اعمال 3:22 - پنجابی نواں عہد نامہ نظرثانی شدہ چھپائی

²² مُوسیٰ نے آکھیا سی پئی خُداوند خُدا تُہاڈے بھراواں وِچوں اِک نبی میرے جِہیا کھڑا کرے گا۔ جو کُجھ اوہ تُہانوں آکھے سارے سُنو۔

اعمال 3:22 ပူးပေါင်းရင်းမြစ်များ

متّی 21:11

تے بِھیڑ آکھن لگّی۔ ایہہ اوہ نبی اے یِسُوع گلِیل دے ناصرۃ دا۔

لُوقا 13:33

پر مَینُوں ضرُور اے۔ پئی اَج تے بھلکے تے پرسوں اپنی راہ ٹُراں۔ کیوں جو ہو نئیں سکدا۔ پئی نبی یرُوشلِیم توں باہر ماریا جائے۔

لُوقا 24:19

تے اوس اوہناں نُوں آکھیا کِیہ ورتیا ہے؟ اوہناں اوہنوں آکھیا یِسُوع ناصری دی بابت جیہڑا خُدا تے ساری قوم دے اگّے کمّ تے کلام وِچ قُدرت والا نبی سی۔

یُوحنّا 1:17

کیوں جو شریعت مُوسیٰ دی راہِیں دِتّی گئی سی۔ پر فضل تے سچیائی یِسُوع مسِیح دی راہِیں آئی۔

یُوحنّا 12:46

مَیں دُنیا وِچ چانن ہو کے آیا آں تاں جو جیہڑا کوئی میرے اُتّے اِیمان لیاؤندا اے۔ ہنیرے وِچ نا رہے۔

یُوحنّا 5:24

مَیں تُہانوں سَچ سَچ آکھنا آں پئی اوہ جیہڑا میرا کلام سُندا اے تے اوہدے اُتّے جِس مَینُوں گھلّیا اے اِیمان لیاؤندا اے سدا دی زِندگی اوہدی اے۔ تے اوہ عدالت وِچ نئیں آؤندا سگوں مَوت توں لنگھ کے اوہ زِندگی وِچ جا اَپڑیا اے۔

یُوحنّا 8:12

تَد یِسُوع فیر اوہناں نُوں آکھیا۔ دُنیا دا چانن مَیں آں۔ اوہ جیہڑا میرے مگر آؤندا اے ہنیرے وِچ نئیں ٹُرے گا سگوں اوہنوں زِندگی دا چانن مِلے گا۔

اعمال 7:37

ایہہ اوہو مُوسیٰ اے جِس بنی اِسرائیل نُوں آکھیا۔ پئی خُدا تُہاڈے بھراواں وِچوں تُہاڈے لئی میرے جِہیا اِک نبی کھلا کرے گا۔

رُومِیوں 8:3

ایس لئی پئی جیہڑی گلّ جِسم دی کمزوری دے سببّوں شریعت توں نا ہو سکی۔ خُدا اپنے ای پُتر نُوں گُناہی جِسم دی صُورت وِچ تے گُناہ دی قُربانی لئی گھل کے جِسم وِچ گُناہ دی سزا دا حُکم کِیتا۔

رُومِیوں 9:5

بزُرگ اوہناں دے نیں۔ نالے مسِیح جِسم ولّوں اوہناں وِچوں ہویا جیہڑا سبھناں توں اُچّا خُدا سدا توڑی مُبارک اے آمِین۔

گلتِیوں 4:4

پر جدوں پُورا ویلا آ گیا خُدا اپنے پُتر نُوں گھلّیا جیہڑا عورت توں جمّیا۔ تے جنم توں شریعت دا ہٹھارُو بنیا۔

عِبرانیوں 2:1

ایس لئی چاہیدا اے۔ پئی اوہناں گلّاں اُتّے جیہڑیاں اساں سُنیاں نیں ہور وی دِل لاکے دھیان کریئے۔ متے اوہناں توں رُڑھ کے دُور نا لگے جائیے۔

عِبرانیوں 5:9

تے کامِل بن کے اوہناں لئی جیہڑے اوہدے آکھے لگدے نیں سدا دی نجات دا سبّب ہویا۔

مُکاشفہ 1:1

یِسُوع مسِیح دا مُکاشفہ جیہڑا اوہنوں خُدا ولّوں ایس لئی ہویا۔ پئی اپنے بندیاں نُوں اوہ گلّاں وکھائے جیہڑیاں چھیتی ہون والیاں نیں۔ تے اوس اپنے فرِشتے نُوں گھلّیا۔ پئی اوہدی راہِیں اوہناں نُوں اپنے بندے یُوحنّا اُتّے ظاہر کرے۔