اعمال 22:3 - پنجابی نواں عہد نامہ نظرثانی شدہ چھپائی

³ مَیں یہُودی بندے آں۔ مَیں کِلِکیہ دے تَرسُس وِچ جمّیا۔ پر ایس شہر وِچ گملی ایل دے پیراں وِچ پلیا تے پئیو دادیاں دی شریعت پُورے چج نال سِکھی۔ تے خُدا دے لئی اجیہا سرگرم ساں جیہے تُسی سارے اَج دے دِن ہو۔

اعمال 22:3 ပူးပေါင်းရင်းမြစ်များ

لُوقا 10:39

تے اوہدی اِک بھین مریم ناں سی۔ اوہ یِسُوع دے پیراں کول بَہہ کے اوہدا کلام پئی سُن دی سی۔

لُوقا 2:46

تے تِنّاں دِناں پِچّھوں ایویں ہویا پئی اوہناں اوہنوں اُستاداں دے وِچ کار بَیٹھیاں تے اوہناں دی سُندیاں نالے اوہناں توں سوال پُچھدیاں ہیکل دے وِچ لَبّھیا۔

لُوقا 8:35

تَد اوہ اوہدا حال ویکھن نُوں نِکلے۔ تے یِسُوع کول آئے تے اوس بندے نُوں جِہدے وِچوں بدرُوحاں نِکلیاں سن۔ کپڑے پائے تے سُرت سمبھالی یِسُوع دے پیراں کول بَیٹھیاں ویکھیا۔ تے اوہ ڈر گئے۔

اعمال 11:25

تے ساؤُل نُوں لَبّھن لئی اوہ تَرسُس نُوں ٹُر گیا۔ تے اوہنوں لَبّھ کے انطاکیہ وِچ لے آیا۔

اعمال 15:23

تے اوہناں دے ہتّھ ایہہ لِکھ گھلّیا۔ پئی اوہناں بھراواں نُوں۔ جیہڑے انطاکیہ تے سُوریہ تے کِلِکیہ وِچ رہندے نیں تے غیر قوماں وِچوں نیں۔ رسُولاں تے بزُرگ بھراواں دا سلام۔

اعمال 15:41

تے کلِیسیاواں نُوں مضبُوط کر دا ہویا سُوریہ تے کِلِکیہ وِچوں لنگھیا۔

اعمال 21:20

اوہناں سُن کے خُدا دی وڈیائی کِیتی۔ تے اوہنوں آکھیا بھرا تُوں جاننا ایں۔ پئی یہُودِیاں وِچوں کِنے ہزار بندے نیں۔ جِنہاں اِیمان لیاندا اے۔ تے اوہناں ساریاں تُوں شریعت وِچ سرگرم اے۔

اعمال 21:39

پر پَولُس آکھیا۔ مَیں تے یہُودی آں کِلِکیہ دے تَرسُس دا رہن والا جیہڑا مشہُور شہر اے۔ تے مَیں تیری مِنّت کرنا آں پئی مَینُوں لوکاں نال بولن دی اجازت دے۔

اعمال 23:34

جد اوس خط پڑھیا۔ تاں پُچھیا۔ پئی اوہ کیہڑے صُوبے دا اے؟ تے معلُوم کر کے پئی کِلِکیہ توں اے۔

اعمال 23:6

پر جد پَولُس نے معلُوم کِیتا۔ پئی اوہناں وِچ بعضے صدوقی تے بعضے فریسی نیں۔ تَد مجلس وِچ آکھیا پئی بھراؤ۔ مَیں فریسی تے فرِیسیاں دا پُتر آں۔ مُردیاں دی آس تے جی اُٹھن دی بابت میرے اُتّے مُقدّمہ ہوندا اے۔

اعمال 26:5

شُروع توں اوہناں نُوں میری بابت معلُوم اے جے گواہی دینی چاہن پئی اپنے پَرلے درجے دے دِیندار فِرقے وانگر مَیں فریسی ہو کے رہندا ساں۔

اعمال 26:9

مَیں وی سمجھدا ساں پئی یِسُوع ناصری دے ناں دے برخلاف بُہت کُجھ کرنا چاہیدا اے۔

اعمال 5:34

تَد گملی ایل ناں دے اِک فریسی نے جیہڑا شریعت دا مُعلّم تے سبھناں لوکاں وِچ عِزّت والا سی۔ صدرِ مجلس وِچ کھلو کے حُکم دِتّا۔ پئی ایہناں بندیاں نُوں ذرا کُو باہر کر دئیو۔

اعمال 6:9

تَد اوس جماعت وِچوں جیہڑی لِبرتیِنیاں دی اکھواؤندی اے۔ تے کُرینی تے اِسکندریہ دے لوکاں وِچوں۔ تے اوہنوں وِچوں وی جیہڑے کِلِکیہ تے آسِیہ توں آئے ہوئے سن۔ کئی بندے اُٹھ کے ستِفنُس نال بحث کرن لگّے۔

اعمال 9:1

تے ساؤُل جیہڑا خُداوند دے شاگِرداں نُوں دھمکان تے قتل کرن پیچھے پیا سی۔ سردار کاہِن دے کول جا کے۔

اعمال 9:11

تَد خُداوند اوہنوں آکھیا اُٹھ تے اوس گلی وِچ جا جیہڑی سِدّھی اکھواؤندی اے۔ تے یہُوداہ دے گھر ساؤُل ناں دے ترسی بندے نُوں پُچھ۔ کیوں جو ویکھ اوہ دُعا پیا منگدا اے۔

اعمال 9:30

پر جد بھراواں نُوں ایہہ گلّ معلُوم ہوگئی تاں قَیصریہ وِچ لیا کے اوہنوں تَرسُس ولّ ٹور دِتّا۔

رُومِیوں 11:1

فیر مَیں آکھنا آں کِیہ خُدا نے اپنی قوم نُوں رَدّ کر دِتّا؟ خُدا نا کرے۔ کیوں جو مَیں وی تے ابرہام دی نسلوں بِنیمِین دے فِرقے دا اِسرائیلی آں۔

۲-کُرِنتھِیوں 11:22

اوہ عِبرانی نیں؟ مَیں وی آں۔ اوہ اِسرائیلی نیں؟ مَیں وی آں اوہ ابرہام دی نسل وِچوں نیں؟ مَیں وی آں۔

گلتِیوں 1:14

تے مَیں یہُودی طریقے وِچ اپنی قوم دِیاں بتھیریاں ہانِیاں نالوں وَدھدا جان دا ساں تے وڈّیاں دِیاں رِیتاں دے وِچ بڑے جوش نال لگّا ہویا ساں۔

گلتِیوں 1:21

ایدوں پِچّھے مَیں سُوریہ تے کِلِکیہ دے علاقیاں وِچ آیا۔