کُلُسِّیوں 1:10 - پنجابی نواں عہد نامہ نظرثانی شدہ چھپائی

¹⁰ تاں جو تُہاڈا چال چَلّن خُدا دے لائق ہوئے تے تُسی اوہنوں سارِیاں گلّاں وِچ خُوش کرو۔ تے تُہاڈے ساریاں نیک کمّاں وِچ پَھل لگّے۔ تے تُسی خُدا دی پچھان وِچ وَدھدے جاؤ۔

کُلُسِّیوں 1:10 ပူးပေါင်းရင်းမြစ်များ

یُوحنّا 15:16

تُساں مَینُوں نئیں چُنیا پر مَیں تُہانوں چُنیا تے تُہانوں مُقرّر کِیتا۔ پئی تُسی جاؤ تے پَھل لیاؤ تے تُہاڈا پَھل قیم رہے تاں جو تُسی باپ کولوں میرے ناں اُتّے جو کُجھ منگو گے اوہ تُہانوں دیوے۔

یُوحنّا 15:8

میرے باپ دا جلال ایہدے وِچ اے پئی تُسی بُہت پَھل لیاؤ تَد ای میرے شاگِرد ہوؤگے۔

یُوحنّا 17:3

تے سدا دی زِندگی ایہہ اے پئی اوہ تینُوں جانن جیہڑا اکلّا سَچّا خُدا ایں تے نالے یِسُوع مسِیح نُوں جِہنُوں تُوں گھلّیا اے۔

رُومِیوں 1:13

بھراؤ مَیں نئیں چاہندا۔ پئی تُسی ایس گلّوں بے خبر رہو۔ پئی مَیں کئی وار تُہاڈے کول آؤن دا اِرادہ کِیتا۔ پئی جیویں مَینُوں ہورناں غیر قوماں وِچ پَھل مِلیا اے۔ اوسے طرح تُہاڈے وِچ وی مِلے۔ پر اَج تِیکر رُکیا رہیا۔

رُومِیوں 4:12

تے نا سُنت والیاں دا پئیو ہوئے جیہڑے نِرے سُنتی بَیٹھے ہوئے ای نئیں۔ سگوں اوس اِیمان دے کُھرے اُتّے چلدے نیں جیہڑا ساڈے پئیو ابرہام دا ناسُنتا ہوندیاں ہوئیا سی۔

رُومِیوں 6:4

سو بپتِسمے دی راہِیں اوہدی مَوت وِچ اسی اوہدے نال دفنائے گئے۔ تاں جو جیویں مسِیح باپ دے جلال دی راہِیں مُردیاں وِچوں جوالیا گیا۔ ایسے طرح اسی وی نَوِیں زِندگی وِچ چلّئے۔

۲-کُرِنتھِیوں 2:14

پر خُدا دا شُکر اے۔ جیہڑا مسِیح وِچ سانُوں سدا قیدِیاں وانگُوں گشت کراندا اے۔ تے اپنے عِلم دی خُوشبوئی ساڈی راہِیں ہر تھاں پَھیلاؤندا اے۔

۲-کُرِنتھِیوں 4:6

ایس لئی پئی خُدا ای اے جِس آکھیا پئی ہنیرے وِچوں نُور چمکے تے اوہو ای ساڈیاں دِلاں وِچ چمکیا۔ تاں جو خُدا دے جلال دی پچھان دا نُور یِسُوع مسِیح دے چِہرے توں چمکارا مارے۔

۲-کُرِنتھِیوں 5:9

ایسے واسطے سانُوں ایہہ حَوصلہ اے پئی دیس وِچ ہوئیے تے بھانویں دیسوں باہر اسی اوسے نُوں خُوش کریئے۔

۲-کُرِنتھِیوں 9:8

تے خُدا تُہاڈے اُتّے ہر طرح دا فضل بُہتا کر سکدا اے۔ تاں جو تُہانوں سدا ہر شے وادُھو مِلیا کرے۔ تے ہر نیک کمّ لئی تُہاڈے کول بُہت کُجھ موجُود رہیا کرے۔

اِفسِیوں 1:17

پئی ساڈے خُداوند یِسُوع مسِیح دا خُدا جیہڑا جلال دا باپ اے۔ تُہانوں اپنی پچھان لئی حِکمت تے اِلہام دی رُوح دیوے۔

اِفسِیوں 2:10

کیوں جو اسی اوسے دی کاریگری آں تے مسِیح یِسُوع وِچ اوہناں نیک کمّاں دے واسطے پَیدا کِیتے گئے ساں جیہڑے خُدا مُڈھوں ای ساڈے کرن لئی تیار کِیتے سن۔

اِفسِیوں 4:1

سو مَیں جیہڑا خُداوند دے سببّوں قیدی آں تُہاڈے اگّے عرض کرنا آں پئی جیویں سَدّے گئے سو۔ اوسے طرح چلّو۔

اِفسِیوں 4:13

جدوں تِیکر اسی سارے خُدا دے پُتر تے اِیمان تے اوہدی پچھان وِچ اِک نا ہو جائیے تے پُورے اِنسان یعنی مسِیح دے پُورے قد جیڈے نا ہو جائیے۔

اِفسِیوں 5:10

تے پَتا لاندے رہو۔ پئی خُداوند نُوں کِیہ چَنگا لگدا اے۔

اِفسِیوں 5:15

سو دھیان کرو۔ پئی کِس طرح ٹُر دے ہو۔ جھلیاں وانگر نئیں سگوں سیانیاں وانگر ٹُرو۔

اِفسِیوں 5:2

تے تُہاڈا چالا مُحبّت وِچ ہوئے جیویں مسِیح وی تُہاڈے نال مُحبّت کِیتی۔ تے ساڈے واسطے اپنے آپ نُوں خُوشبوئی وانگر خُدا دی نظر کر کے قُربان کِیتا۔

فِلِپّیوں 1:11

تے راستبازی دے پَھل نال جیہڑا مسِیح یِسُوع دے سببّوں اے بھرے رہو۔ تاں جو خُدا دا جلال تے وڈیائی ہوئے۔

فِلِپّیوں 1:27

نِرا ایہہ کرو پئی تُہاڈا چال چَلّن مسِیح دی خُوشخبری دے لائق ہوئے۔ تاں جو بھانویں مَیں آواں تے تُہانوں ویکھاں تے بھانویں نا آواں تُہاڈا ایہہ حال سُناں۔ پئی تُسی اِکّو رُوح وِچ پکّے اوہ۔ تے اِنجِیل دے اِیمان دے لئی تُسی رَل کے اِک جان ہو کے دِلوں محنت کر دے ہو۔

فِلِپّیوں 4:18

میرے کول سبھو کُجھ اے۔ سگوں بُہت وَدّھ اے۔ تُہاڈیاں گھلّیاں ہویاں شیواں اِپفُردِتُس دے ہتھّوں لے کے مَیں رَجّ گیا آں۔ اوہ اِک خُوشبوئی تے اجیہی قُربانی نیں۔ جیہڑی قبول ہوئی تے خُدا نُوں پسند اے۔

کُلُسِّیوں 2:19

پر اوس سِر نُوں پَھڑی نئیں رہندا جِہدے توں سارا بدن جوڑاں تے پٹّھیاں دی راہِیں پَلدا اے۔ تے آپو وِچ مِل جُل کے خُدا ولّوں وَدھدا جاندا اے۔

کُلُسِّیوں 2:6

ایس لئی جیویں تُساں مسِیح یِسُوع خُداوند نُوں مَنّیا جھلیا اے اوسے طرح اوہدے وِچ ای چلدے رہو تے اوہدے وِچ جڑ پھڑ کے وَدھدے جاؤ۔

کُلُسِّیوں 3:20

بچّیو! سارِیاں گلّاں وِچ اپنے ماں پئیو دا آکھا مَنّو کیوں جو ایہہ خُداوند نُوں چَنگا لگدا اے۔

کُلُسِّیوں 4:5

وقت نُوں قِیمتی جان کے باہر والیاں نال ہوش نال ورتو۔

۱-تھِسّلُنِیکوں 2:12

تاں جو تُہاڈا چال چَلّن اوس خُدا دے وانگُوں ہوئے جیہڑا تُہانوں اپنی بادشاہی تے جلال وِچ سدّدا اے۔

۱-تھِسّلُنِیکوں 4:1

باقی بھراؤ! اسی تُہاڈی مِنّت کرنے آں تے خُداوند یِسُوع مسِیح وِچ تُہانوں ایہہ نصِیحت کرنے آں۔ پئی جیویں تُساں ساڈے کولوں سِکھیا۔ پئی جیویں ٹُرناں تے خُدا نُوں خُوش کرنا چاہیدا اے تے جیویں تُسی ٹُر دے وی ہو اوسے طرح وَدھدے جاؤ۔

۲-تِیمُتِھیُس 2:4

کوئی سپاہی لڑائی دے ویلے دُنیا دے معاملیاں وِچ نئیں پھسدا۔ سگوں اپنے بھرتی کرن والے نُوں خُوش کر دا اے۔

طِطُس 3:1

اوہناں نُوں یاد دوا پئی حاکماں تے اختیار والیاں دے تابعیاں رہن اوہناں دا حُکم مَنّن تے سارے نیک کمّاں لئی تیار رہن۔

طِطُس 3:14

تے ساڈے لوک ضرُورتاں پُوریاں کرن لئی چَنگیاں کمّاں وِچ لگِیاں رہنا سِکھّن۔ تاں جو اوہ اپّھل نا ہون۔

عِبرانیوں 11:5

اِیمان دی راہِیں حنوک چُکیا گیا پئی مَوت نُوں نا ویکھے تے ایس لئی پئی خُدا اوہنوں چُک لیا سی اوہ نا لَبّھیا۔ ایس لئی پئی چُکے جان توں پہلاں اوہدے حق وِچ ایہہ گواہی دِتّی گئی سی پئی اوہ خُدا نُوں پسند آیا سی۔

عِبرانیوں 13:16

تے بھلا کرنا تے سخی ہونا ہونا نا بُھلو۔ ایس لئی پئی خُدا اجیہاں قُربانِیاں توں خُوش ہوندا اے۔

عِبرانیوں 13:21

تُہانوں ساریاں نیک کمّاں وِچ پُوریاں کرے تاں جو اوہدی مرضی پُوری کرو۔ تاں جو کُجھ اوہنوں پسند آؤندا اے۔ یِسُوع مسِیح دی راہِیں ساڈے سبھناں وِچ پَیدا کرے۔ جِہدی وڈیائی سدا تِیکر ہوئے۔ آمِین۔

۲-پطرس 1:8

کیوں جو جے ایہہ گلّاں تُہاڈے وِچ ہون تے وَدّھ دِیاں جان تے ساڈے خُداوند یِسُوع مسِیح دے پچھانن وِچ تُہانوں بیکار تے بے پَھل نا ہون دین گِئیاں۔

۲-پطرس 3:18

سگوں ساڈے خُداوند تے نجات دین والے یِسُوع مسِیح دے فضل تے پہچان وِچ وَدھدے جاؤ۔ اوسے دا جلال ہُن وی ہوئے۔ تے سدا تِیکر رہے۔ آمِین۔

۱-یُوحنّا 3:22

تاں جو کُجھ اسی منگنے آں سو اوہدے ولّوں سانُوں مِلدا اے کیوں جو اسی اوہدے حُکماں نُوں مَنّنے آں تاں جو کُجھ اوہنوں پسند آؤندا اے اوہو ای کرنے آں۔

۱-یُوحنّا 5:20

تے ایہہ وی جاننے آں پئی خُدا دا پُتر آگیا اے۔ تے اوس سانُوں سمجھ دِتّی اے۔ تاں جو اوہنوں جیہڑا اصلی اے جانئے۔ تے اسی اوہدے وِچ۔ جیہڑا اصلی اے یعنی اوہدے پُتر یِسُوع مسِیح وِچ آں۔ اصلی خُدا تے ہمیشہ دی زِندگی ایہی اے۔

۳-یُوحنّا 1:6

اوہناں کلِیسیا دے اگّے تیری مُحبّت دی گواہی دِتّی سی۔ جے تُوں اوہناں نُوں ایس طرح وِداع کریں گا۔ جیویں خُدا دے لوکاں نُوں چاہیدا اے تے چَنگا کریں گا۔