں گلّاں سکھان والا لگّا آں۔

۱-تِیمُتِھیُس 3:16

ایہدے وِچ شک نئیں پئی دِینداری دا بھید وَڈا اے یعنی اوہ جیہڑا جِسم وِچ ظاہر ہویا۔ تے رُوح وِچ راستباز مِتھیا گیا۔ تے فرِشتیاں وِچ وکھالی دِتّا۔ غیر قوماں وِچ اوہدی منادی ہوئی دُنیا وِچ مَنّیا گیا۔ تے جلال وِچ اُتانہہ چُکیا گیا۔

طِطُس 3:7

تاں جو اسی اوہدے فضل نال راستباز ٹھہر کے سدا دی زِندگی دی آس وِچ وارث بنیئے۔

عِبرانیوں 10:38

پر میرا سَچّا بندہ اِیمان نال جِیوندا رہے گا تے جے اوہ پِچھّاں ہٹے تے میرا دِل اوہدے نال راضی نئیں رہندا۔

عِبرانیوں 3:14

کیوں جو اسی مسِیح وِچ شریک ہوئے آں جے اسی اپنے شُروع دے بھروسے وِچ اوڑک تِیکر مضبُوطی نال قیم رہئے۔

عِبرانیوں 3:6

پر مسِیح پُتر وانگر اوہدے سارے گھر دا مُختِیار اے۔ تے اوہدا گھر اسی آں۔ پر ایہہ شرط اے۔ پئی اپنی دلیری تے آس دا فخر اوڑک تِیکر قیم رکھیے۔

عِبرانیوں 4:14

سو جد ساڈا اجیہا اِک وَڈا سردار کاہِن اے جیہڑا اسماناں وِچوں لنگھ گیا۔ یعنی خُدا دا پُتر یِسُوع۔ تے اسی اپنے اِقرار اُتّے پکّے پَیر رہئے۔

عِبرانیوں 6:19

اوس شے دی آس ساڈی جان دا اجیہا لنگر اے۔ جیہڑا ثابت تے قیم رہندا اے۔ تے پردے دے اندر تِیکر اَپڑ جاندا اے۔

۱-پطرس 1:3

ساڈے خُداوند یِسُوع مسِیح دے خُدا تے باپ دی وڈیائی ہوئے۔ جِس یِسُوع مسِیح دے مُردیاں وِچوں جی اُٹھن دا سبّب اپنی بڑی رحمت نال سانُوں زِندہ آس دین لئی نَوِیں سِریوں پَیدا کِیتا۔

۱-پطرس 1:5

سگوں اسمان اُتّے تُہاڈے لئی رکھی ہوئی اے۔ تُہانوں مِل جائے۔ (جِنہاں دی راکھی خُدا دی قُدرت نال اِیمان دی راہِیں اوس نجات واسطے ہوندی اے جیہڑی چھیکڑلے ویلے ظاہر ہون والی اے۔)

۱-یُوحنّا 2:27

تے تُہاڈا اوہ مسَح جیہڑا اوہدے ولّوں کِیتا گیا تُہاڈے وِچ قیم رہندا اے۔ تے تُہانوں ایس گلّ دی لوڑ نئیں۔ پئی کوئی تُہانوں سِکھائے۔ سگوں جیویں اوہ مسَح جیہڑا اوہدے ولّوں تُہاڈے اُتّے کِیتا گیا۔ تُہانوں سارِیاں گلّاں سِکھالدا اے تے سَچّا اے۔ تے جُھوٹھا نئیں تے جیویں اوس تُہانوں سکھایا اے۔ اوسے طرح اوہدے وِچ قیم رہو۔

مُکاشفہ 2:10

جیہڑے دُکھ تینُوں جَھلّنے پَین گے۔ اوہناں توں نا ڈر۔ ویکھو ابلیس تُہاڈے وِچوں کُجھ نُوں قید وِچ پان نُوں تیار اے۔ پئی تُسی ازمائے جاؤ تے دَس دِناں تِیکر مُصِیبت پاؤ گے۔ جان دین تِیکر وی وفادار رہو تے مَیں تینُوں زِندگی دا تاج دیاں گا۔