اعمال 28:2 - پنجابی نواں عہد نامہ نظرثانی شدہ چھپائی

² تے اوس تھاں اوپرے لوکاں ساڈے اُتّے بڑی مِہربانی کِیتی۔ پئی اوہناں مینہ دی جھڑی تے پالے دے سبّب اَگ بالی۔ تے ساڈے سبھناں دی خاطر کِیتی۔

اعمال 28:2 ပူးပေါင်းရင်းမြစ်များ

متّی 10:42

تاں جو کوئی ایہناں نِکّیاں وِچوں اِک نُوں شاگِرد دے ناں اُتّے نِرا ٹھنڈے پانی دا کٹورا پِیائے مَیں تُہانوں سَچ آکھنا آں اوہ اپنا اَجر کدی نا گوائے گا۔

یُوحنّا 18:18

تے نوکر تے پیادے کولیاں دی اَگ بَھکھا کے پَے سیک دے سن کیوں جو پالا پَیندا سی۔ تے پطرس وی اوہناں دے نال کھلو کے پیا سیکدا سی۔

اعمال 27:3

تے دُوجے دِن اسی صَیدا وِچ جا لگّے۔ تے یُولِیُس نے پَولُس نال چَنگا سلُوک کر کے اوہنوں دوستاں کول جان دِتّا۔ پئی اوہدی سیوا خِدمت ہوئے۔

اعمال 28:3

جد پَولُس نے لکڑیاں کٹھِیاں کِیتیاں۔ تے اَگ اُتّے رَکھیّاں۔ تَد اِک سَپّ سیک نال نِکلیا۔ تے اوہدے ہتّھ نُوں چَمّڑ گیا۔

اعمال 28:4

جدوں اوہناں اوپریاں کِیڑے نُوں اوہدے ہتّھ نال لمکیا ہویا ویکھیا تے آپو وِچ آکھن لگّے۔ بے شک ایہہ خُونی بندہ اے۔ بھانویں سمُندروں بچ گیا۔ فیر وی انصاف اوہنوں جیون نئیں دیندا۔

رُومِیوں 1:14

مَیں یُونانِیاں تے غیر یُونانِیاں۔ داناواں تے ناداناں دا قرضئی آں۔

رُومِیوں 14:1

اوہنوں جیہڑا اِیمان وِچ کمزور اے۔ تُسی قبول تے کرو۔ پر شک شُبہ دے جھگڑیاں لئی نئیں۔

رُومِیوں 14:3

تے جیہڑا کھان والا اے اوہ اوہنوں جیہڑا نئیں کھاندا۔ ماڑیاں نا جانے۔ تے جیہڑا نئیں کھاندا اوہ کھان والے اُتّے عیب نا لاوے کیوں جو خُدا اوہنوں قبول کِیتا اے۔

رُومِیوں 2:27

تے جیہڑے اُنج بیٹھے ای نئیں۔ جے شریعت نُوں مَنّن اوہ تینُوں جیہڑا سگوں سُنتی بَہہ کے تے کلام نُوں کول رکھ کے شریعت دا ٹالن والا ایں گُناہی نا ٹھہران گے؟

۱-کُرِنتھِیوں 14:11

سو جے مَیں کِسے بولی دے معنے نا سمجھاں تے بولن والے دے بھانے مَیں اوپرا ٹھہراں گا۔ تے بولن والا میرے بھانے اوپرا ہوئے گا۔

۲-کُرِنتھِیوں 11:27

محنت تے مُشقّت وِچ۔ کئی واری جاگدیاں رہن۔ بُھکھ تے تَریہہ دی مُصِیبت وِچ۔ کئی واری فاقے وِچ۔ پالے تے ننگے رہن دی حالت وِچ رہیا آں۔

کُلُسِّیوں 3:11

اوتھے نا یُونانی رہیا نا یہُودی نا سُنتی بَیٹھے ہوئے نا بَیٹھے ہوئے نا وحشی نا سکُوتی نا غلام نا اَزاد نِرا مسِیح سبھ کُجھ تے ساریاں وِچ اے۔

عِبرانیوں 13:2

مُسافراں دی خاطر تواضع کرنا نا بُھلو کیوں جو اینج کئیاں پچھانے بِناں فرِشتیاں نُوں اپنے گھر رکھیا۔