اعمال 26:11 - پنجابی نواں عہد نامہ نظرثانی شدہ چھپائی

¹¹ تے سارے عبادت خانیاں وِچ اوہناں نُوں کئی واری سزا دے کے مَیں اوہناں توں کُفر اکھواؤندا ساں۔ تے اوہناں اُتّے بڑا سَودائی ہو کے مَیں اوہناں نُوں اوپریاں شہراں تِیکر وی تنگ کِیتا۔

اعمال 26:11 ပူးပေါင်းရင်းမြစ်များ

متّی 10:17

پر بندیاں توں خبردار رہو کیوں جو اوہ تُہانوں مجلسیاں دے حوالے کرن گے تے اپنے عبادت خانیاں وِچ کولڑے مارن گے۔

مرقس 13:9

پر تُسی خبردار رہو۔ کیوں جو اوہ تُہانوں مجلسیاں دے حوالے کرن گے۔ تے عبادت خانیاں وِچ تُسی مار کھاؤ گے۔ تے حاکماں تے بادشاہاں دے اگّے میرے سببّوں کھلے کِیتے جاؤ گے۔ تاں جو اوہناں دے لئی گواہی ہوئے۔

مرقس 3:28

مَیں تُہانوں سَچ آکھنا آں پئی بنی آدم دے سارے گُناہ تے کُفر جِنّے اوہ بکن گے۔ مُعاف کِیتے جان گے۔

لُوقا 15:17

تَد اوس ہوش وِچ آ کے آکھیا میرے پئیو دے کئیاں مزدُوراں نُوں لوڑ توں وَدّھ روٹِیاں مِل دِیاں نیں تے مَیں ایتھے بُھکھا پیا مرنا۔

لُوقا 21:12

پر ایہناں سارِیاں گلّاں توں پہلاں لوک تُہاڈے اُتّے میرے ناں دی خاطر ہتّھ پان گے۔ تے تُہانوں دُکھ دین گے۔ تے عبادت خانیاں دی عدالت دے حوالے کرن گے تے قید کرن گے تے بادشاہاں تے حاکماں کول دھرُون گے۔

لُوقا 6:11

تَد اوہناں بڑے غُصّے ہو کے آپو وِچ آکھیا پئی یِسُوع نال کِیہ کریئے۔

اعمال 13:45

پر یہُودی لوک بِھیڑ نُوں ویکھ کے ساڑے نال بھر گئے۔ تے پَولُس دِیاں گلّاں دی مخالفت کر دے تے کُفر بَکدے سن۔

اعمال 18:6

تے جد اوہ مخالفت کرن تے کُفر بکن لگّے۔ تے اوس اپنے کپڑے پھاڑ کے اوہناں نُوں آکھیا۔ تُہاڈا خُون تُہاڈے سِر اُتّے ہوئے میرے ذِمّے نئیں رہیا۔ ایدوں اگّے غیر قوماں ولّ جاواں گا۔

اعمال 22:19

تے مَیں آکھیا اَے خُداوند اوہ آپ جان دے نیں پئی مَیں اوہناں لوکاں نُوں جِنہاں تیرے ناں اُتّے اِیمان لیاندا اے قید وِچ پاندا ساں تے ہر اِک عبادت خانے وِچ کولڑے مرواؤندا ساں۔

اعمال 22:5

تے ایس گلّ دا سردار کاہِن میرا گواہ اے۔ تے بزُرگاں دی ساری جماعت وی۔ جِنہاں توں مَیں بھراواں دے لئی چِٹّھیاں وی لے کے دمِشق نُوں ایس واسطے گیا۔ پئی جیہڑے اوتھے سن۔ اوہناں نُوں وی بَنّھ کے یرُوشلِیم وِچ سزا پان نُوں لیاواں۔

اعمال 9:1

تے ساؤُل جیہڑا خُداوند دے شاگِرداں نُوں دھمکان تے قتل کرن پیچھے پیا سی۔ سردار کاہِن دے کول جا کے۔

یعقُوب 2:7

تے اوس بزُرگ ناں اُتّے کُفر نئیں بَکدے جیہڑا تُہاڈے اُتّے لگّا ہویا اے؟

۲-پطرس 2:16

پر اپنے قصور اُتّوں جِھڑکیا گیا۔ پئی اِک بے زبان کھوتی بندے وانگر بول کے ایس نبی نُوں احمق پُنے توں موڑیا۔