اعمال 21:3 - پنجابی نواں عہد نامہ نظرثانی شدہ چھپائی

³ تے جد کُپرُس وکھالی دِتّا۔ اساں اوہنوں کھبّے ہتّھ ولّ چھڈیا۔ تے سُوریہ ولّ ٹُر گئے۔ تے صُور وِچ جا اُترے۔ کیوں جو اوتھے جہاز دا بھار لُہاؤنا سی۔

اعمال 21:3 ပူးပေါင်းရင်းမြစ်များ

متّی 11:21

ہائے تینُوں خُرازِین ہائے تینُوں بَیت صَیدا۔ کیوں جو اوہ کراماتاں جیہڑیاں تُہاڈے وِچ ہویاں سن جیکر صُور تے صَیدا وِچ ہوندیاں تے ترپّڑ پا کے تے سواہ وِچ بَیہہ کے اوہ کدوں دی تَوبہ کر لَیندے۔

متّی 4:24

تے سارے سُوریہ وِچ اوہدی دُھم پَے گئی تے لوکاں نیں ساریاں بِیماراں نُوں جیہڑے کئی طرح دے روگاں تے دُکھاں وِچ پَھسے ہوئے سن جِنہاں نُوں بدرُوحاں چمبڑیاں ہویاں سن۔ تے مِرگی والیاں۔ تے ادھرلنگیاں نُوں اوہدے کول لیاندا تے اوس اوہناں نُوں چَنگیاں کِیتا۔

لُوقا 10:13

خُرازِین افسوس تیرے اُتّے۔ بَیت صَیدا افسوس تیرے اُتّے۔ کیوں جو اوہ کراماتاں جیہڑیاں تُہاڈے وِچ وکھائیاں گِئیاں سن جے صُور تے صَیدا وِچ وکھالِیاں جاندِیاں۔ تے اوہ ترپّڑ اپنے اُتّے لے کے تے سواہ وِچ بَیہہ کے کدوں دی تَوبہ کر لَیندے۔

لُوقا 2:2

ایہہ پہلی مردم شُماری سی جیہڑی سُوریہ دے حاکم کورنِیُس دے ویلے وِچ ہوئی۔

اعمال 11:19

تے جیہڑے بندے اوس دُکھ مُصِیبت دے سببّوں جیہڑی ستِفنُس دے سبّب نال پئی سی کھِلّر گئے سن۔ سو فینِیکے کُپرُس تے انطاکیہ تِیکر اَپڑے۔ تے یہُودِیاں باہجوں کِسے نُوں کلام نئیں سن سُناندے۔

اعمال 12:20

تے صُور تے صَیدا دے لوکاں نال ہیرودیس بُہت ناراض سی۔ تے اِک دِل ہو کے اوہ اوہدے کول آئے تے بلَستُس نال مَیل کر کے صُلح صفائی کرنی چاہی۔ کیوں جو اوہناں دے مُلک نُوں بادشاہ دے مُلک توں رسد دِیاں شیواں آؤندیاں سن۔

اعمال 13:4

سو اوہ پاک رُوح دے گھلّے ہوئے سِلُوکیہ نُوں گئے تے اوتھوں جہاز اُتّے چڑھ کے کُپرُس نُوں ٹُر پئے۔

اعمال 15:23

تے اوہناں دے ہتّھ ایہہ لِکھ گھلّیا۔ پئی اوہناں بھراواں نُوں۔ جیہڑے انطاکیہ تے سُوریہ تے کِلِکیہ وِچ رہندے نیں تے غیر قوماں وِچوں نیں۔ رسُولاں تے بزُرگ بھراواں دا سلام۔

اعمال 15:39

تے اوہناں وِچ ایڈی اَن بَن ہوگئی۔ پئی اوہ اِک دُوجے توں وکھرے ہوگئے تے برنباس مرقس نُوں نال لے کے جہاز اُتّے چڑھیا تے کُپرُس نُوں ٹُرگیا۔

اعمال 15:41

تے کلِیسیاواں نُوں مضبُوط کر دا ہویا سُوریہ تے کِلِکیہ وِچوں لنگھیا۔

اعمال 18:18

تے پَولُس اجے ہور بتھیرے دِن اوتھے رہ کے بھراواں توں وِداع ہویا۔ تے اوس کِنخریہ دے وِچ سِر مُنایا سی کیوں جو اوس مَنّت مَنّی سی۔ تے جہاز اُتّے چڑھ کے سُوریہ نُوں ٹُر پیا۔ تے پرسِکّلہ تے اَکوِلہ اوہدے نال سن۔

اعمال 21:16

تے قَیصریہ توں کئی شاگِرد وی ساڈے نال ٹُر پئے۔ تے مَنَاسون کر کے کُپرُس دا اِک پرانا شاگِرد جِہدے کول اسی اُترن والے ساں۔ اپنے نال لے آئے۔

اعمال 21:2

تے اِک جہاز سِدّھا فینِیکے نُوں جان والا لَبھّا تے اسی اوہدے اُتّے چڑھ کے ٹُر پئے۔

اعمال 21:7

تے جد صُور توں سمُندر دا راہ مُک گیا۔ اسی پَتُلمَیِس اَپڑے تے بھراواں نُوں سلام کِیتا تے اوہناں دے نال اِک دِن رہے۔

اعمال 27:4

تے اوتھوں ٹُرے تے وَا سامنی ہون دے سببّوں اسی کُپرُس دے اوہلے اوہلے چلّے۔

اعمال 4:36

تے یُوسف قوم دا لاوی سی تے کُپرُس دا سی۔ اوہدا ناں رسُولاں نیں برنباس یعنی نصِیحت دا پُتر رکھیا۔