اعمال 26:18 - پنجابی نواں عہد نامہ نظرثانی شدہ چھپائی

¹⁸ پئی تُوں اوہناں دِیاں اَکھّیاں کھولیں۔ تاں جو اوہ ہنیریوں چانن ولّ۔ تے شیطان دے وَس توں خُدا ولّ مُڑن پئی گُناہاں دی مُعافی لین۔ تے اوہناں لوکاں وِچ جیہڑے میرے اُتّے اِیمان رکھن نال پاک ہوئے نیں وِرثہ لین۔

اعمال 26:18 ပူးပေါင်းရင်းမြစ်များ

متّی 4:10

تَد یِسُوع اوہنوں آکھیا اَے شیطان دُراڈے ہو جا۔ کیوں جو لِکھیا ہویا ایہہ پئی تُوں خُداوند اپنے خُدا نُوں سجدہ کر۔ تے نِری اوسے دی بندگی کر۔

متّی 4:16

اوہناں لوکاں جیہڑے ہنیرے وِچ بَیٹھے ہوئے سن بڑا چانن ویکھیا تے مَوت دے دیس تے چھاں وِچ بَیٹھیاں ہویاں اُتّے چانن چمکیا۔

لُوقا 1:77

تاں جو اوہدے لوکاں نُوں نجات دا عِلم دیویں۔ جیہڑی اوہناں نُوں گُناہ دی مُعافی توں مِلے۔

لُوقا 1:79

تاں جو اوہناں نُوں چانن دیوے جیہڑے ہنیرے تے مَوت دے پر چھاویں وِچ بَیٹھے ہوئے نیں۔ تے ساڈے قدماں نُوں سلامتی دی راہ پائے۔

لُوقا 2:32

غیر قوماں واسطے معرفتی نُور تے تیری اُمّت اِسرائیل دا جلال۔

لُوقا 24:45

تَد اوس اوہناں دا ذہن کھول دِتّا۔ پئی کِتاباں نُوں سمجھ لین۔

لُوقا 24:47

تے یرُوشلِیم توں شُروع کر کے سارِیاں قوماں وِچ تَوبہ تے گُناہاں دی مُعافی دی منادی اوہدے ناں اُتّے کِیتی جائے گی۔

لُوقا 4:18

خُداوند دا رُوح میرے اُتّے اے اوس ایس کر کے مَینُوں مسَح کِیتا پئی غرِیباں نُوں خُوشخبری دیاں اوس مَینُوں گھلّیا پئی قیدِیاں نُوں چُھٹکارے دی تے اَنھیاں نُوں سُجاکھا ہون دی خبر سُناواں۔ تے مارِیاں کُٹّیاں نُوں خلاصی دیاں۔

یُوحنّا 17:17

اوہناں نُوں سچیائی دی راہِیں مُقدّس کر۔ تیرا کلام سچیائی اے۔

یُوحنّا 3:19

تے عدالت ایہی اے۔ پئی چانن دُنیا وِچ آیا اے تے بندیاں ہنیرے نُوں چانن نالوں وَدّھ پیار کِیتا ایس کر کے پئی اوہناں دے کمّ بَھیڑے سن۔

یُوحنّا 4:10

یِسُوع اوہنوں آکھیا جے تُوں خُدا دی بخشِش نُوں جان دِیوں تے ایہہ وی جان دِیوں پئی اوہ کون اے جیہڑا تینُوں آکھدا اے پئی مَینُوں پانی پیا تاں تُوں اوہدے کولوں مَنگدِیوں تے اوہ تینُوں جیون دا پانی دیندا۔

یُوحنّا 4:14

پر جیہڑا اوس پانی توں پِیوے جیہڑا مَیں اوہنوں دیاں گا۔ اوہ کدی تریہایا نا ہوئے گا۔ پر جیہڑا پانی مَیں اوہنوں دیاں گا۔ اوہ اوہدے وِچ اِک چشمہ بن جاوے گا جیہڑا سدا دی زِندگی لئی وگدا رہے گا۔

یُوحنّا 8:12

تَد یِسُوع فیر اوہناں نُوں آکھیا۔ دُنیا دا چانن مَیں آں۔ اوہ جیہڑا میرے مگر آؤندا اے ہنیرے وِچ نئیں ٹُرے گا سگوں اوہنوں زِندگی دا چانن مِلے گا۔

یُوحنّا 9:39

تے یِسُوع آکھیا ایس دُنیا وِچ مَیں عدالت کرن آیا آں پئی اوہ جِنہاں نُوں نئیں دِسدا ویکھن تے جِنہاں نُوں دِسدا اے اَنھے ہو جان۔

یُوحنّا 9:5

جد تِیکر مَیں دُنیا وِچ آں مَیں دُنیا دا چانن آں۔

اعمال 10:43

سارے نبی اوہدے اُتّے گواہی دیندے نیں۔ پئی جو کوئی اوہدے اُتّے اِیمان لیاوے۔ اوہدے ناں اُتّے اپنے گُناہاں دی مُعافی پاوے گا۔

اعمال 13:47

کیوں جو خُدا سانُوں اینج حُکم دِتّا اے پئی مَیں تینُوں غیر قوماں لئی نُور ٹھہرایا۔ پئی تُوں دھرتی دی اخِیر تِیکر نجات دا سبّب ہوویں۔

اعمال 15:9

تے اوہناں دے دِل اِیمان نال پاک صاف کر کے ساڈے تے اوہناں دے وِچ کُجھ فرق نا رکھیا۔

اعمال 2:38

تَد پطرس اوہناں نُوں آکھیا۔ تَوبہ کرو۔ تے تُہاڈے وِچوں ہر اِک اپنے گُناہاں دی مُعافی لئی یِسُوع مسِیح دے ناں اُتّے بپتِسمہ لے لَئے۔ تاں پاک رُوح تُہانوں اِنعام وِچ مِلے گا۔

اعمال 20:21

تے مَیں یہُودِیاں تے یُونانِیاں دے اگّے گواہی دیندا رہیا پئی خُدا اگّے تَوبہ کرن۔ تے ساڈے خُداوند یِسُوع مسِیح اُتّے اِیمان لیاؤن۔

اعمال 20:32

تے ہُن مَیں تُہانوں خُدا تے اوہدے کرم دے کلام دے سپُرد کرنا آں۔ کیوں جو اوہدے وِچ طاقت اے۔ پئی تُہانوں وَدھاوے تے سارے پاک لوکاں دے وِچ وِرثہ بخشے۔

اعمال 26:19

ایس کر کے اَے اگرِپّا بادشاہ مَیں اوس اسمانی رویا دی نافرمانی نئیں کِیتی۔

اعمال 26:23

پئی مسِیح ضرُور دُکھ سہے گا۔ تے مُردیاں وِچوں اُٹھ کے ایس قوم نُوں تے غیر قوماں نُوں وی پہلاں اوہ ای چانن دی خبر دے گا۔

اعمال 3:19

سو تَوبہ کرو تے پِھرو تاں جو تُہاڈے گُناہ مٹائے جان۔ تے جد خُداوند دی درگاہوں خُوشحالی دے دِن آؤن۔

اعمال 5:31

اوسے نُوں خُدا مالک تے نجات دین والا مُقرّر کر کے اپنے سَجّے ہتّھ نال اُچیاں کِیتا پئی اِسرائیل نُوں تَوبہ تے گُناہاں دی مُعافی بخشے۔

رُومِیوں 8:17

تے جد بچّے ہوئے تے وارث وی یعنی وارث خُدا دے۔ تے وِرثے وِچ مسِیح نال شریک ایس شرط اُتّے پئی اسی اوہدے نال دُکھ وِچ بھوگِیئے پئی اوہدے نال سانُوں وی جلال لَبھّے۔

۱-کُرِنتھِیوں 1:2

خُدا دی اوس کلِیسیا نُوں جیہڑی کُرِنتِھس وِچ اے۔ یعنی اوہناں نُوں جیہڑے مسِیح یِسُوع دی راہِیں پاک کِیتے گئے تے پاک لوک ہون دے لئی سَدّے گئے نیں تے اوہناں ساریاں نُوں وی جیہڑے سبھنیں تھائِیں ساڈے تے اپنے خُداوند یِسُوع مسِیح دا ناں لَیندے نیں۔

۱-کُرِنتھِیوں 1:30

پر تُسی اوہدے ولّوں یِسُوع مسِیح وِچ ہو جیہڑا ساڈے لئی خُدا ولّوں حِکمت ہویا یعنی راستبازی تے پاکیزگی تے مُکتی۔

۲-کُرِنتھِیوں 4:4

یعنی اوہناں بے اِیماناں لئی جِنہاں دِیاں اَکھّیاں نُوں ایس جہان دے خُدا اَنھیاں کر دِتّا اے۔ تاں جو مسِیح جیہڑا خُدا دی صُورت اے اوہدے جلال دی خُوشخبری دا چانن اوہناں اُتّے نا پئے۔

۲-کُرِنتھِیوں 4:6

ایس لئی پئی خُدا ای اے جِس آکھیا پئی ہنیرے وِچوں نُور چمکے تے اوہو ای ساڈیاں دِلاں وِچ چمکیا۔ تاں جو خُدا دے جلال دی پچھان دا نُور یِسُوع مسِیح دے چِہرے توں چمکارا مارے۔

۲-کُرِنتھِیوں 6:14

بے اِیماناں دے نال ڈِنگی پنجالی وِچ نا جُپو۔ کیوں جو راستبازی تے بے دِینی وِچ کِیہ میل جول اے؟ یا چانن تے ہنیرے وِچ کِیہ میل اے؟

گلتِیوں 2:20

مَیں مسِیح دے نال سُولی دِتّا گیا آں ہُن مَیں جِیوندا نا رہیا۔ سگوں مسِیح میرے وِچ جِیوندا اے۔ تے مَیں جیہڑا ہُن جِسم وِچ جِیوناں آں۔ تے خُدا دے پُتر اُتّے اِیمان لیاؤن نال جِیوناں آں۔ جِس مَینُوں پیار کِیتا تے میری تھانویں اپنا آپ دے دِتّا۔

گلتِیوں 3:14

ایس کر کے پئی مسِیح یِسُوع وِچ ابرہام دی برکت غیر قوماں تِیکر وی اَپڑے۔ تے اسی اِیمان دی راہِیں اوس رُوح نُوں حاصِل کریئے جِہدا وعدہ ہویا اے۔

گلتِیوں 3:2

مَیں تُہانوں ایہی گلّ پُچھنی چاہناں آں پئی تُہانوں شریعت دیاں کمّاں پِچھّے رُوح مِلیا یا اِیمان دے سنیہے نال؟

اِفسِیوں 1:11

اوسے وِچ اسی وی اوسے اِرادے دے سببّوں جیہڑا اپنی مرضی دی صلاح نال سبھ کُجھ کر دا اے۔ مُڈھوں ای مُقرّر ہو کے وِرثہ بنے۔

اِفسِیوں 1:14

اوہ ای خُدا دی ملکیّت دی رہائی واسطے ساڈے وِرثے دی سائی اے۔ تاں جو اوہدے جلال دی وڈیائی ہوئے۔

اِفسِیوں 1:18

تے تُہاڈے دِل دِیاں اَکھّیاں سوجاکھِیاں ہو جان۔ تاں جو تُہانوں پتا لگّے۔ پئی اوہدے سَدّن توں کیہو جیہی آس اے۔ تے اوہدی میراث دے جلال دی دَولت پاک لوکاں وِچ کیڈی کُو اے۔

اِفسِیوں 1:7

اسی اوہدے وِچ اوہدے خُون دی راہِیں رہائی یعنی قصوراں دی مُعافی پانے آں۔ اوہدے اوس فضل دی دَولت دے سببّوں۔

اِفسِیوں 2:8

کیوں جو تُہانوں اِیمان دی راہِیں فضل نال ای نجات مِلی اے۔ تے ایہہ ساڈے ولّوں نئیں پر خُدا دی بخشِش اے۔

اِفسِیوں 4:18

کیوں جو اوہناں دی عقل اَنھی ہوگئی۔ تے اوہ اوس نادانی دے سببّوں جیہڑی اوہناں وِچ اے۔ تے اپنے دِلاں دی سختی دے سببّوں خُدا دی زِندگی توں خارج نیں۔

اِفسِیوں 5:11

ہنیرے دے بے فائدہ کمّاں وِچ نا رَلو۔ سگوں اوہناں نُوں جِھڑکو۔

اِفسِیوں 5:14

ایس لئی اوہ آکھدا اے۔ پئی اے سُتّیا ہویا جاگ تے مُردیاں وِچوں جِیو اُٹھ۔ تے مسِیح دا چانن تیرے اُتّے چمکے گا۔

اِفسِیوں 5:8

کیوں جو تُسی پہلاں ہنیرا سو۔ ہُن خُداوند وِچ چانن ہو۔ سو چانن دے بچّیاں وانگر چلّو۔

اِفسِیوں 6:12

کیوں جو اساں لہو تے جِسم نال نئیں سگوں اساں حکُومت تے اختیار والیاں تے ایس دُنیا دے ہنیرے دِیاں حاکماں تے شرارت دِیاں رُوحانی فَوجاں نال گُھلنا اے۔ جیہڑیاں اسمانی تھانواں وِچ نیں۔

۲-تِیمُتِھیُس 2:26

تے خُداوند دے بندے دے ہتھّوں خُدا دی مرضی دے قیدی ہون تے ابلیس دی پھاہی تُوں چُھٹن۔

عِبرانیوں 10:10

اوسے مرضی دے سبّب اسی مسِیح یِسُوع دے بدن دے اِکّو واری قُربان ہون دی راہِیں پاک کِیتے گئے آں۔

عِبرانیوں 10:14

کیوں جو اوس اِکّو ای قُربانی چاہڑن نال اوہناں لوکاں نُوں سدا لئی کامِل کر دِتّا اے جیہڑے پاک کِیتے جاندے نیں۔

عِبرانیوں 11:6

تے بِناں اِیمان اوہنوں پسند آؤنا اَنہونی گلّ اے۔ ایس لئی پئی خُدا دے کول آؤن والے نُوں اِیمان رکھنا پَیندا اے۔ پئی خُدا اے تے اپنے لَبّھن والیاں نُوں اَجر دیندا اے۔

عِبرانیوں 9:15

تے ایسے سبّب اوہ نَوِیں عہد دا وچولا اے۔ تاں جو اوس مَوت دی راہِیں جو پہلے عہد دے قصوراں دی مُعافی لئی ہوئی اے۔ سَدّے ہوئے لوک وعدے دے سببّوں سدا دی وِرثہ پا لین۔

یعقُوب 2:5

میرے پیارے بھراؤ! سُنو۔ خُدا ایس جہان دیاں غرِیباں نُوں اِیمان وِچ دَولتمند ہون لئی نئیں چُنیا؟ تے اپنے پیار کرن والیاں نال بادشاہی دا وارث ہون دا وعدہ نئیں کِیتا؟

۱-پطرس 1:4

پئی اِک وِرثہ جیہڑی نا ناس ہون والی نا نُقص والی تے نا کُملان والی اے۔

۱-پطرس 2:25

کیوں جو پہلاں تُسی بھیڈاں وانگر بُھلّے پِھردے سو۔ پر ہُن اپنیاں رُوحاں دے ایّالی تے نِگہبان دے کول فیر آ گئے ہو۔

۱-پطرس 2:9

پر تُسی اِک چُنی ہوئی نسل تے بادشاہی کاہِناں دا فِرقہ پاک قوم تے اجیہی اُمّت ہو جیہڑی خُدا دی خاص ملکیّت اے۔ تاں جو اوہدیاں خُوبِیاں ظاہر کرو۔ جِس تُہانوں ہنیرے وِچوں اپنے عجب چانن وِچ سدّیا اے۔

۱-یُوحنّا 1:9

جے اپنے گُناہ مَن لَئے تے اوہ ساڈے گُناہ مُعاف کرن۔ تے سانُوں ساری بُریائی توں پاک کرن وِچ سَچّا تے نیائِیں اے۔

۱-یُوحنّا 2:12

بچّیو! مَیں تُہانوں ایس کر کے لِکھنا آں۔ پئی اوہدے ناں سببّوں تُہاڈے گُناہ مُعاف ہوئے ہوئے نیں۔

۱-یُوحنّا 3:8

جیہڑا بندہ گُناہ کر دا اے۔ ابلیس ولّوں اے کیوں جو ابلیس مُڈھوں ای گُناہ کر دا اے۔ ایسے واسطے خُدا دا پُتر ظاہر ہویا۔ پئی ابلیس دے کمّاں دا ناس کرے۔

۱-یُوحنّا 5:19

سانُوں پتا اے پئی اسی خُدا ولّوں آں تے ساری دُنیا اوس شریر دے ہتّھ وِچ پئی ہوئی اے۔

یہُوداہ 1:1

یہُوداہ ولّوں جیہڑا یِسُوع مسِیح دا غلام تے یعقُوب دا بھرا اے۔ اوہناں سَدّے ہویاں دے ناں جیہڑے خُدا باپ وِچ پیارے تے یِسُوع مسِیح لئی رکھّے ہوئے نیں۔

مُکاشفہ 21:27

تے اوہدے وِچ کوئی پلِیت شے یا کوئی جَنا جیہڑا گندا کمّ کر دا یا جُھوٹھیاں گلّاں گھڑدا اے۔ کدی داخل نا ہوئے گا۔ سگوں اوہ ای داخل ہون گے جِنہاں دے ناں لیلے دی زِندگی دی کتاب وِچ لِکھے ہوئے نیں۔