اعمال 4:31 - پنجابی نواں عہد نامہ نظرثانی شدہ چھپائی

³¹ جد اوہناں دُعا منگ لئی تَد اوہ تھاں ہِل گیا جِہدے وِچ اوہ اکٹّھے ہوئے ہوئے سن۔ تے سبھو پاک رُوح نال بھر گئے۔ تے خُدا دا کلام دلیری نال سُنان لگّے۔

اعمال 4:31 ပူးပေါင်းရင်းမြစ်များ

متّی 21:22

تے سبھ کُجھ جو تُسی یقِین کر کے دُعا وِچ منگو گے۔ سو تُہانوں مِلے گا۔

یُوحنّا 14:12

مَیں تُہانوں سَچ سَچ آکھنا آں پئی اوہ جیہڑا میرے اُتّے اِیمان لیاؤندا اے جیہڑے کمّ مَیں کرنا آں اوہ وی کرے گا۔ تے ایہناں نالوں وی وڈّے کرے گا کیوں جو مَیں باپ کول جاناں آں۔

یُوحنّا 15:16

تُساں مَینُوں نئیں چُنیا پر مَیں تُہانوں چُنیا تے تُہانوں مُقرّر کِیتا۔ پئی تُسی جاؤ تے پَھل لیاؤ تے تُہاڈا پَھل قیم رہے تاں جو تُسی باپ کولوں میرے ناں اُتّے جو کُجھ منگو گے اوہ تُہانوں دیوے۔

یُوحنّا 15:7

جے تُسی میرے وِچ رہو تے میرِیاں گلّاں تُہاڈے وِچ رہن۔ تاں جو چاہو منگو تے اوہ تُہاڈے لئی ہوئے گا۔

اعمال 14:3

سو اوہناں اوس تھاں بڑا چِر لایا۔ تے خُداوند اُتّے آسرا کر کے دلیری نال کلام سُناندے رہے۔ تے اوہ اوہناں دی ہتّھِیں نشانِیاں تے کراماتاں وکھال کے اپنے فضل دے کلام اُتّے گواہی دیندا رہیا۔

اعمال 2:1

تے جد پینتِیکُست دا دِن آگیا۔ سارے اِک تھاں اکٹّھے ہوئے۔

اعمال 2:2

تے اِک دم اسمان توں اِک اواز آئی۔ جیویں وڈّی ہنیری دی شُوکر ہوئے۔ تے سارا گھر جِتّھے اوہ بَیٹھے سن اوہدے نال بھر گیا۔

اعمال 2:4

تَد اوہ سارے پاک رُوح نال بھر گئے۔ تے اوپریاں بولیاں بولن لگّے جیویں رُوح اوہناں نُوں بولن دی طاقت دِتّی۔

اعمال 4:13

جدوں اوہناں پطرس تے یُوحنّا دی دلیری ویکھی۔ تے جانیا پئی ایہہ اَن پڑھ تے مُورکھ نیں۔ تے تعجُّب کِیتا تے اوہناں نُوں پِچھانیا پئی اوہ یِسُوع دے نال سن۔

اعمال 4:29

تے ہُن اَے خُداوند ایہناں دِیاں دھمکیاں نُوں ویکھ تے اپنے بندیاں نُوں ایہہ ہِمّت دے پئی بڑی دلیری نال تیرا کلام سُناؤن۔

فِلِپّیوں 1:14

تے جیہڑے خُداوند وِچ بھرا نیں کئی میرے قید ہون دے سببّوں دلیر ہو کے بے دھڑک خُدا دا کلام سُنان وِچ وَدّھ کے حَوصلہ کر دے نیں۔

فِلِپّیوں 1:20

ایس لئی پئی میرے دِل دی تاہنگ تے آس ایہو ای اے پئی مَیں کِسے گلّ وِچ شرمندہ نا ہوواں سگوں پُوری دلیری صدقہ جیویں مسِیح دی وڈیائی میرے بدن دے سببّوں سدا ہوندی رہی اے اوسے طرح ہُن وی ہوئے گی۔ بھانویں مَیں مر جاواں تے بھانویں مَیں جِیوندا رہاں۔

یعقُوب 1:5

پر جے تُہاڈے وِچ کِسے نُوں دانائی دا گھاٹا ہوئے تے اوہ خُدا کولوں منگے جیہڑا ساریاں نُوں بِناں جِھڑکیاں کُھلے دِل نال دیندا اے تے اوہنوں مِل جائے گی۔