اعمال 8:1 - پنجابی نواں عہد نامہ نظرثانی شدہ چھپائی

¹ تے ساؤُل اوہدے مار دین اُتّے راضی سی۔ تے اوس دِن توں یرُوشلِیم دی کلِیسیا اُتّے بڑا ظُلم ہون لگّا۔ تے رسُولاں نُوں چھڈ کے اوہ سارے یہُودیہ تے سامریہ دے مُلک وِچ کھِلّر گئے۔

اعمال 8:1 ပူးပေါင်းရင်းမြစ်များ

متّی 22:6

تے باقِیاں نیں اوہدے نَوکراں نُوں پھڑیا تے اوہناں دی پَتّ لاہی تے مار سُٹّیا۔

متّی 23:34

ایس کر کے ویکھو مَیں نبیاں تے داناواں تے فقِیہاں نُوں تُہاڈے کول گھلّنا آں۔ اوہناں وِچوں کئیاں نُوں تُسی مار سُٹّو گے تے صلِیب دیؤگے۔ تے کئیاں نُوں اپنے عبادت خانیاں وِچ کولڑے مارو گے تے شہروں شہر بھجا کے اَوکھیاں کرو گے۔

متّی 5:13

تُسی زمین دا لُون اوہ پر جے لُون بے سوادا ہو جائے تے اوہ کیہڑی شے نال سلُونا کِیتا جائے گا؟ اوہ فیر کِسے کمّ دا نا رہیا بِناں ایس دے پئی باہر سُٹّیا جائے تے لوکاں دے پیراں ہیٹھاں لتاڑیا جائے۔

یُوحنّا 15:20

اوہ گلّ یاد کرو جیہڑی مَیں تُہانوں آکھی پئی نوکر اپنے مالک نالوں وَڈا نئیں۔ جے اوہناں مَینُوں ستایا تے تُہانوں وی ستاؤن گے۔ جے اوہناں میرے کلام نُوں مَنّیاں تے تُہاڈے کلام نُوں وی مَنّن گے۔

یُوحنّا 16:2

لوک تُہانوں جماعتوں کڈھ دین گے تے اوہ گھڑی آؤندی اے پئی جیویں کوئی تُہاڈا خُون کرے اوہ ایہہ سمجھے گا پئی مَیں خُدا دی خِدمت کرنا آں۔

اعمال 1:8

پر جدوں پاک رُوح تُہاڈے اُتّے آوے گا۔ تے تُہانوں طاقت مِلے گی۔ تے یرُوشلِیم تے سارے یہُودیہ تے سامریہ وِچ نالے دھرتی دے اخِیر تِیکر۔ تُسی میرے گواہ ہوؤ گے۔

اعمال 13:1

تے انطاکیہ دی کلِیسیا وِچ کئی نبی تے اُستاد سن یعنی برنباس تے شمعُون جیہڑا کالا اکھواؤندا اے۔ تے لُوکِیُس کُرینی تے مناہیم جیہڑا چوتھائی مُلک دے حاکم ہیرودیس دے نال پلیا سی۔ تے ساؤُل۔

اعمال 13:36

داؤد تاں اپنے سَمے وِچ خُدا دی مرضی دا تابعدار رہ کے سَوں گیا۔ تے اپنے وڈّیاں وِچ جا رلیا تے ترّک گیا۔

اعمال 2:47

تے خُدا دی وڈیائی کر دے سن۔ تے سبھناں لوکاں نُوں پیارے لگدے سن۔ تے جیہڑے نجات پاندے سن خُدا روز اوہناں نُوں اوہناں دے نال رلاؤندا سی۔

اعمال 22:20

تے جِس ویلے تیرے شہید ستِفنُس دا لہو وگایا گیا۔ مَیں وی آپ کول کھلوتا ہویا تے حامی بھردا ساں۔ تے اوہدے خُونِیاں دے کپڑیاں دی راکھی کر دا ساں۔

اعمال 26:10

سو ایہو ای مَیں یرُوشلِیم وِچ کِیتا۔ تے سردار کاہِناں توں اختیار لے کے بتھیریاں پاک لوکاں نُوں قید وِچ پایا۔ تے جد اوہ مارے جاندے سن اوہناں دے برخلاف مَیں رائے دیندا ساں۔

اعمال 5:18

تے رسُولاں اُتّے ہتّھ چُکے۔ تے اوہناں نُوں عام قیدخانے دے وِچ سُٹ دِتّا۔

اعمال 5:20

جاؤ تے ہیکل وِچ کھلو کے ایس زِندگی دِیاں سارِیاں گلّاں لوکاں نُوں سُناؤ۔

اعمال 5:33

پر اوہ ایہہ سُن کے اپنے دِل وِچ سڑ گئے۔ تے صلاح کِیتی پئی اوہناں نُوں مار سُٹّیئے۔

اعمال 5:40

تے اوہناں اوہدی مَن لئی۔ تے جد اوہناں رسُولاں نُوں سدّیا تے مار پَوا کے حُکم کِیتا۔ پئی یِسُوع دے ناں اُتّے گلّ نا کرو۔ تَد اوہناں نُوں چھڈ دِتّا۔

اعمال 7:38

ایہہ اوہ ای جَنا اے۔ جیہڑا بیابان دی کلِیسیا وِچ اوس فرِشتے دے نال سی جیہڑا سِینا پہاڑ اُتّے اوہدے نال گلّاں کر دا سی تے نالے ساڈیاں پئیو دادیاں دے نال سی اوسے نُوں جیون دا کلام مِلیا پئی ساڈے تِیکر پہنچائے۔

اعمال 7:54

ایہہ گلّاں سُندیاں ای اوہ دِلاں وِچ سڑ گئے تے اوہدے اُتّے کچیچیاں وَٹن لگّے۔

اعمال 7:58

تے شہروں باہر کڈھ کے اوہنوں روڑے مارن لگ پئے تے گواہاں نیں اپنے کپڑے ساؤُل نال دے اِک جوان دے پیراں کول رکھ دِتّے۔

اعمال 8:14

تے جد رسُولاں نیں۔ جیہڑے یرُوشلِیم وِچ سن سُنیا پئی سامریاں نیں خُدا دا کلام قبولیا اے۔ تَد پطرس تے یُوحنّا نُوں اوہناں دے کول گھلّیا۔

اعمال 8:2

تے دِیندار بندیاں ستِفنُس دا کفن دفن کِیتا تے اوہدے لئی بُہت روئے پِٹّے۔

اعمال 8:4

سو اوہ جیہڑے کھِلّر گئے سن کلام دی خُوشخبری سُناندے پِھرے۔

اعمال 8:5

تے فِلپُّس سامریہ شہر وِچ جا کے لوکاں وِچ مسِیح دی منادی کرن لگّا۔

اعمال 9:31

تَد سارے یہُودیہ تے گلِیل تے سامریہ وِچ کلِیسیا سُکھ پایا۔ تے ترقی کر دی جاندی سی۔ تے خُداوند دے خَوف تے پاک رُوح دی تسلّی اُتّے چَلدی تے وَدّھدِی جاندی سی۔

رُومِیوں 1:32

اوہ بھانویں خُدا دا حُکم جان دے نیں۔ پئی اجیہے کمّ کرن والے مَوت دے لائق نیں فیر وی نِرے اوہ آپ ای ایہہ کمّ نئیں کر دے پر کرن والیاں نال راضی وی ہوندے نیں۔

فِلِپّیوں 1:12

تے بھراؤ! مَیں تُہانوں دسنا چاہناں آں پئی جو کُجھ میرے اُتّے بِیتیا اوہ خُوشخبری دی ترقی ای دا سبّب بنیا۔

عِبرانیوں 11:27

اِیمان دی راہِیں اوس بادشاہ دے غُصّے دا ڈر نا کِیتا تے مِصر نُوں چھڈ دِتّا ایس لئی پئی اوہ اینج پکّے پَیر رہیا جیویں اوہ اَن ڈِٹھ نُوں پیا ویکھدا اے۔