اعمال 8:7 - پنجابی نواں عہد نامہ نظرثانی شدہ چھپائی

⁷ ایس لئی پئی بتھیرے لوکاں وِچوں پلِیت رُوحاں بڑی ڈنڈ پا کے نِکل آئِیاں۔ تے بتھیرے مفلُوج تے لُوہلے لنگے چنگے بھلے کِیتے گئے۔

اعمال 8:7 ပူးပေါင်းရင်းမြစ်များ

متّی 10:1

تے اوس اپنے باراں شاگِرداں نُوں کول سَدّ کے اوہناں نُوں اختیار دِتّا پئی پلِیت رُوحاں نُوں کڈھن تے سبھ دُکھ دَرد تے سارے روگ نُوں دُور کرن۔

متّی 11:5

پئی اَنھے ویکھدے تے لنگے ٹُردے پِھردے۔ کوڑھے پاک صاف کِیتے جاندے نیں تے بولے سُندے تے مُردے جوالے جاندے نیں۔ تے غرِیباں نُوں خُوشخبری سُنائی جاندی اے۔

متّی 4:24

تے سارے سُوریہ وِچ اوہدی دُھم پَے گئی تے لوکاں نیں ساریاں بِیماراں نُوں جیہڑے کئی طرح دے روگاں تے دُکھاں وِچ پَھسے ہوئے سن جِنہاں نُوں بدرُوحاں چمبڑیاں ہویاں سن۔ تے مِرگی والیاں۔ تے ادھرلنگیاں نُوں اوہدے کول لیاندا تے اوس اوہناں نُوں چَنگیاں کِیتا۔

مرقس 9:26

اوہ چِیک مار کے تے اوہنوں بُہت مروڑ کے اوہدے وِچوں نِکل گئی۔ تے اوہ مُنڈا مُردے وانگُوں ہوگیا۔ ایتھوں تِیکر پئی بتھیریاں آکھیا اوہ مر گیا اے۔

لُوقا 10:17

اوہ ستّر خُوشی نال مُڑ آئے تے آ کے آکھیا۔ اَے خُداوند تیرے ناں اُتّے بد رُوحاں وی ساڈے وَس وِچ نیں۔

یُوحنّا 14:12

مَیں تُہانوں سَچ سَچ آکھنا آں پئی اوہ جیہڑا میرے اُتّے اِیمان لیاؤندا اے جیہڑے کمّ مَیں کرنا آں اوہ وی کرے گا۔ تے ایہناں نالوں وی وڈّے کرے گا کیوں جو مَیں باپ کول جاناں آں۔

اعمال 5:16

تے یرُوشلِیم دے آلے دوالے دیاں نگراں توں وی بڑا مُلکھ اکٹّھا ہویا تے اوہ اپنیاں روگِیاں نُوں تے اوہناں نُوں جیہڑے پلِیت رُوحاں توں اَوکھے سن لیاؤندے رہے تے اوہناں وِچوں اِک اِک چَنگا ہوگیا۔

اعمال 8:6

تے جد اوہناں سُنیا تے اوہدیاں کراماتاں جیہڑیاں اوہ کر دا سی ویکھیاں تَد بُہت لوکاں اِک دِل ہو کے فِلپُّس دِیاں گلّاں ولّ دھیان کِیتا۔

عِبرانیوں 2:4

تے نال ای خُدا وی اپنی مرضی دے سببّوں نشاناں تے کراماتاں تے طرح طرح دے مُعجزیاں تے پاک رُوح دِیاں نِعمتاں دی راہِیں اوہدی گواہی دیندا رہیا۔