اعمال 27:3 - پنجابی نواں عہد نامہ نظرثانی شدہ چھپائی

³ تے دُوجے دِن اسی صَیدا وِچ جا لگّے۔ تے یُولِیُس نے پَولُس نال چَنگا سلُوک کر کے اوہنوں دوستاں کول جان دِتّا۔ پئی اوہدی سیوا خِدمت ہوئے۔

اعمال 27:3 ပူးပေါင်းရင်းမြစ်များ

متّی 11:21

ہائے تینُوں خُرازِین ہائے تینُوں بَیت صَیدا۔ کیوں جو اوہ کراماتاں جیہڑیاں تُہاڈے وِچ ہویاں سن جیکر صُور تے صَیدا وِچ ہوندیاں تے ترپّڑ پا کے تے سواہ وِچ بَیہہ کے اوہ کدوں دی تَوبہ کر لَیندے۔

اعمال 12:20

تے صُور تے صَیدا دے لوکاں نال ہیرودیس بُہت ناراض سی۔ تے اِک دِل ہو کے اوہ اوہدے کول آئے تے بلَستُس نال مَیل کر کے صُلح صفائی کرنی چاہی۔ کیوں جو اوہناں دے مُلک نُوں بادشاہ دے مُلک توں رسد دِیاں شیواں آؤندیاں سن۔

اعمال 24:23

تے اوس صُوبیدار نُوں حُکم دِتّا۔ پئی پَولُس دی راکھی کر۔ تے اوہنوں سُکھ نال رکھ۔ تے اوہدے دوستاں وِچوں کِسے نُوں اوہدی سیوا کرن توں نا روک۔

اعمال 27:1

تے جدوں فیصلہ ہوگیا۔ پئی اسی جہاز اُتّے اِطالِیہ نُوں جائیے اوہناں پَولُس تے ہور قیدِیاں نُوں یُولِیُس کر کے شہنشاہی پلٹن دے اِک صُوبیدار دے حوالے کِیتا۔

اعمال 27:43

پر صُوبیدار پَولُس نُوں بچانا چاہندا سی تے اوہناں نُوں اوس اِرادے توں ڈکیا۔ تے حُکم دِتّا پئی جیہڑے جیہڑے تَر سکدے نیں سو جہاز توں چھال مار کے پہلاں زمین اُتّے جا لگّن۔

اعمال 28:16

تے جدوں اسی رُومہ وِچ اَپڑے پَولُس نُوں ایہہ اجازت مِلی۔ پئی اوس سپاہی نال اکلّا رہے جیہڑا اوہدی راکھی کر دا سی۔