اعمال 8:14 - پنجابی نواں عہد نامہ نظرثانی شدہ چھپائی

¹⁴ تے جد رسُولاں نیں۔ جیہڑے یرُوشلِیم وِچ سن سُنیا پئی سامریاں نیں خُدا دا کلام قبولیا اے۔ تَد پطرس تے یُوحنّا نُوں اوہناں دے کول گھلّیا۔

اعمال 8:14 ပူးပေါင်းရင်းမြစ်များ

متّی 13:23

تے اوہ جیہڑا چنگی زمین وِچ بِیجیا گیا سو اوہ اے جیہڑا کلام سُندا تے سمجھدا اے اوہ ضرُور پَھل لیاؤندا اے۔ تے پَیداواری دیندا اے۔ کوئی سَو گُنا کوئی سَٹّھ گُنا۔ کوئی تَرِیہہ گُنا۔

لُوقا 22:8

تے اوس پطرس تے یُوحنّا نُوں ایہہ آکھ کے گھلّیا۔ پئی جا کے ساڈے لئی فسح تیار کرو۔ پئی اسی کھائیے۔

یُوحنّا 12:48

اوہ جیہڑا مَینُوں رَدّ کر کے میرِیاں گلّاں نُوں نئیں قبولدا اوہدا اِک عدالت کرن والا تے اے۔ کلام جیہڑا مَیں آکھیا۔ اوہ ای اوڑک دے دِن اوہدی عدالت کرے گا۔

اعمال 11:1

تَد اوہناں رسُولاں تے بھراواں نُوں جیہڑے یہُودیہ وِچ سن خبر ہوئی۔ پئی غیر قوماں نیں وی خُدا دے کلام نُوں قبول کِیتا۔

اعمال 15:4

تے جد یرُوشلِیم اَپڑے۔ تَد کلِیسیا تے رسُولاں تے بزُرگاں نیں اوہناں دی خاطر کِیتی۔ تے جو کُجھ خُدا اوہناں دے نال کِیتا سی۔ سو اوہناں آکھ سُنایا۔

اعمال 17:11

ایس شہر دے لوک تھِسّلُنِیکے دے لوکاں نالوں بھلے مانس سن۔ کیوں جو اوہناں نیں بڑے شَوق نال کلام مَن لیا۔ تے روز روز پاک کتاب وِچ لبّھدے رہئے۔ پئی ایہہ گلّاں ٹھیک ایسے طرح نیں کہ نئیں۔

اعمال 2:41

سو جِنہاں اوہدی گلّ مَن لئی اوہناں بپتِسمہ لیا۔ تے اوسے دِن تِنّ کُو ہزار لوک اوہناں نال رَل گئے۔

اعمال 8:1

تے ساؤُل اوہدے مار دین اُتّے راضی سی۔ تے اوس دِن توں یرُوشلِیم دی کلِیسیا اُتّے بڑا ظُلم ہون لگّا۔ تے رسُولاں نُوں چھڈ کے اوہ سارے یہُودیہ تے سامریہ دے مُلک وِچ کھِلّر گئے۔

گلتِیوں 2:9

تے یعقُوب تے کیفا تے یُوحنّا نے جیہڑے کلِیسیا دے سرپَینچ سمجھے جاندے سن۔ جدوں اوس فضل نُوں جیہڑا مَینُوں مِلیا سی معلُوم کِیتا تے سانجھداری دا سَجّا ہتّھ دے کے مَینُوں تے برنباس نُوں جوڑی دار بنا لیا۔ پئی اسی غیر قوماں ولّ جائیے۔ تے اوہ سُنتِیاں ولّ۔

۱-تھِسّلُنِیکوں 2:13

ایس لئی اسی وی ہر ویلے خُدا دا شُکر کرنے آں پئی جدوں تُساں خُدا دے سنیہے دا کلام ساڈی راہِیں سُنیاں تدوں تُساں اوہنوں بندیاں دا کلام سمجھ کے نئیں پر (جو اوہ سَچ مُچ ہے وی۔) خُدا دا کلام جان کے قبول کِیتا تے اوہ تُہاڈے اِیمان لیاؤن والیاں وِچ کمّ وی پیا کر دا اے۔

۱-تھِسّلُنِیکوں 3:2

تے اساں تِیمُتِھیُس نُوں جیہڑا ساڈا بھرا تے مسِیح دی خُوشخبری وِچ خُدا دا نوکر اے۔ ایسے واسطے گھلّیا پئی اوہ تُہانوں پَکیّاں کرے۔ تے تُہاڈے اِیمان ولّوں تُہانوں تسلّی دیوے۔

۲-تھِسّلُنِیکوں 2:10

تے ہلاک ہون والیاں لئی ناراستی دے ہر طرح دے دھوکھے نال ہوئے گا۔ ایس لئی پئی اوہناں سچیائی دی مُحبّت نُوں قبول نا کِیتا جِہدے نال اوہناں دی نجات ہوندی۔