اعمال 24:8 - پنجابی نواں عہد نامہ نظرثانی شدہ چھپائی

⁸ تے اوہدے مُدّعیاں نُوں حُکم کِیتا پئی تیرے کول جان] ایہناں سارِیاں گلّاں دی بابت جِنہاں دا الزام اسی اوہدے اُتّے لانے آں تُوں آپ جاچ کے اوہدے توں معلُوم کر سکیں گا۔

اعمال 24:8 ပူးပေါင်းရင်းမြစ်များ

لُوقا 23:14

اوہناں نُوں آکھیا۔ تُسی ایس بندے نُوں میرے کول ایس واسطے لیائے ہو پئی لوکاں نُوں ورغلاؤندا اے۔ تے ویکھو مَیں تُہاڈے اگّے چنگی طرح دریافت کِیتا تے جیہڑیاں گلّاں دی بابت تُسی ایہدے اُتّے نالش کر دے اوہ۔ ایس بندے وِچ مَیں کُجھ قصور نا ڈِٹّھا۔

اعمال 23:30

تے جدوں مَینُوں خبر ہوئی۔ پئی اوہدے اُتّے مَتا پکُّو اے۔ اوس ویلے مَیں اوہنوں تیرے کول گھل دِتّا۔ تے اوہدے مُدّعیاں نُوں وی حُکم کِیتا پئی تیرے اگّے اوہدے اُتّے دعویٰ کرن۔

اعمال 23:35

اوس آکھیا۔ جد تیرے مُدّعی وی آؤن گے۔ تَد مَیں تیری سُناں گا۔ تے حُکم دِتّا پئی اوہنوں ہیرودیس دے محل وِچ حفاظت نال رکھو۔

اعمال 24:7

پر سردار لُوسِیاس آ کے بڑا زور پا کے اوہنوں ساڈے ہتھّوں کھو لیا۔

اعمال 24:9

تے یہُودِیاں وی رَل کے دعویٰ کِیتا پئی ایہہ گلّاں ایسے طرح نیں۔

اعمال 25:5

تے آکھن لگّا پئی تُہاڈے وِچوں جیہڑے اختیار والے ہون سو میرے نال چَلّن۔ جے اوس بندے وِچ کوئی بُھل ہوئے تاں الزام دین۔