اعمال 22:1 - پنجابی نواں عہد نامہ نظرثانی شدہ چھپائی

¹ میرے بھراؤ تے بزُرگو! میرا عُذر سُنو۔ جیہڑا ایس ویلے مَیں تُہاڈے اگّے کرنا آں۔

اعمال 22:1 ပူးပေါင်းရင်းမြစ်များ

لُوقا 12:11

تے جد اوہ تُہانوں عبادت خانیاں وِچ تے حاکماں تے اختیار والیاں دے اگّے لے جان تے فِکر نا کرو۔ پئی اسی کِس طرح دا یا کِیہ عُذر کریئے۔ یا کِیہ آکھیئے۔

لُوقا 21:14

سو اپنے دِلاں وِچ پَکّی کر لو پئی اسی جواب دین لئی پہلاں فِکر نا کریئے۔

اعمال 13:26

بھراؤ۔ ابرہام دئیو پُترو۔ تے تُہاڈے وِچوں جِنّے خُدا توں ڈردے ہو۔ ساڈے لئی ایس نجات دا کلام گھلّیا گیا اے۔

اعمال 19:33

فیر اوہناں اِسکندر نُوں جِہنُوں یہُودی پیش کر دے سن بِھیڑ وِچوں کڈھ کے اگّے کر دِتّا۔ تے اِسکندر ہتّھ نال سینت کر کے چاہندا سی پئی لوکاں دے سامھنے عُذر کرے۔

اعمال 23:1

تے پَولُس صدرِ مجلس والیاں نُوں دھیان نال ویکھ کے آکھیا۔ بھراؤ اَج تِیکر مَیں پُوری نیک نِیتی نال خُدا دے اگّے چلدا رہیا آں۔

اعمال 23:6

پر جد پَولُس نے معلُوم کِیتا۔ پئی اوہناں وِچ بعضے صدوقی تے بعضے فریسی نیں۔ تَد مجلس وِچ آکھیا پئی بھراؤ۔ مَیں فریسی تے فرِیسیاں دا پُتر آں۔ مُردیاں دی آس تے جی اُٹھن دی بابت میرے اُتّے مُقدّمہ ہوندا اے۔

اعمال 24:10

تے جد حاکم اوہنوں بولن دی سینت کِیتی تاں پَولُس جواب دِتّا۔ ایس کر کے پئی مَیں جاننا آں پئی تُوں بُہت ورھیاں توں ایس قوم دا مُنصف ایں۔ مَیں خُوشی نال اپنی بابت عُذر کرنا آں۔

اعمال 25:16

مَیں اوہناں نُوں ایہہ جواب دِتّا۔ پئی رُومِیاں دا دستُور نئیں اے۔ پئی کِسے بندے نُوں رَئی نال سزا واسطے دے چھڈن۔ جِنّاں چِر مُلزم نُوں اپنے الزام دین والیاں دے آمھے سامھنے دعویٰ دے جواب دین دا موقع نا مِلے۔

اعمال 25:8

پَولُس عُذر کِیتا پئی نا تے یہُودِیاں دی شریعت دا نا ہیکل دا نا قَیصر دا مَیں کُجھ گُناہ کِیتا اے۔

اعمال 26:24

تے جد اوہ اینج اجے اپنا جواب پیا دیندا سی فیستُس اُچّی اواز نال آکھن لگّا۔ پَولُس تُوں تے پاگل ایں۔ بُہتے عِلم تیری عقل مار چھڈی اے۔

اعمال 28:17

تے اینج ہویا پئی تِنّ دِن پِچّھوں اوس یہُودِیاں دے وڈّے وڈّے بندیاں نُوں سدّیا تے جدوں اوہ اکٹّھے ہوئے اوس اوہناں نُوں آکھیا۔ بھراؤ! بھانویں مَیں اپنی قوم دے یا پئیو دادیاں دِیاں رسماں دے اُلٹ کُجھ وی نئیں کِیتا۔ تَد وی یرُوشلِیم توں قیدی ہو کے مَیں رُومِیاں دے ہتّھ پھڑوایا گیا۔

اعمال 7:2

اوہ آکھن لگّا۔ بھراؤ تے بزُرگو سُنو! ساڈے پئیو ابرہام نُوں جدوں مسوپتامِیہ وِچ سی اوہدے حاران وِچ وَسّن توں پہلاں جلال دے خُدا نے وکھالی دِتّی۔

رُومِیوں 2:15

کیوں جو شریعت دِیاں گلّاں اپنے دِلاں وِچ لِکھیاں ہویاں وکھاؤندِیاں تے اوہناں دے دِل وی گواہی دیندے نیں۔ تے اوہناں دے خیال آپو وِچ الزام لاندے یا عُذر کر دے نیں۔

۱-کُرِنتھِیوں 9:3

جیہڑے مَینُوں ازماندے نیں۔ اوہناں لئی میرا ایہو ای جواب اے۔

۲-کُرِنتھِیوں 12:19

تُسی اجے تِیکر ایہو ای سمجھدے ہوؤگے پئی اسی تُہاڈے اگّے عُذر کرنے آں۔ اسی تے خُدا نُوں حاضر جان کے مسِیح وِچ سَچ بولنے آں۔ تے پیاریو! ایہہ سبھ کُجھ تُہاڈی ترقی دے لئی اے۔

۲-کُرِنتھِیوں 7:11

سو ویکھو ایس گلّ نے پئی تُسی خُدا پرستی دے نال اُداس ہوئے تُہاڈے وِچ کِنی کُو سرگرمی تے عُذر تے خفگی تے خَوف تے شَوق تے جوش تے بدلے دا خیال پَیدا کر دِتّا۔ تُساں ہر طرح نال ثابت کر وکھایا۔ پئی تُسی ایس گلّ وِچ بَری اوہ۔

فِلِپّیوں 1:17

پر دُوجے دھڑے صدقہ صاف دِل نال نئیں سگوں ایس خیال نال پئی میری قید وِچ میرے لئی دُکھ پَیدا کرن۔

فِلِپّیوں 1:7

تے چاہیدا وی اے پئی مَیں تُہاڈے سبھناں دی بابت اجیہا ای خیال کراں کیوں جو تُسی میرے دِل وِچ وَسدے اوہ۔ ایس لئی میری قید تے خُوشخبری دے جواب دین تے ثابت کرن وِچ تُسی سارے میرے نال فضل وِچ سنگی ہو۔

۲-تِیمُتِھیُس 4:16

میری پہلی پیشی میرے نال کوئی نئیں سی۔ سگوں مَینُوں ساریاں چھڈ دِتّا۔ اوہناں نُوں ایہدا حِساب نا دینا پَوے۔

۱-پطرس 3:15

سگوں مسِیح نُوں خُداوند جان کے اپنے دِلاں وِچ پاک سمجھو۔ تے جیہڑا تُہاڈے کولوں تُہاڈی آس دا سبّب پُچھے اوہدا جواب دین لئی ہر ویلے تیار رہو پر حلِیمی تے خَوف نال۔