اعمال 22:30 - پنجابی نواں عہد نامہ نظرثانی شدہ چھپائی

³⁰ سویر نُوں ایس اِرادے نال پئی پَکّا پَتا لگ جائے پئی یہُودی اوہدے اُتّے کِیہ دعویٰ کر دے نیں اوس اوہنوں چھڈ دِتّا۔ تے حُکم کِیتا پئی سردار کاہِن تے سارے صدرِ مجلس اکٹّھے ہون۔ تے اوس پَولُس نُوں لیا کے اوہناں دے سامھنے کھلا کِیتا۔

اعمال 22:30 ပူးပေါင်းရင်းမြစ်များ

متّی 10:17

پر بندیاں توں خبردار رہو کیوں جو اوہ تُہانوں مجلسیاں دے حوالے کرن گے تے اپنے عبادت خانیاں وِچ کولڑے مارن گے۔

متّی 27:2

تے اوہنوں بَنّھ کے لے گئے۔ تے پِیلاطُس حاکم دے حوالے کر دِتّا۔

متّی 5:22

پر مَیں تُہانوں آکھنا آں پئی جیہڑا کوئی اپنے بھرا اُتّے غُصّہ کرے۔ عدالت وِچ سزا دے لائق ہوئے گا۔ تے جیہڑا اپنے بھرا نُوں آکھے گا مُورکھا اوہ صدر عدالت وِچ سزا دے لائق ہوئے گا۔ پر جیہڑا آکھے گا بیواقوفا۔ اَگ دے دوزخ دے لائق ہوئے گا۔

اعمال 21:11

اوس ساڈے کول آ کے پَولُس دے لکّ دا پٹکا لیا۔ تے اپنے ہتّھ پَیر بَنّھ کے آکھیا۔ پئی پاک رُوح اینج آ کھدا اے۔ پئی یرُوشلِیم وِچ اوس بندے نُوں جِہدا ایہہ پٹکا اے یہُودی ایسے طرح بنھن گے۔ تے غیر قوماں دے حوالے کرن گے۔

اعمال 21:33

تَد سردار نیڑے آیا۔ تے اوہنوں پھڑ کے حُکم دِتّا پئی دو سنگلاں نال بَنّھ لین تے پُچھیا۔ پئی ایہہ کون اے۔ تے ایس کِیتا کِیہ اے؟

اعمال 22:5

تے ایس گلّ دا سردار کاہِن میرا گواہ اے۔ تے بزُرگاں دی ساری جماعت وی۔ جِنہاں توں مَیں بھراواں دے لئی چِٹّھیاں وی لے کے دمِشق نُوں ایس واسطے گیا۔ پئی جیہڑے اوتھے سن۔ اوہناں نُوں وی بَنّھ کے یرُوشلِیم وِچ سزا پان نُوں لیاواں۔

اعمال 23:1

تے پَولُس صدرِ مجلس والیاں نُوں دھیان نال ویکھ کے آکھیا۔ بھراؤ اَج تِیکر مَیں پُوری نیک نِیتی نال خُدا دے اگّے چلدا رہیا آں۔

اعمال 23:15

سو صدرِ مجلس دے نال رَل کے تُسی پلٹن دے سردار اگّے عرض کرو۔ پئی بھلکے پَولُس نُوں اوہ ایس طرح تُہاڈے کول لے آوے۔ جیویں پئی اوہدی حِقیقت ہور وی معلُوم کرنی چاہندے ہو۔ اوہدے نیڑے آؤن توں پہلاں اسی اوہنوں مارن لئی تیار آں۔

اعمال 23:20

اوس آکھیا یہُودِیاں تیرے اگّے درخواست کرن لئی ایکا کِیتا اے۔ پئی تُوں بھلکے پَولُس نُوں مجلس وِچ اِنج لے آویں جیویں اوہدی بابت تُوں کُجھ ہور وی ٹھیک دریافت کرنا ایں۔

اعمال 23:28

تے جدوں مَیں سبھ معلُوم کرنا چاہندا ساں۔ پئی اوہ اوہدے اُتّے کاہدا الزام دیندے نیں۔ تاں اوہناں دی صدرِ مجلس وِچ اوہنوں پُہنچا دِتّا۔

اعمال 23:6

پر جد پَولُس نے معلُوم کِیتا۔ پئی اوہناں وِچ بعضے صدوقی تے بعضے فریسی نیں۔ تَد مجلس وِچ آکھیا پئی بھراؤ۔ مَیں فریسی تے فرِیسیاں دا پُتر آں۔ مُردیاں دی آس تے جی اُٹھن دی بابت میرے اُتّے مُقدّمہ ہوندا اے۔

اعمال 26:29

پَولُس آکھیا مَیں تے خُدا توں چاہناں آں پئی بھانویں تھوڑی نصِیحت نال بھانویں بُہتی نصِیحت نال نا نِرا تُوں سگوں جِنّے اَج میری پئے سُندے نیں ایہناں بیڑیاں نُوں چھڈ کے میرے جیہے ہو جان۔

اعمال 5:21

سو ایہہ سُن کے اوہ سویرے ہیکل وِچ گئے۔ تے سکھالن لگّے۔ جدوں سردار کاہِن اپنے جوٹی داراں دے نال آیا۔ اوہناں صدرِ مجلس نُوں تے بنی اِسرائیل دے بزُرگاں نُوں جمع کِیتا تے قیدخانے وِچ اکھوا گھلّیا پئی اوہناں نُوں لے آؤن۔