اعمال 9:34 - پنجابی نواں عہد نامہ نظرثانی شدہ چھپائی

³⁴ تے پطرس اوہنوں آکھیا۔ اَے اَینیاس یِسُوع مسِیح تینُوں چَنگا کر دا اے۔ تُوں اُٹھ تے اپنا بسترا سانبھ لے۔ تے اوہ اوسے ویلے اُٹھیا۔

اعمال 9:34 ပူးပေါင်းရင်းမြစ်များ

متّی 8:3

تے ہتّھ وَدّھا کے اوس اوہنوں چُھوئیا تے آکھیا مَیں چاہناں آں۔ تُوں پاک صاف ہو جا۔ تے اوسے ویلے اوہدا کوڑھ صاف ہوگیا۔

متّی 9:6

پر ایس لئی پئی تُسی جانو پئی اِبنِ آدم نُوں زمین اُتّے گُناہ بخشن دا اختیار اے۔ (تَد اوس چولے دے مارے ہوئے نُوں آکھیا) اُٹھ اپنی مَنجی چُک لے تے اپنے گھر ٹُر جا۔

یُوحنّا 2:11

ایہہ پہلی کرامات یِسُوع نیں گلِیل دے قانا وِچ کِیتی تے اپنا جلال ظاہر کِیتا تے اوہدیاں شاگِرداں اوہدے اُتّے اِیمان لیاندا۔

اعمال 16:18

تے اوہ بُہت دِناں تِیکر ایس طرح کر دی رہی تے پَولُس بڑا کلپیا۔ تے پِچّھے مُڑ کے اوس رُوح نُوں آکھیا۔ مَیں یِسُوع مسِیح دا ناں لے کے تینُوں حُکم کرنا آں پئی ایہدے وِچوں نِکل جا۔ تے اوہ اوسے گھڑی نِکل گئی۔

اعمال 3:12

تَد پطرس ایہہ حال ویکھ کے لوکاں نُوں آکھیا۔ اَے اِسرائیلیو! ایس گلّ اُتّے تُسی کیوں حَیران ہوندے ہو۔ تے سانُوں کیوں اینج ویکھدے ہو پئی اساں اپنی قُدرت یا دِینداری نال اوہنوں ٹُرن دی طاقت بخشی اے؟

اعمال 3:16

تے اوہدے ناں اُتّے اِیمان رکھن دے سبّب اوہدے ناں تے ایس بندے نُوں تگڑیاں کِیتا۔ جِہنُوں تُسی ویکھدے تے پچھاندے ہو۔ اوس اِیمان نے جیہڑا اوہدی راہِیں اے تُہاڈے ساریاں دے سامھنے ایہنوں ایہہ پُوری تندرستی دِتّی۔

اعمال 3:6

پطرس آکھیا۔ چاندی سونا تاں میرے کول نئیں اے پر جو کُجھ میرے کول اے اوہ تینُوں دینا آں۔ پئی یِسُوع مسِیح ناصری دے ناں وِچ ٹُر پَو۔

اعمال 4:10

تاں تُہانوں سبھناں نُوں تے اِسرائیل دی ساری قوم نُوں معلُوم ہوئے۔ پئی یِسُوع مسِیح ناصری دے ناں اُتّے جِہنُوں تُساں صلِیب دِتّی تے خُدا نے اوہنوں مُردیاں وِچوں جوالیا۔ اوہدے ناں اُتّے تُہاڈے سامھنے ایہہ بندہ بھلا چَنگا کھلوتا اے۔

اعمال 9:33

تے اوتھے اَینیاس کر کے اِک بندہ اوہنوں ٹکّریا۔ جیہڑا اَٹھاں ورھیاں توں فالج دا ماریا ہویا مَنجی اُتّے پیا سی۔

اعمال 9:35

تے لُدّہ تے شارُون دے سارے رہن والے اوہنوں ویکھ کے خُداوند دے ولّ پِھرے۔