کُلُسِّیوں 1:16 - پنجابی نواں عہد نامہ نظرثانی شدہ چھپائی

¹⁶ کیوں جو اوسے توں سارِیاں شیواں پَیدا کِیتیاں گِئیاں۔ بھانویں اسمان دِیاں ہون۔ بھانویں زمین دِیاں۔ ویکھیاں ہویاں ہون بھانویں انویکھیاں۔ تخت ہون بھانویں ریاستاں۔ بھانویں حکُومتاں بھانویں اختیار۔ سارِیاں شیواں اوسے دی راہِیں تے اوہدے واسطے پَیدا کِیتیاں ہویاں نیں۔

کُلُسِّیوں 1:16 ပူးပေါင်းရင်းမြစ်များ

یُوحنّا 1:10

اوہ دُنیا وِچ سی تے دُنیا اوہدی راہِیں پَیدا ہوئی۔ تے دُنیا اوہنوں نا جانیا۔

یُوحنّا 1:3

سارِیاں شیواں اوہدی راہِیں پَیدا ہویاں۔ تے بِناں اوہدے اِک شے وی پَیدا نا ہوئی جیہڑی پَیدا ہوئی اے۔

رُومِیوں 11:36

کیوں جو اوسے توں تے اوسے دی راہِیں تے اوسے لئی سارِیاں شیواں ہویاں نیں۔ اوہدی وڈیائی سدا تِیکر ہوئے۔ آمِین۔

رُومِیوں 8:38

کیوں جو مَینُوں یقِین اے پئی نا مَوت نا زِندگی۔ نا فرِشتے نا حکُومتاں۔ نا ہُن دِیاں شیواں تے نا آؤن والِیاں۔ تے نا طاقتاں۔

رُومِیوں 9:5

بزُرگ اوہناں دے نیں۔ نالے مسِیح جِسم ولّوں اوہناں وِچوں ہویا جیہڑا سبھناں توں اُچّا خُدا سدا توڑی مُبارک اے آمِین۔

۱-کُرِنتھِیوں 8:6

پر ساڈے بھانیں تے اِکّوئی خُدا اے۔ یعنی ربّ جِہدے ولّوں سارِیاں شیواں نیں۔ تے اسی اوہدے لئی آں۔ تے اِکّوئی خُداوند اے۔ یعنی یِسُوع مسِیح جِہدی راہِیں سارِیاں شیواں بنیاں نیں۔ تے اسی وی اوسے دی راہِیں آں۔

اِفسِیوں 1:10

تاں جو زمانیاں دے پُورا ہون دا اِنج بندوبست ہوئے۔ پئی مسِیح وِچ سارِیاں شیواں اکٹّھیاں ہو جان۔ بھانویں اسمان دِیاں ہون بھانویں زمین دِیاں۔

اِفسِیوں 6:12

کیوں جو اساں لہو تے جِسم نال نئیں سگوں اساں حکُومت تے اختیار والیاں تے ایس دُنیا دے ہنیرے دِیاں حاکماں تے شرارت دِیاں رُوحانی فَوجاں نال گُھلنا اے۔ جیہڑیاں اسمانی تھانواں وِچ نیں۔

فِلِپّیوں 2:10

تاں جو یِسُوع دے ناں اُتّے سارے گوڈے ٹیکن بھانویں اسمانی ہون بھانویں زمِینی بھانویں اوہ جیہڑے زمین دے ہیٹھاں نیں۔

کُلُسِّیوں 1:15

اوہ اَن ویکھے خُدا دی صُورت تے ساری خلقت وِچوں پلیٹھا اے۔

کُلُسِّیوں 1:20

تے اوہدے لہو دے سببّوں جیہڑا صلِیب اُتّے وَگیا۔ صُلح کر کے سارِیاں شیواں دا اوہدی راہِیں اپنے نال میل کرائے بھانویں اوہ زمین دِیاں ہون بھانویں اسمان دِیاں۔

کُلُسِّیوں 2:10

تے تُسی اوسے وِچ کامِل بن گئے ہو۔ جیہڑا ساری حِکمت تے اختیار دا سِر اے۔

کُلُسِّیوں 2:15

اوس حکُومتاں تے اِختیاراں نُوں اپنے اُتّوں ہٹا کے اوہناں دا کُھلا تماشہ بنایا تے صلِیب دے سببّوں اوہناں اُتّے فتح پا لین دی خُوشی کِیتی۔

عِبرانیوں 1:2

ایہناں اخِیری دِناں وِچ ساڈے نال پُتر دی راہِیں بولیا۔ جِہنُوں اوس سارِیاں شیواں دا وارث بنایا۔ تے اوہدی راہِیں اوہنے جہان وی بنائے۔

عِبرانیوں 2:10

کیوں جو جِہدے لئی سارِیاں شیواں نیں تے جِہدی راہِیں سارِیاں شیواں نیں اوہنوں ایہہ پھبدا سی پئی جد بُہت ساریاں پُتراں نُوں جلال وِچ لے آوے تے اوہناں دی نجات دے بانی نُوں دُکھاں دے سبّب کامِل بنائے۔

۱-پطرس 3:22

اوہ اسمان اُتّے جا کے خُدا دے سَجّے پاسے بَیٹھا ہویا اے تے فرِشتے تے اختیار تے قُدرتاں اوہدے تابعیاں کِیتیاں گِئیاں نیں۔