اعمال 4:13 - پنجابی نواں عہد نامہ نظرثانی شدہ چھپائی

¹³ جدوں اوہناں پطرس تے یُوحنّا دی دلیری ویکھی۔ تے جانیا پئی ایہہ اَن پڑھ تے مُورکھ نیں۔ تے تعجُّب کِیتا تے اوہناں نُوں پِچھانیا پئی اوہ یِسُوع دے نال سن۔

اعمال 4:13 ပူးပေါင်းရင်းမြစ်များ

متّی 11:25

اوس ویلے یِسُوع نے جواب وِچ آکھیا۔ اَے باپ اسمان تے زمین دے خُداوند مَیں تیری وڈیائی کرنا آں پئی تُوں ایہناں گلّاں نُوں داناواں تے سیانیاں توں لُکایا۔ تے اَنجانیاں اُتّے ظاہر کِیتا۔

متّی 26:71

تے جد اوہ باہر ڈیوڑھی وِچ گیا تاں دُوجی اوہنوں ویکھیا۔ تے اوہ اوہناں نُوں جیہڑے اوتھے سن آکھن لگّی ایہہ وی یِسُوع ناصری دے نال سی۔

متّی 26:73

تے تھوڑے چِر پِچّھوں اوہناں نیں جیہڑے اوتھے کھلوتے سن پطرس دے کول جا کے آکھیا ٹھیک تُوں وی اوہناں وِچوں ایں۔ تیری بولی پئی دسدی اے۔

لُوقا 22:8

تے اوس پطرس تے یُوحنّا نُوں ایہہ آکھ کے گھلّیا۔ پئی جا کے ساڈے لئی فسح تیار کرو۔ پئی اسی کھائیے۔

یُوحنّا 19:26

سو یِسُوع اپنی ماں نُوں تے نالے اوس شاگِرد نُوں جِہنُوں پیار کر دا سی کول کھلوتا ہویا ویکھ کے اپنی ماں نُوں آکھیا بی بی ایہہ تیرا پُتر اے۔

یُوحنّا 7:15

ایس واسطے یہُودِیاں تعجُّب کر کے آکھیا پئی ایس بندے نُوں بِناں سِکھیاں نوِشتیاں دا عِلم کِتّھوں آیا؟

یُوحنّا 7:49

پر اوہ عام لوک جیہڑے شریعت نُوں نئیں جان دے لعنتی نیں۔

اعمال 4:14

تے اوس بندے نُوں جیہڑا چَنگا ہویا سی اوہناں دے نال کھلوتیاں ویکھ کے کُجھ خلاف نا آکھ سکے۔

اعمال 4:19

پر پطرس تے یُوحنّا اوہناں نُوں آکھیا۔ تُسی آپ انصاف کرو۔ پئی خُدا دے اگّے ایہہ ٹھیک اے۔ پئی اسی خُدا دی گلّ نالوں وَدّھ تُہاڈی گلّ سُنئے؟

اعمال 4:29

تے ہُن اَے خُداوند ایہناں دِیاں دھمکیاں نُوں ویکھ تے اپنے بندیاں نُوں ایہہ ہِمّت دے پئی بڑی دلیری نال تیرا کلام سُناؤن۔

اعمال 4:31

جد اوہناں دُعا منگ لئی تَد اوہ تھاں ہِل گیا جِہدے وِچ اوہ اکٹّھے ہوئے ہوئے سن۔ تے سبھو پاک رُوح نال بھر گئے۔ تے خُدا دا کلام دلیری نال سُنان لگّے۔

اعمال 9:27

پر برنباس اوہنوں لے کے رسُولاں دے کول اپڑا دِتّا۔ تے اوہناں نُوں دسیا پئی اوہنے راہ وِچ خُداوند نُوں کِیویں ویکھیا سی تے خُداوند اوہدے نال گلّاں کِیتیاں۔ تے کِس طرح دمِشق وِچ یِسُوع دے ناں اُتّے اوس دلیری نال کلام سُنایا سی۔

اعمال 9:28

تے اوہ اوہناں نال یرُوشلِیم وِچ اندر باہر آؤندا جاندا رہیا۔

۱-کُرِنتھِیوں 1:27

سگوں خُدا نے دُنیا دے مُورکھاں نُوں چُن لیا۔ پئی حکیماں نُوں شرمندیاں کرے۔

۱-کُرِنتھِیوں 14:25

تے اوہدے دِل دے بھیت ظاہر ہو جان گے تے اوہ مُنھ پرنیں ڈِگّ کے خُدا نُوں سجدہ کرے گا۔ تے اوہ اِقرار کرے گا۔ پئی بے شک خُدا تُہاڈے وِچ اے۔

۲-کُرِنتھِیوں 3:12

سو اسی اجیہی آس کر کے بڑی دلیری نال بولنے آں۔