کُلُسِّیوں 1:12 - پنجابی نواں عہد نامہ نظرثانی شدہ چھپائی

¹² تے باپ دا شُکر کر دے رہو۔ جِس سانُوں ایس لائق کِیتا پئی چانن وِچ پاک لوکاں دے وِرثے دا حِصّہ پایئے۔

کُلُسِّیوں 1:12 ပူးပေါင်းရင်းမြစ်များ

متّی 25:34

تَد بادشاہ اپنے سَجّے پاسے والیاں نُوں آکھے گا اَے میرے باپ دے مُبارک لوکو آؤ۔ اوس بادشاہی دے وارث بنو جیہڑی دُنیا دے مُڈھوں ای تُہاڈے لئی تیار کِیتی گئی سی۔

یُوحنّا 14:6

یِسُوع اوہنوں آکھیا مَیں ای راہ تے سچیائی تے زِندگی آں۔ میرے بِناں کوئی باپ دے کول نئیں آؤندا۔

یُوحنّا 20:17

یِسُوع اوہنوں آکھیا مَینُوں نا چُھو کیوں جو اجے مَیں باپ کول اُتانہہ نئیں گیا آں۔ پر میرے بھراواں دے کول جا۔ تے اوہناں نُوں آکھ پئی مَیں اپنے باپ تے تُہاڈے باپ کول تے اپنے خُدا تے تُہاڈے خُدا کول اُتانہہ جانا آں۔

یُوحنّا 4:23

پر ویلا آؤندا اے تے ہُنے اے جدوں سَچّے بَھگت رُوح تے سچیائی نال باپ دی بندگی کرن گے کیوں جو باپ اجیہاں نُوں چاہندا اے۔ پئی اوہدی بندگی کرن۔

اعمال 20:32

تے ہُن مَیں تُہانوں خُدا تے اوہدے کرم دے کلام دے سپُرد کرنا آں۔ کیوں جو اوہدے وِچ طاقت اے۔ پئی تُہانوں وَدھاوے تے سارے پاک لوکاں دے وِچ وِرثہ بخشے۔

اعمال 26:18

پئی تُوں اوہناں دِیاں اَکھّیاں کھولیں۔ تاں جو اوہ ہنیریوں چانن ولّ۔ تے شیطان دے وَس توں خُدا ولّ مُڑن پئی گُناہاں دی مُعافی لین۔ تے اوہناں لوکاں وِچ جیہڑے میرے اُتّے اِیمان رکھن نال پاک ہوئے نیں وِرثہ لین۔

رُومِیوں 11:17

پر جے ٹہنِیاں وِچوں کئی اِک بَھن کے سُٹِّیاں گِئیاں تے تُوں جنگلی زَیتُون ہو کے اوہناں دے وِچ پَیوند کِیتا گیا۔ تے اوہناں دے نال زَیتُون دی تھندی جڑ دا سانجھی بن گیا۔

رُومِیوں 15:27

کِیتا تے رضامندی نال پر اوہ اوہناں دے دیندار وی نیں۔ کیوں جو جد غیر قوماں اوہناں دِیاں رُوحانی برکتاں وِچ شریک ہوئیاں۔ تے اوہناں نُوں وی چاہیدا سی پئی جِسمانی برکتاں وِچ اوہناں دی سیوا کرن۔

رُومِیوں 8:17

تے جد بچّے ہوئے تے وارث وی یعنی وارث خُدا دے۔ تے وِرثے وِچ مسِیح نال شریک ایس شرط اُتّے پئی اسی اوہدے نال دُکھ وِچ بھوگِیئے پئی اوہدے نال سانُوں وی جلال لَبھّے۔

رُومِیوں 9:23

تاں جو رَحم دے بھانڈیاں نُوں اپنے جلال دی دَولت معلُوم کراوے۔ جِنہاں نُوں اوس اگّے توں جلال لئی تیار کِیتا۔

۱-کُرِنتھِیوں 8:6

پر ساڈے بھانیں تے اِکّوئی خُدا اے۔ یعنی ربّ جِہدے ولّوں سارِیاں شیواں نیں۔ تے اسی اوہدے لئی آں۔ تے اِکّوئی خُداوند اے۔ یعنی یِسُوع مسِیح جِہدی راہِیں سارِیاں شیواں بنیاں نیں۔ تے اسی وی اوسے دی راہِیں آں۔

۱-کُرِنتھِیوں 9:23

تے مَیں سبھ کُجھ اِنجِیل دی خاطر کرنا آں۔ تاں جو ہورناں نال اوہدے وِچ شریک ہوواں۔

۲-کُرِنتھِیوں 11:14

تے کُجھ عجب نئیں۔ کیوں جو شیطان وی اپنے آپ نُوں نُورانی فرِشتے جِہیا بناندا اے۔

۲-کُرِنتھِیوں 5:5

تے جِس سانُوں ایس گلّ واسطے تیار کِیتا سو خُدا اے تے اوسے سانُوں رُوح سائی وِچ دِتّا۔

اِفسِیوں 1:11

اوسے وِچ اسی وی اوسے اِرادے دے سببّوں جیہڑا اپنی مرضی دی صلاح نال سبھ کُجھ کر دا اے۔ مُڈھوں ای مُقرّر ہو کے وِرثہ بنے۔

اِفسِیوں 1:18

تے تُہاڈے دِل دِیاں اَکھّیاں سوجاکھِیاں ہو جان۔ تاں جو تُہانوں پتا لگّے۔ پئی اوہدے سَدّن توں کیہو جیہی آس اے۔ تے اوہدی میراث دے جلال دی دَولت پاک لوکاں وِچ کیڈی کُو اے۔

اِفسِیوں 2:18

کیوں جو اوسے دی راہِیں ساڈی دوہاں دی اِکّو جِہی رُوح وِچ باپ کول ڈھوئی اے۔

اِفسِیوں 3:6

یعنی ایہہ پئی مسِیح یِسُوع وِچ غیر قوم والے خُوشخبری دی راہِیں وِرثے وِچ سانجھے تے بدن وِچ شامل تے وعدے وِچ داخل نیں۔

اِفسِیوں 4:6

تے ساریاں دا اِکّو ای خُدا تے باپ اے۔ جیہڑا ساریاں اُتّے تے ساریاں وِچ تے ساریاں دے اندر اے۔

اِفسِیوں 5:11

ہنیرے دے بے فائدہ کمّاں وِچ نا رَلو۔ سگوں اوہناں نُوں جِھڑکو۔

اِفسِیوں 5:20

تے سارِیاں گلّاں واسطے ساڈے خُداوند یِسُوع مسِیح دے ناں اُتّے سدا خُدا باپ دا شُکر کر دے رہو۔

اِفسِیوں 5:4

تے نا بے لہنگی تے بکواس یا پھکّڑ۔ کیوں جو ایہہ نئیں۔ سگوں شُکر کرو۔

اِفسِیوں 5:8

کیوں جو تُسی پہلاں ہنیرا سو۔ ہُن خُداوند وِچ چانن ہو۔ سو چانن دے بچّیاں وانگر چلّو۔

کُلُسِّیوں 2:2

تاں جو اوہناں دے دِلاں نُوں تسلّی ہوئے۔ تے اوہ آپو وِچ مُحبّت نال گنڈھے رہن۔ تے پُوری سمجھ دی ساری دَولت لے لین۔ تے خُدا دے یعنی مسِیح دے بھیت نُوں پچھانن۔

کُلُسِّیوں 3:15

تے مسِیح دی تسلّی جِہدے لئی تُسی اِک تَن ہو کے سَدّے گئے سو۔ تُہاڈے دِلاں وِچ حکُومت کرے تے نالے تُسی شُکر کرو۔

کُلُسِّیوں 3:17

تے کلام یا کمّ جو کُجھ کر دے ہو اوہ سبھ خُداوند یِسُوع دے ناں اُتّے کرو۔ تے اوسے دی راہِیں خُدا باپ دا شُکر کرو۔

طِطُس 2:14

جِس اپنے آپ نُوں ساڈے لئی دے دِتّا۔ پئی سانُوں ساری بیدینی توں ڈنڈ بھرکے چھڈائے تے پاک کر کے اپنے خاص وِرثہ لئی اِک اُمّت بنائے۔ جیہڑی نیک کمّاں وِچ سرگرم ہوئے۔

عِبرانیوں 12:23

تے اوہناں پلیٹھی دیاں دی عام جماعت یعنی کلِیسیا جِنہاں دے ناں اسماناں اُتّے لِکھے ہوئے نیں۔ تے ساریاں دے مُنصف خُدا تے کامِل کِیتے ہوئے راستباز لوکاں دِیاں رُوحاں۔

عِبرانیوں 3:1

سو پاک بھراؤ! تُسی جیہڑے اسمانی بُلاوے وِچ شریک ہو۔ اوس رسُول تے سردار کاہِن یِسُوع اُتّے دھیان کرو۔ جِہنُوں اسی مَنّنے آں۔

عِبرانیوں 3:14

کیوں جو اسی مسِیح وِچ شریک ہوئے آں جے اسی اپنے شُروع دے بھروسے وِچ اوڑک تِیکر مضبُوطی نال قیم رہئے۔

یعقُوب 3:9

ایسے نال اسی خُداوند تے باپ دی وڈیائی کرنے آں تے ایسے نال ای اسی بندیاں نُوں جیہڑے خُدا دی صُورت اُتّے بنائے گئے نیں بد دُعا دینے آں۔

۱-پطرس 5:1

مَیں اوہناں نُوں نصِیحت کرنا آں جیہڑے تُہاڈے وِچوں بزُرگ نیں اوہناں وانگر بزُرگ تے مَیں وی آں تے مسِیح دے دُکھاں دا گواہ تے ظاہر ہون والے جلال وِچ سنگی آں۔

۱-یُوحنّا 1:3

جو کُجھ اساں ویکھیا تے سُنیا اے۔ تُہانوں وی اوہ دسنے آں۔ تاں جو تُسی وی ساڈے نال سنگت رکھو۔ تے ساڈی سنگت باپ دے نال تے اوہدے پُتر یِسُوع مسِیح دے نال اے۔

مُکاشفہ 21:23

تے اوس شہر وِچ سُورج یا چَنّ دی روشنی دی کوئی لوڑ نئیں۔ کیوں جو خُدا دے جلال اوہنوں روشن کِیتا اے۔ تے لیلا اوہدا دِیوا اے۔

مُکاشفہ 22:14

مُبارک نیں اوہ جیہڑے اپنے کپڑے دھوندے نیں۔ کیوں جو زِندگی دے بُوٹے کول آؤن دا اختیار پان گے تے اوہناں پھاٹکاں توں شہر وِچ داخل ہون گے۔

مُکاشفہ 22:5

تے فیر رات نا ہوئے گی۔ تے اوہناں نُوں دِیوے تے سُورج دی روشنی دی لوڑ نئیں ہوئے گی۔ کیوں جو خُداوند خُدا اوہناں نُوں روشن کرے گا۔ تے اوہ ہمیشہ تِیکر بادشاہی کرن گے۔