اعمال 9:20 - پنجابی نواں عہد نامہ نظرثانی شدہ چھپائی

²⁰ تے اوسے ویلے ای عبادت خانیاں وِچ یِسُوع دی منادی کِیتی پئی اوہ خُدا دا پُتر اے۔

اعمال 9:20 ပူးပေါင်းရင်းမြစ်များ

یُوحنّا 20:28

تُوما اوہنوں آکھیا اے میرے خُداوند اے میرے خُدا۔

گلتِیوں 2:20

مَیں مسِیح دے نال سُولی دِتّا گیا آں ہُن مَیں جِیوندا نا رہیا۔ سگوں مسِیح میرے وِچ جِیوندا اے۔ تے مَیں جیہڑا ہُن جِسم وِچ جِیوناں آں۔ تے خُدا دے پُتر اُتّے اِیمان لیاؤن نال جِیوناں آں۔ جِس مَینُوں پیار کِیتا تے میری تھانویں اپنا آپ دے دِتّا۔

یُوحنّا 1:49

نتنی ایل اوہنوں جواب دِتّا۔ اَے ربّی تُوں تے خُدا دا پُتر ایں۔ تُوں تے اِسرائیل دا بادشاہ ایں۔

متّی 27:43

اوہ خُدا اُتّے بھروسا رکھدا اے۔ جے اوہ اوہنوں چاہندا اے تَد ہُن اوہنوں چھڈاوے کیوں جو اوس آکھیا۔ پئی مَیں خُدا دا پُتر آں۔

متّی 4:3

تَد ازمان والے نیڑے آ کے اوہنوں آکھیا جے تُوں خُدا دا پُتر ایں تے آکھ پئی ایہہ پتّھر روٹِیاں بن جان۔

مُکاشفہ 2:18

تے تھواتِیرہ دی کلِیسیا دے فرِشتے نُوں ایہہ لِکھ پئی۔ خُدا دا پُتر جِہدِیاں اَکھّیاں اَگ دی لاٹ وانگر تے پَیر خالص پِتّل وانگر نیں ایہہ آکھدا اے پئی۔

رُومِیوں 1:4

پر پاکیزگی دی رُوح ولّوں مُردیاں وِچوں جی اُٹھن دے سبّب قُدرت نال خُدا دا پُتر ثابت ہویا۔

اعمال 13:14

تے پرگہ توں لنگھ کے اوہ پِسدِیہ دے انطاکیہ وِچ اَپڑے۔ تے سبت دے دِن عبادت خانے وِچ جا بَیٹھے۔

اعمال 13:5

تے اوہناں سَلَمِیس وِچ اَپڑ کے یہُودِیاں دے عبادت خانیاں وِچ خُدا دا کلام سُنایا۔ تے یُوحنّا اوہناں دی خِدمت کرن والا سی۔

اعمال 9:22

پر ساؤُل نُوں ہور وی طاقت مِلدی رہی ایس گلّ نُوں ثابت کر کے پئی مسِیح ایہو اے۔ اوہنے اوہناں یہُودِیاں نُوں جیہڑے دمِشق وِچ رہندے سن حَیران کِیتا۔

اعمال 8:36

تے جاندِیاں جاندِیاں راہ وِچ اوہ اِک پانی اُتّے اَپڑے۔ تاں کُھسرے آکھیا۔ ویکھ ایہہ پانی اے بپتِسمہ لین توں مَینُوں کِیہ روکدا اے؟

یُوحنّا 20:31

پر ایہہ لِکھیاں گِئیاں نیں تاں جو تُسی اِیمان لیاؤ پئی یِسُوع جو اے اوہو مسِیح خُدا دا پُتر اے۔ تے اِیمان لیا کے اوہدے ناں توں تُہانوں زِندگی مِلے۔

یُوحنّا 19:7

یہُودِیاں اوہنوں جواب دِتّا پئی اسی شریعت والے آں تے شریعت دے سببّوں اوہ قتل کرن دے لائق اے ایس لئی پئی ایس اپنے آپ نُوں خُدا دا پُتر بنایا۔

متّی 27:54

تے صُوبیدار تے اوہدے نال دے جیہڑے یِسُوع دی راکھی کر دے سن بُھچال تے سارا حال ویکھ کے بُہت ڈر گئے تے آکھن لگّے ایہہ سَچ مُچ خُدا دا پُتر سی۔

اعمال 13:33

پئی یِسُوع نُوں جوا کے ساڈی اولاد لئی خُدا اوسے وعدے نُوں پُوریاں کِیتا اے۔ جیویں دُوجے زبُور وِچ لِکھیا ہویا اے۔ پئی تُوں میرا پُتر ایں۔ اَج تُوں مَیتھوں جمّیا۔

اعمال 13:46

تَد پَولُس تے برنباس دلیر ہو کے بول اُٹھے۔ ضرُور چاہیدا سی پئی خُدا دا کلام پہلے تُہانوں سُنایا جاندا۔ پر جدوں تُسی اوہنوں رَدّ کر دے ہو۔ تے اپنے آپ نُوں سدا دی زِندگی دے لائق نئیں سمجھدے ہو تے ویکھو اسی غیر قوماں ولّ جانے آں۔

اعمال 14:1

تے اِکُنِیُم وِچ اینج ہویا پئی اوہ دونویں مِل کے یہُودِیاں دے عبادت خانے وِچ گئے تے ایس ڈھنگ نال بولے پئی یہُودِیاں تے یُونانِیاں دی اِک بڑی جماعت نے اِیمان لیاندا۔

اعمال 16:13

تے سبت دے دِن پھاٹکوں باہر ندی دے کنڈھے اُتّے گئے۔ جِتّھے ساڈی سمجھ وِچ دُعا منگن دا تھاں سی۔ تے بَہہ کے اوہناں زنانِیاں نال جیہڑیاں اکٹّھیاں ہویاں سن گلّاں کرن لگّے۔

اعمال 17:2

تے پَولُس اپنے دستُور دے سببّوں اوہناں کول گیا۔ تے تِنّاں سبتاں تِیکر پاک کتاب وِچوں اوہناں نُوں سِکھالدا رہیا۔

اعمال 17:10

پر بھراواں فٹافٹ راتوں رات پَولُس تے سِیلاس نُوں بِیرِیّہ شہر وِچ گھل دِتّا۔ اوہ اوتھے اَپڑ کے یہُودِیاں دے عبادت خانہ وِچ گئے۔

اعمال 17:17

ایس لئی یہُودِیاں تے دِیندار لوکاں نال عبادت خانے وِچ۔ تے روز روز اوہناں دے نال جیہڑے مِلدے سن۔ بازار وِچ اوہ بحث کر دا سی۔

اعمال 18:4

تے اوہ ہر سبت نُوں عبادت خانے وِچ جا کے بحث کر دا تے یہُودِیاں تے یُونانِیاں نُوں مناندا سی۔

اعمال 18:19

تے اِفِسُس وِچ اَپڑ کے اوس اوہناں نُوں اوتھے چھڈیا تے آپی عبادت خانے وِچ جا کے یہُودِیاں نال بحث کرن لگّا۔

اعمال 19:8

فیر اوہ عبادت خانے وِچ جا کے تِنّاں مہِینیاں تِیکر دلیری نال بولدا۔ تے خُدا دی بادشاہی دِیاں گلّاں دی بابت بحث کر دا تے مناندا رہیا۔

گلتِیوں 1:16

پئی اپنے پُتر نُوں میرے دِل وِچ ظاہر کرے۔ ایس کر کے پئی غیر قوماں وِچ مَیں اوہدی خُوشخبری دیاں۔ تے نا مَیں گوشت تے لہو کولوں صلاح پُچھی۔

اعمال 8:37

[تَد فِلپُّس آکھیا پئی جے توں دِل لا کے اِیمان لِیاویں تے بپتِسمہ لے سکدا ایں۔ اوس جواب دِتّا پئی مَیں اِیمان لیاؤنا پئی یِسُوع مسِیح خُدا دا پُتر ایہہ۔]