اعمال 3:19 - پنجابی نواں عہد نامہ نظرثانی شدہ چھپائی

¹⁹ سو تَوبہ کرو تے پِھرو تاں جو تُہاڈے گُناہ مٹائے جان۔ تے جد خُداوند دی درگاہوں خُوشحالی دے دِن آؤن۔

اعمال 3:19 ပူးပေါင်းရင်းမြစ်များ

متّی 13:15

کیوں جو ایس قوم دا دِل موٹا ہوگیا اے۔ تے کنّاں توں اوہ اُچّا سُندے نیں تے اوہناں اپنیاں اَکھّیاں مِیٹ لئیاں نیں۔ کِتے ایہہ نا ہوئے پئی اَکھّیاں نال ویکھن تے کنّاں نال سُنن تے دِل نال سمجھن تے پرت آؤن تے مَیں اوہناں نُوں ولّ کر دیاں۔

متّی 18:3

تے آکھیا مَیں تُہانوں سَچ آکھنا آں پئی جے تُسی نا مُڑو تے بچّیاں وانگُوں نا بنو تُسی اسمان دی بادشاہی وِچ کدی نا وڑو گے۔

لُوقا 1:16

تے اِسرائیل دی اولاد وِچوں بتھیریاں نُوں خُداوند اوہناں دے خُدا ولّ موڑے گا۔

لُوقا 22:57

پر اوہ مُکّر گیا تے آکھیا اَے بی بی مَیں اوہنوں نئیں جان دا۔

اعمال 1:6

سو اوہناں اکٹّھے ہو کے اوہدے کولوں ایہہ پُچھیا۔ پئی اَے خُداوند تُوں ایسے ویلے اِسرائیل نُوں بادشاہی فیر دیویں گا؟

اعمال 11:18

اوہ ایہہ سُن کے چُپ کر گئے۔ تے خُدا دی وڈیائی کر کے آکھن لگّے۔ تَد تے غیر قوماں نُوں وی خُدا زِندگی لئی تَوبہ بخشی اے۔

اعمال 11:21

تے خُداوند دا ہتّھ اوہناں دے اُتّے سی۔ تے بتھیرے لوک جیہڑے اِیمان لیائے خُداوند ولّ پِھرے۔

اعمال 15:3

سو کلِیسیا ولّوں اوہ ٹورے گئے۔ تے غیر قوماں دے اِیمان لیاؤن دا بیان کر دے ہوئے فینِیکے تے سامریہ توں لنگھ گئے۔ تے سبھناں بھراواں نُوں بُہت خُوش کِیتا۔

اعمال 17:26

تے اوس اِک ای اصل توں بندیاں دِیاں سبھناں قوماں نُوں ساری دھرتی اُتّے دسن لئی پَیدا کِیتا۔ تے اوہناں دِیاں میعاداں تے رہن دِیاں حداں ٹھہرائیاں۔

اعمال 2:38

تَد پطرس اوہناں نُوں آکھیا۔ تَوبہ کرو۔ تے تُہاڈے وِچوں ہر اِک اپنے گُناہاں دی مُعافی لئی یِسُوع مسِیح دے ناں اُتّے بپتِسمہ لے لَئے۔ تاں پاک رُوح تُہانوں اِنعام وِچ مِلے گا۔

اعمال 28:27

کیوں جو ایس قوم دا دِل موٹا ہو گیا اے۔ تے اوہناں دے کنّ اُچّے سُندے نیں تے اپنیاں اَکھّیاں اوہناں مِیٹِیاں ہویاں نیں۔ کِتے اجیہا نا ہوئے پئی اوہ اپنیاں اَکھّیاں نال پہچانن۔ تے اپنے کنّاں نال سُنن۔ تے دِل نال سمجھن۔ تے مُڑ جان۔ تے مَیں اوہناں نُوں ولّ کراں۔

اعمال 3:20

تے اوہ مسِیح یِسُوع نُوں گھلّے۔ جیہڑا تُہاڈے لئی مُقرّر کِیتا گیا

اعمال 3:21

ایہہ ضرُوری اے پئی اوہ اسمان وِچ اودُوں تِیکر رہے جد تِیکر سارِیاں شیواں بحال نا کِیتیاں جان جِنہاں دا ذِکر خُدا نے مُڈھوں اپنے پاک نبیاں دی زبانی کِیتا۔

رُومِیوں 11:25

بھراؤ کِتے اجیہا نا ہوئے پئی تُسی اپنے آپ نُوں سِیانے سمجھو۔ مَیں نئیں چاہندا۔ پئی تُسی ایس بھید توں ناواقِف رہو۔ پئی اِسرائیل دے اِک حِصّے اُتّے۔ جد تِیکر غیر قوماں دی بھرتی پُوری نا ہوئے۔ سخت دِلی آگئی اے۔

۲-تھِسّلُنِیکوں 1:10

ایہہ اوس دِن ہوئے گا۔ جدوں اوہ اپنے پاک لوکاں وِچ جلال پان تے ساریاں اِیمان لیاؤن والیاں لئی اچرج دسن لئی آوے گا۔ کیوں جو تُساں ساڈی گواہی اُتّے اِیمان لیاندا۔

۲-تھِسّلُنِیکوں 1:7

تے تُہانوں دُکھ سہن والیاں نُوں ساڈے نال آرام دیوے۔ اوس ویلے جدوں خُداوند یِسُوع اپنیاں زوراور فرِشتیاں نال مُچّی ہوئی اَگ وِچ اسمانوں ظاہر ہوئے گا۔

۲-تِیمُتِھیُس 2:25

تے مخالفت کرن والیاں نُوں حلِیمی نال تعلِیم دے۔ شاید خُدا اوہناں نُوں تَوبہ دی طاقت بخشے پئی اوہ سچیائی نُوں جانن۔

عِبرانیوں 4:1

فیر جد اوہدے آرام وِچ وڑن دا وعدہ باقی اے۔ تے سانُوں ڈرنا چاہیدا اے۔ پئی تُہاڈے وِچوں کوئی پِچّھے رہیا ہویا معلُوم نا ہوئے۔

۱-پطرس 2:25

کیوں جو پہلاں تُسی بھیڈاں وانگر بُھلّے پِھردے سو۔ پر ہُن اپنیاں رُوحاں دے ایّالی تے نِگہبان دے کول فیر آ گئے ہو۔

۲-پطرس 3:8

پیاریو! ایہہ گلّ نا بُھلو۔ پئی خُداوند دے اگّے اِک دِن ہزار ورھے جِہیا اے۔ تے ہزار وَرھا اِک دِن جِہیا اے۔

مُکاشفہ 21:4

تے اوہ اوہناں دِیاں اَکھّیاں دے سارے اتھرُو پُونجھے گا۔ ایہدے پِچّھوں مَوت نا رہے گی تے نا ماتم رہے گا۔ تے نا رونا۔ نا پِیڑ۔ پہلیاں شیواں جاندِیاں رہیاں۔