اعمال 3:10 - پنجابی نواں عہد نامہ نظرثانی شدہ چھپائی

¹⁰ تے اوہنوں پچھان لیا۔ پئی ایہہ اوہ اے جیہڑا ہیکل دے سوہنے بُوہے اُتّے خَیرات منگن نُوں بہایا جاندا سی تے اوہ اوس حال توں جیہڑا اوہدے اُتّے گُذریا سی بُہت حَیران ہو کے ہکّے بکّے ہوگئے۔

اعمال 3:10 ပူးပေါင်းရင်းမြစ်များ

متّی 14:35

تے اوس تھاں دے لوکاں اوہنوں سِہان کے اوس سارے علاقے وِچ اکھوا گھلّیا۔ تے ساریاں روگِیاں نُوں اوہدے کول لیاندا۔

لُوقا 4:36

تے ساریاں نُوں حَیرانی ہوئی تے اوہ آپو وِچ ایہہ آکھن لگّے ایہہ کیہو جِہیا کلام اے پئی اوہ اختیار تے قُدرت نال پلِیت رُوحاں اُتّے حُکم کر دا اے تے اوہ نِکل جاندِیاں نیں؟

لُوقا 9:43

تے سارے خُدا دی شان توں حَیران ہوئے۔ پر جد سارے لوک اوہناں ساریاں کمّاں ولّوں جیہڑے اوس کِیتے حَیران ہوندے سن۔ اوس اپنے شاگِرداں نُوں آکھیا۔ پئی۔

یُوحنّا 5:20

کیوں جو باپ پُتر نُوں پیار کر دا اے تے سارے کمّ جیہڑے اوہ آپ کر دا اے اوہنوں وکھاؤندا اے۔ تے اوہ اوہناں نالوں وڈّے کمّ اوہنوں وکھا لے گا پئی تسِیں اچنبے وِچ نا پَوو۔

یُوحنّا 9:3

یِسُوع جواب دِتّا۔ گُناہ نا تے ایس کِیتا نا ایہدے ماپیاں نیں پر ایس لئی پئی خُدا دے کمّ اوہدے وِچ ظاہر ہون۔

یُوحنّا 9:8

تَد گوانڈِھیاں تے اوہناں وی جِنہاں اوہنوں بھیکھ منگدیاں ویکھیا سی آکھیا ایہہ اوہو نئیں اے جیہڑا بَیہہ کے منگدا ہوندا سی؟

اعمال 2:12

تے سارے تعجُّب کرن لگّے۔ تے گھبرائے۔ تے اِک دُوجے نُوں آکھن لگّے پئی ایہہ کِیہ ہون لگّا اے؟

اعمال 2:7

تے سارے حَیران ہون لگّے۔ تے آکھن لگّے۔ ایہہ جیہڑے بولدے نیں سارے گلِیلی نئیں؟

اعمال 3:2

تے لوک اِک جماندرُو لنگے نُوں چُک کے لئی جاندے سن تے روز اوس بُوہے اُتّے جیہڑا سوہناں اکھواؤندا اے ایس لئی بہا دیندے سن پئی ہیکل وِچ وڑن والیاں توں خَیرات منگے۔