اعمال 2:9 - پنجابی نواں عہد نامہ نظرثانی شدہ چھپائی

⁹ اسی پارتھی تے مادی تے عِیلامی تے مسوپتامِیہ دے رہن والے تے یہُودیہ تے کَپّدُکیہ۔ پُنطُس تے آسِیہ

اعمال 2:9 ပူးပေါင်းရင်းမြစ်များ

اعمال 16:6

تے اوہ فرُوگیہ تے گلِتیہ دے دیس وِچوں لنگھے۔ کیوں جو پاک رُوح اوہناں نُوں منع کِیتا۔ پئی آسِیہ وِچ کلام نا سُنان۔

اعمال 18:2

تے اوتھے اَکوِلہ کر کے اِک یہُودی اوہنوں مِلیا۔ جِہدا جنم پُنطُس دا سی۔ تے تھوڑا چِر ہویا پئی اوہ اپنی بیوی پرسِکّلہ دے نال اِطالِیہ توں آیا سی کیوں جو کلَودِیُس نے حُکم دِتّا سی پئی سارے یہُودی رُومہ توں ٹُر جان۔ سو اوہ اوہناں دے کول گیا۔

اعمال 19:10

ایہہ دو ورھیاں تِیکر ہوندا رہیا۔ ایتھوں توڑی پئی آسِیہ دے سارے رہن والیاں نیں یہُودِیاں تے یُونانِیاں نیں وی خُداوند دا کلام سُنیا۔

اعمال 19:27

سو نِرا ایہہ خطرہ نئیں پئی ساڈے کمّ دا قدر جاندا رہے پر وڈّی دیوی اَرتمس دا مندر وی اُڈ جائے۔ تے اوہدی وڈیائی وی جاندی رہے جِہنُوں سارا آسِیہ تے ساری دُنیا پُوجدی اے۔

اعمال 19:31

تے آسِیہ دے کئی سرداراں جیہڑے اوہدے دوست سن آکھ گھلّیا۔ تے اوہدی مِنّت کِیتی۔ پئی تماشے دی تھانویں جان دی دلیری نا کرے۔

اعمال 2:8

فیر اَسی کِیویں اپنے اپنے وطن دی بولی سُننے آں؟

اعمال 20:16

کیوں جو پَولُس دی صلاح سی پئی اِفِسُس توں لانبھے ہو کے جاواں کِتے اجیہا نا ہوئے پئی آسِیہ وِچ چِر لانا پَوے۔ ایس لئی پئی اوہ چھیتی کر دا سی۔ پئی جے ہو سکے تے پِنتیکُست دا دِن یرُوشلِیم وِچ کٹّے۔

اعمال 20:18

تے جد اوہ اوہدے کول آئے۔ اوس اوہناں نُوں آکھیا۔ تُسی جان دے اوہ۔ پئی مَیں جدوں آسِیہ وِچ آیا پہلے دِن توں کِس طرح ہر ویلے تُہاڈے کول رہیا۔

اعمال 20:4

تے پُرُس دا پُتر سوپَترُس جیہڑا بِیرِیّہ دا سی تے تھِسّلُنِیکیاں وِچوں ارِسترخُس تے سِکُندُس تے دِربے دا گَیُس تے تِیمُتِھیُس تے آسِیہ دا تُخِکس تے ترُفِمُس اوہدے نال آسِیہ تِیکر گئے۔

اعمال 21:27

تے جد ایہہ سَتّ دِہاڑے پُورے ہوگئے سن۔ آسِیہ دے یہُودِیاں اوہنوں ہیکل وِچ ویکھ کے سارے لوکاں نُوں چُکیا۔ تے اوہدے اُتّے ہتّھ پا کے اُچّی اُچّی آکھیا۔

اعمال 24:18

اوہناں مَینُوں پاک ہویاں ہویاں بِھیڑ تے شور شرابے بِناں ایہہ کمّ کر دیاں ہویاں ہیکل وِچ ویکھیا نا بِھیڑ نال نا شور شرابے نال۔ ہاں آسِیہ دے کُجھ یہُودی ہے سن۔

اعمال 27:2

تے ادرمُتّیُم دے اِک جہاز اُتّے جِس آسِیہ دے کنڈھے کنڈھے دے شہراں نُوں جانا سی۔ چڑھ کے اسی ٹُر پئے۔ تے ارِسترخُس تھِسّلُنِیکے دا اِک مَکِدُنی ساڈے نال سی۔

اعمال 6:9

تَد اوس جماعت وِچوں جیہڑی لِبرتیِنیاں دی اکھواؤندی اے۔ تے کُرینی تے اِسکندریہ دے لوکاں وِچوں۔ تے اوہنوں وِچوں وی جیہڑے کِلِکیہ تے آسِیہ توں آئے ہوئے سن۔ کئی بندے اُٹھ کے ستِفنُس نال بحث کرن لگّے۔

اعمال 7:2

اوہ آکھن لگّا۔ بھراؤ تے بزُرگو سُنو! ساڈے پئیو ابرہام نُوں جدوں مسوپتامِیہ وِچ سی اوہدے حاران وِچ وَسّن توں پہلاں جلال دے خُدا نے وکھالی دِتّی۔

رُومِیوں 16:5

نالے اوس کلِیسیا نُوں جیہڑی اوہناں دے گھر وِچ اے۔ سلام آکھو۔ میرے پیارے اِپینِتُس نُوں جیہڑا مسِیح لئی آسِیہ دا پہلا پَھل اے سلام آکھو۔

۱-کُرِنتھِیوں 16:19

آسِیہ دِیاں کلِیسیاواں تُہانوں سلام آکھدیاں نیں اَکوِلہ تے پرسِکّلہ اوس کلِیسیا سَنے جیہڑی اوہناں دے گھر وِچ اے۔ تُہانوں خُداوند وِچ بُہت بُہت سلام آکھدے نیں۔

۲-کُرِنتھِیوں 1:8

بھراؤ! اسی نئیں چاہندے پئی تُسی اوس مُصِیبت توں ناواقِف رہو۔ جیہڑی آسِیہ وِچ ساڈے اُتّے پئی۔ تے اسی حدّوں وَدّھ تے طاقتوں باہر تنگ ہوگئے۔ ایتھوں توڑی پئی اساں اپنی جانوں وی ہتّھ دھوئے۔

۲-تِیمُتِھیُس 1:15

تے تُوں ایہہ جاننا ایں پئی آسِیہ دے سارے لوک میرے ولّوں پھر گئے جِنہاں وِچوں فُوگلُس تے ہرمُگِنیُس نیں۔

۱-پطرس 1:1

یِسُوع مسِیح دے رسُول پطرس ولّوں اوہناں کھِلّرے ہوئے پردیسیاں نُوں جیہڑے پُنطُس۔ گلِتیہ۔ کَپّدُکیہ۔ آسِیہ تے بتُھنیہ وِچ نیں۔

مُکاشفہ 1:11

پئی جو کُجھ تُوں ویکھنا ایں۔ اوہنوں کتاب وِچ لِکھ کے ستّاں کلِیسیاواں دے کول گھل دے۔ جیہڑیاں اِفِسُس تے سمُرنہ تے پرگُمن تے تھواتِیرہ تے سردِیس تے فِلَدِلفیہ تے لَودِیکیہ وِچ نیں۔

مُکاشفہ 1:4

یُوحنّا ولّوں اوہناں ستّاں کلِیسیاواں دے ناں جیہڑیاں آسِیہ وِچ نیں اوہدے ولّوں جیہڑا اَے۔ تے جیہڑا اَے سی تے جیہڑا آؤن والا اے۔ تے اوہناں ستّاں رُوحاں ولّوں جیہڑیاں اوہدے تخت دے سامھنے نیں۔ تُہانوں فضل تے تسلّی مِلدی رہے۔