کُلُسِّیوں 1:2 - پنجابی نواں عہد نامہ نظرثانی شدہ چھپائی

² اوہناں پاک لوکاں یعنی مسِیح وِچ اِیماندار بھراواں دے نال جیہڑے کُلُسِّے وِچ نیں۔ ساڈے باپ خُدا ولّوں تُہانوں فضل تے تسلّی مِلدی رہے۔

کُلُسِّیوں 1:2 ပူးပေါင်းရင်းမြစ်များ

اعمال 9:13

حننیاہ جواب دِتّا پئی اے خُداوند مَیں بتھیریاں لوکاں کولوں ایس بندے دے بارے سُنیا اے پئی اوس یرُوشلِیم وِچ تیرے پاک لوکاں نال کِنیاں خرابیاں کِیتیاں۔

رُومِیوں 1:7

اوہناں ساریاں دے ناں جیہڑے رُومہ وِچ خُدا دے پیارے پاک ہون لئی سَدّے گئے نیں۔ ساڈے باپ خُدا تے خُداوند یِسُوع مسِیح ولّوں تُہانوں فضل تے سلامتی مِلدی رئے۔

۱-کُرِنتھِیوں 1:2

خُدا دی اوس کلِیسیا نُوں جیہڑی کُرِنتِھس وِچ اے۔ یعنی اوہناں نُوں جیہڑے مسِیح یِسُوع دی راہِیں پاک کِیتے گئے تے پاک لوک ہون دے لئی سَدّے گئے نیں تے اوہناں ساریاں نُوں وی جیہڑے سبھنیں تھائِیں ساڈے تے اپنے خُداوند یِسُوع مسِیح دا ناں لَیندے نیں۔

۱-کُرِنتھِیوں 4:17

ایس لئی مَیں تِیمُتِھیُس نُوں تُہاڈے کول گھلّیا۔ اوہ خُداوند وِچ میرا پیارا تے دیانتدار پُتر اے۔ تے میرے اوہناں مسِیحی طریقیاں دا تُہانوں چیتا کراوے گا۔ جِنہاں دی مَیں ہر تھاں دی کلِیسیا وِچ تعلِیم دینا آں۔

گلتِیوں 1:3

خُدا باپ تے ساڈے خُداوند یِسُوع مسِیح ولّوں فضل تے تسلّی تُہانوں مِلدی رہے۔

گلتِیوں 3:9

ایس لئی جیہڑے اِیمان والے نیں اوہ اِیماندار ابرہام نال برکت پاندے نیں۔

اِفسِیوں 1:1

پَولُس ولّوں جیہڑا خُدا دی مرضی نال مسِیح یِسُوع دا رسُول اے۔ اِفِسُس دے پاک لوکاں دے ناں جیہڑے مسِیح یِسُوع وِچ اِیماندار نیں۔

اِفسِیوں 6:21

تے تُخِکس جیہڑا پیارا بھرا تے خُداوند دا دیانتدار نوکر اے تُہانوں میرِیاں سارِیاں گلّاں دسے گا۔ تاں جو تُسی جانو پئی مَیں کِیہ کرنا آں۔

فِلِپّیوں 1:1

مسِیح یِسُوع دیاں غلاماں پَولُس تے تِیمُتِھیُس ولّوں فِلپّی دیاں ساریاں پاک لوکاں دے ناں جیہڑے مسِیح یِسُوع وِچ نیں نگہباناں تے خادماں سَنے۔

۱-پطرس 1:2

خُدا باپ دے اگیترے عِلم دے سببّوں رُوح دے پاک کرن نال تابعدار ہون تے یِسُوع مسِیح دا لہو چِھڑکے جان واسطے چُنے ہوئے نیں۔ فضل تے تسلّی تُہانوں مِلدی رہے۔

۲-پطرس 1:2

خُدا تے ساڈے خُداوند یِسُوع دی پہچان دی راہِیں۔ تُہانوں بُہتا فضل تے تسلّی مِلدی رہے۔

یہُوداہ 1:2

رَحم تے تسلّی تے مُحبّت تُہانوں بُہتی مِلدی رہے۔

مُکاشفہ 1:4

یُوحنّا ولّوں اوہناں ستّاں کلِیسیاواں دے ناں جیہڑیاں آسِیہ وِچ نیں اوہدے ولّوں جیہڑا اَے۔ تے جیہڑا اَے سی تے جیہڑا آؤن والا اے۔ تے اوہناں ستّاں رُوحاں ولّوں جیہڑیاں اوہدے تخت دے سامھنے نیں۔ تُہانوں فضل تے تسلّی مِلدی رہے۔