اعمال 3:25 - پنجابی نواں عہد نامہ نظرثانی شدہ چھپائی

²⁵ تُسی نبیاں دی اولاد ہو۔ تے اوس عہد دے سانجھی جیہڑا خُدا تُہاڈے پئیو دادیاں نال کِیتا۔ جد ابرہام نُوں ایہہ آکھیا۔ پئی تیری نسل توں دُنیا دے سارے گھرانیاں نُوں برکت مِلے گی۔

اعمال 3:25 ပူးပေါင်းရင်းမြစ်များ

لُوقا 1:72

تاں جو ساڈھے پئیو دادیاں اُتّے رَحم کرے تے اپنے پاک عہد نُوں یاد رکھّے۔

اعمال 13:26

بھراؤ۔ ابرہام دئیو پُترو۔ تے تُہاڈے وِچوں جِنّے خُدا توں ڈردے ہو۔ ساڈے لئی ایس نجات دا کلام گھلّیا گیا اے۔

اعمال 2:39

کیوں جو ایہہ وعدہ تُہاڈے نال تے تُہاڈی اولاد نال اے تے اوہناں سبھناں نال وی جیہڑے دُراڈے نیں جِنہاں نُوں خُداوند ساڈا خُدا اپنے کول سَدّے گا۔

رُومِیوں 15:8

کیوں جو مَیں آکھنا آں پئی خُدا دی سچیائی ثابت کرن لئی ایس کر کے مسِیح سُنتی بہن والیاں دا خادم کِیتا گیا۔ تاں جو اوہناں وعدیاں نُوں۔ جیہڑے پئیو دادیاں نال کِیتے گئے سن۔ پَکیّاں کرے۔

رُومِیوں 4:13

کیوں جو ایہہ وعدہ پئی دُنیا تیری وِرثہ اے شریعت دی راہِیں ابرہام یا اوہدی نسل نال نئیں سی کِیتا گیا پر اِیمان دی راستبازی دی راہِیں کِیتا گیا۔

گلتِیوں 3:16

ہُن ابرہام تے اوہدی نسل نال وعدے کِیتے گئے اوہ ایہہ نئیں آکھدا پئی تیریاں نسلاں نال جِیکن چوکھیاں نیں۔ سگوں تیری نسل نال جیویں اِک نال تے اوہ مسِیح اے۔

گلتِیوں 3:29

تے جے تُسی مسِیح دے ہو۔ تے ابرہام دی نسل یعنی وعدے دے سببّوں وارث ہو۔

گلتِیوں 3:8

تے پاک کتاب نے پہلاں ای ایہہ جان کے پئی خُدا غیر قوماں نُوں اِیمان دی راہِیں راست باز ٹھہرائے گا ابرہام نُوں اگیتری ایہہ خُوشخبری سُنا دِتّی۔ پئی سارِیاں قوماں تیرے وِچ برکتاں پان گِئیاں۔

مُکاشفہ 14:6

فیر مَیں اِک ہور فرِشتے نُوں اسمان دے وِچ اُڈدیاں ہویاں ویکھیا جِہدے کول زمین دے رہن والیاں دی ہر اِک قوم تے گھرانے تے اہلِ زبان تے اُمّت دے سُنان لئی ہمیشہ دی خُوشخبری سی۔

مُکاشفہ 5:9

تے اوہ نواں گِیت گاؤن لگّے پئی تُوں ای اوس کتاب دے لین تے اوہدیاں مُہراں توڑن دے لائق ایں۔ کیوں جو تُوں ہلال ہو کے اپنے خُون توں ساریاں گھرانیاں تے زبان والیاں تے اُمّتاں تے قوماں وِچوں خُدا دے لئی لوکاں نُوں مُل لیا۔

مُکاشفہ 7:9

اوہناں گلّاں دے پِچّھوں مَیں دھیان کِیتا۔ تے کِیہ ویکھنا آں پئی ہر اِک قوم تے گھرانے تے اُمّت تے اہلِ زبان دی اِک ایڈی وڈّی بِھیڑ جِہنُوں کوئی گِن نئیں سکدا چِٹّے کپڑے پا کے تے کھجور دِیاں ٹہنِیاں اپنیاں ہتّھاں وِچ لے کے تخت تے لیلے دے اگّے کھلوتی اے۔