اعمال 7:52 - پنجابی نواں عہد نامہ نظرثانی شدہ چھپائی

⁵² نبیاں وِچوں تُہاڈے وڈّیاں کِنوں نئیں ستایا؟ ہاں اوہناں اوہناں نُوں مار وی چھڈیا جِنہاں اوس راستباز دے آؤن دی خبر اگّوں دِتّی۔ اوہدے ہُن تُسی پھڑان والے تے قتل کرن والے وی بنے ہو۔

اعمال 7:52 ပူးပေါင်းရင်းမြစ်များ

متّی 5:12

خُوش ہو تے چھالاں مارو کیوں جو اسمان وِچ تُہاڈا بدلہ بڑا اے۔ ایس کر کے پئی اوہناں پیغمبراں نُوں جیہڑے تُہاڈے توں اگّے سن ایسے طرح ستایا سی۔

لُوقا 6:23

اوس دِن خُوشی کرنا تے چھالاں مارنا ایس لئی پئی اسمان اُتّے تُہاڈا بڑا اَجر اے۔ کیوں جو نبیاں نال اوہناں دے وَڈّھے ایسے طرح کر دے سن۔

یُوحنّا 16:10

نیکی دی بابت ایس لئی پئی مَیں باپ کول جاناں آں تے تُسی مَینُوں فیر نا ویکھو گے۔

اعمال 2:23

جد خُدا دے ٹھہرائے ہوئے انتظام تے غَیب دے عِلم نال اوہ پھڑایا گیا۔ تُساں غیر شرِعاں دے۔ ہتھّوں کِل ٹُھکّاکے مروا دِتّا۔

اعمال 22:14

تے اوس آکھیا۔ ساڈے پئیو دادیاں دے خُدا تینُوں مُقرّر کِیتا اے پئی تُوں اوہدی مرضی نُوں جانیں۔ تے اوس نیک نُوں ویکھیں تے اوہدے مُنھ دی اواز سُنیں۔

اعمال 3:18

پر جیہڑیاں گلّاں دی خبر خُدا ساریاں نبیاں دی زبانی پہلوں ای دِتّی سی پئی اوہدا مسِیح دُکھ چُکے گا۔ اوس ایویں پُوریاں کِیتیاں۔

اعمال 3:24

تے سموئیل توں لے کے تے اوہدے مگروں آؤن والیاں سارے نبیاں نیں جِنہاں کلام کِیتا اے ایہناں دِناں دی خبر دِتّی۔

اعمال 4:10

تاں تُہانوں سبھناں نُوں تے اِسرائیل دی ساری قوم نُوں معلُوم ہوئے۔ پئی یِسُوع مسِیح ناصری دے ناں اُتّے جِہنُوں تُساں صلِیب دِتّی تے خُدا نے اوہنوں مُردیاں وِچوں جوالیا۔ اوہدے ناں اُتّے تُہاڈے سامھنے ایہہ بندہ بھلا چَنگا کھلوتا اے۔

۱-تھِسّلُنِیکوں 2:15

جِنہاں خُداوند یِسُوع مسِیح تے نبیاں نُوں وی مار سُٹّیا تے سانُوں دھکّے مار کے باہر کڈھ چھڈیا۔ اوہ خُدا نُوں پسند نئیں۔ تے سارے بندیاں دے برخلاف نیں۔

۲-تِیمُتِھیُس 3:4

دغاباز۔ ڈِھیٹھ۔ گُھمنّڈی۔ خُدا نالوں دُنیا دِیاں خُوشیاں نُوں بُہتا پسند کرن والے ہون گے۔

۱-پطرس 1:11

اوہ ایس گلّ دی چھان بِین کر دے سن پئی مسِیح دا رُوح جیہڑا اوہناں وِچ سی۔ اوہنے اگیتریاں مسِیح دی تکلیفاں دی خبر دِتّی تے اوس جلال دی وی جیہڑا اوہناں توں پِچّھے آؤن والا سی۔ کیہڑے یا کہیو جِہے ویلے دی گلّ دا ذِکر کر دا سی۔

۱-یُوحنّا 2:1

بچّیو! ایہہ گلّاں مَیں تُہانوں ایس لئی لِکھنا آں۔ پئی تُسی گُناہ نا کرو۔ تے جے کوئی گُناہ کرے تے باپ دے کول ساڈا اِک مددگار رہندا اے۔ تے اوہ یِسُوع مسِیح اے جیہڑا راستباز اے۔

مُکاشفہ 19:10

تے مَیں اوہنوں سجدہ کرن لئی اوہدیاں پیراں اُتّے ڈِگّا۔ اوس مَینُوں آکھیا خبردار ایہہ نا کر۔ مَیں وی تیرے تے تیرے اوہناں بھراواں دے نال دا بندہ ہاں۔ جِنہاں دے کول یِسُوع دی گواہی اے۔ خُدا نُوں ای سجدہ کر۔ کیوں جو یِسُوع دی گواہی نبُوّت دی رُوح اے۔

مُکاشفہ 3:7

تے فِلَدِلفیہ دی کلِیسیا دے فرِشتے نُوں ایہہ لِکھ پئی۔ جیہڑا قُدُّوس تے سَچّا اے تے داؤد دی کُنجی اوہدے کول اے جِہدے کھولے ہوئے نُوں کوئی بند نئیں کر دا تے بند کِیتے ہوئے نُوں کوئی کھولدا نئیں۔ اوہ ایہہ آکھدا اے۔