اعمال 4:3 - پنجابی نواں عہد نامہ نظرثانی شدہ چھپائی

³ تے اوہناں اُتّے ہتّھ پائے تے دُوجے دِن تِیکر قید رکھیا۔ کیوں جو اودُوں شام ہوگئی سی۔

اعمال 4:3 ပူးပေါင်းရင်းမြစ်များ

متّی 4:12

تے ایہہ سُن کے پئی یُوحنّا پھڑیا گیا اے اوہ گلِیل نُوں ٹُرپیا۔

لُوقا 22:52

تَد یِسُوع سردار کاہِناں تے ہیکل دے صُوبیداراں تے بزُرگاں نُوں جیہڑے اوہدے اُتّے چڑھ آئے سن آکھیا۔ تُسی مَینُوں چور سمجھ کے تلواراں تے ڈانگاں لے کے نِکلے ہوئے ہو؟

لُوقا 22:54

تَد اوہ اوہنوں پھڑ کے لے آئے۔ تے سردار کاہِن دے گھر وِچ لے گئے۔ تے پطرس ڈردا ڈردا مگر ٹُریا جاندا سی۔

یُوحنّا 18:12

سپاہیاں دی پلٹن تے صُوبیدار تے یہُودِیاں دے پیادیاں رَل کے یِسُوع نُوں پھڑ لیا تے اوہنوں بَنّھ لیا۔

اعمال 5:18

تے رسُولاں اُتّے ہتّھ چُکے۔ تے اوہناں نُوں عام قیدخانے دے وِچ سُٹ دِتّا۔

اعمال 6:12

تے اوہناں لوکاں تے بزُرگاں تے فقِیہاں نُوں اُبھاریا۔ تے اوہدے اُتّے چڑھ آئے۔ تے اوہنوں پھڑ کے پنچایت وِچ لے گئے۔

اعمال 8:3

تے ساؤُل گھر گھر وڑ کے کلِیسیا دا ناس کر دا سی تے بندیاں تے زنانِیاں نُوں گھسِیٹ کے قید وِچ پواندا سی۔

اعمال 9:2

اوہدے توں دمِشق دیاں عبادت خانیاں دے ناں اُتّے ایس مضمُون دِیاں چِٹّھیاں منگِیاں پئی جے ایس طریقے دے کوئی بندے مِلن بھانویں بندے بھانویں زنانِیاں ہون۔ تے اوہناں نُوں یرُوشلِیم وِچ بَنّھ کے لے آواں۔