اعمال 3:18 - پنجابی نواں عہد نامہ نظرثانی شدہ چھپائی

¹⁸ پر جیہڑیاں گلّاں دی خبر خُدا ساریاں نبیاں دی زبانی پہلوں ای دِتّی سی پئی اوہدا مسِیح دُکھ چُکے گا۔ اوس ایویں پُوریاں کِیتیاں۔

اعمال 3:18 ပူးပေါင်းရင်းမြစ်များ

لُوقا 24:44

تَد اوس اوہناں نُوں آکھیا ایہہ میرِیاں اوہ گلّاں نیں جیہڑیاں تُہاڈے نال ہوندیاں ہویاں مَیں تُہانوں آکھیاں پئی اوہناں سبھناں گلّاں دا پُورا ہونا ضرُور اے۔ جیہڑیاں مُوسیٰ دی توریت تے نبیاں دِیاں کِتاباں تے زبُوراں وِچ میری بارے لِکھیاں ہویاں نیں۔

اعمال 10:43

سارے نبی اوہدے اُتّے گواہی دیندے نیں۔ پئی جو کوئی اوہدے اُتّے اِیمان لیاوے۔ اوہدے ناں اُتّے اپنے گُناہاں دی مُعافی پاوے گا۔

اعمال 2:23

جد خُدا دے ٹھہرائے ہوئے انتظام تے غَیب دے عِلم نال اوہ پھڑایا گیا۔ تُساں غیر شرِعاں دے۔ ہتھّوں کِل ٹُھکّاکے مروا دِتّا۔

اعمال 28:23

تے جد اوہناں اوہدے لئی اِک دِن مُقرّر کِیتا۔ بتھیرے اوہدے ڈیرے اُتّے اوہدے کول آئے اوہناں نُوں اوس کھول کے سکھالیا تے خُدا دی بادشاہی دی گواہی دِتّی تے سویرے توں لے کے شام تِیکر مُوسیٰ دی توریت تے نبیاں دِیاں کِتاباں وِچوں یِسُوع دی بابت دلِیلاں کڈھ کے دسیاں۔

۲-پطرس 1:21

کیوں جو کوئی نبُوّت بندیاں دی مرضی نال نئیں ہوئی سگوں بندے پاک رُوح دی جُنبش نال خُدا ولّوں بولدے سن۔

مُکاشفہ 19:10

تے مَیں اوہنوں سجدہ کرن لئی اوہدیاں پیراں اُتّے ڈِگّا۔ اوس مَینُوں آکھیا خبردار ایہہ نا کر۔ مَیں وی تیرے تے تیرے اوہناں بھراواں دے نال دا بندہ ہاں۔ جِنہاں دے کول یِسُوع دی گواہی اے۔ خُدا نُوں ای سجدہ کر۔ کیوں جو یِسُوع دی گواہی نبُوّت دی رُوح اے۔