اعمال 2:4 - پنجابی نواں عہد نامہ نظرثانی شدہ چھپائی

⁴ تَد اوہ سارے پاک رُوح نال بھر گئے۔ تے اوپریاں بولیاں بولن لگّے جیویں رُوح اوہناں نُوں بولن دی طاقت دِتّی۔

اعمال 2:4 ပူးပေါင်းရင်းမြစ်များ

متّی 10:19

پر جدوں اوہ تُہانوں حوالے کرن گے تے فِکر نا کرو پئی کِس طرح یا کِیہ بولو گے۔ کیوں جو کُجھ تُسی بولنا ہوئے گا سو اوسے گھڑی تُہانوں دسیا جائے گا۔

مرقس 16:17

تے اِیمان لیاؤن والیاں وِچ ایہہ مُعجزے ہون گے۔ پئی اوہ میرا ناں لے کے بدرُوحاں نُوں کڈھن گے۔ تے نَوِیاں نَوِیاں بولیاں بولن گے۔

لُوقا 1:15

کیوں جو خُداوند دی نظر وِچ اوہ بزُرگ ہوئے گا۔ تے اوہ انگور دی رَس تے نشہ نا پِیوے گا۔ تے اوہ اپنی ماں دی کُکّھوں ای پاک رُوح نال بھر جائے گا۔

لُوقا 1:41

تے ایویں ہویا پئی جیویں ای اِلیشِبَع نے مریم دا سلام سُنیا تیؤں بچّہ اوہدی کُکھ وِچ اُچھل پیا تے اِلیشِبَع پاک رُوح نال بھر گئی۔

لُوقا 1:67

تے اوہدا پئیو زکریاہ پاک رُوح نال بھر گیا تے نبُوّت کر کے آکھن لگّا۔

لُوقا 12:12

کیوں جو پاک رُوح اوسے گھڑی تُہانوں سکھالے گا۔ پئی کِیہ آکھنا چاہیدا اے۔

لُوقا 21:15

ایس لئی پئی مَیں تُہانوں اجیہی زبان تے حِکمت دیاں گا جِہدے اگّے تُہاڈے وَیری نا بول سکن نا کھلو سکن۔

لُوقا 4:1

تے یِسُوع رُوحُ القُدس نال بھریا ہویا یَردن توں مُڑیا۔ تے رُوح دی ہدایت نال بیابان پِھردا رہیا۔

یُوحنّا 14:26

پر مددگار جیہڑا پاک رُوح اے جِہنُوں باپ میرے ناں اُتّے گھلّے گا اوہو تُہانوں سبھ کُجھ سکھالے گا۔ تے جو کُجھ مَیں تُہانوں آکھیا اے تُہانوں یاد کرا دے گا۔

یُوحنّا 20:22

تے ایہہ آکھ کے اوہناں اُتّے پُھوک ماری تے اوہناں نُوں آکھیا پاک رُوح لوؤ۔

اعمال 1:5

کیوں جو یُوحنّا تے پانی نال بپتِسمہ دِتّا۔ پر تُہانوں تھوڑے دِناں دے پِچّھوں پاک رُوح دا بپتِسمہ مِلے گا۔

اعمال 1:8

پر جدوں پاک رُوح تُہاڈے اُتّے آوے گا۔ تے تُہانوں طاقت مِلے گی۔ تے یرُوشلِیم تے سارے یہُودیہ تے سامریہ وِچ نالے دھرتی دے اخِیر تِیکر۔ تُسی میرے گواہ ہوؤ گے۔

اعمال 10:46

کیوں جو اوہ اوہناں نُوں کئی طرح دی بولیاں بولدے تے خُدا دی وڈیائی کر دیاں پئے سُندے سن۔ تَد پطرس آکھیا۔

اعمال 10:47

کِیہ کوئی بندہ پانی نُوں روک سکدا اے۔ پئی جِنہاں نُوں پاک رُوح مِلیا اے جیویں سانُوں وی مِلیا سی بپتِسمہ نا دِتّا جائے؟

اعمال 11:15

تے جیویں مَیں بیان کرن لگّا۔ تَد پاک رُوح اوہناں دے اُتّے اُتریا۔ جیویں پہلاں ساڈے اُتّے وی اُتریا سی۔

اعمال 11:24

کیوں جو اوہ چَنگا بندہ سی تے پاک رُوح تے اِیمان نال بھریا ہویا سی۔ تے بتھیرے لوک خُداوند دی کلِیسیا نال آ رَلے۔

اعمال 13:52

تے شاگِرد خُوشی تے پاک رُوح نال بھر دے جاندے سن۔

اعمال 13:9

تَد ساؤُل جِہدا ناں پَولُس وی اے پاک رُوح نال بھر کے اوہدے اُتّے تاڑ لائی۔

اعمال 15:8

تے خُدا جیہڑا دِلاں نُوں جانن والا اے اوہناں اُتّے گواہی دِتّی۔ پئی جیویں سانُوں تے اوہناں نُوں وی اوس پاک رُوح دِتّا۔

اعمال 19:6

جدوں پَولُس اوہناں اُتّے ہتّھ رکھّے۔ تے پاک رُوح اوہناں اُتّے آیا۔ تے اوہ بولیاں بولن تے نبُوّت کرن لگّے۔

اعمال 2:11

کریتی تے عربی آں تے اپنیاں اپنیاں بولیاں وِچ ایہناں نُوں خُدا دِیاں وڈّیاں گلّاں بولدے سُننے آں۔

اعمال 2:3

تے اَگ دِیاں پاٹیاں ہویاں لاٹاں وانگُوں اوہناں نُوں بولیاں ویکھالی دِتّیاں۔ تے اوہناں وِچوں ہر اِک دے سِر اُتّے آ گِئیاں۔

اعمال 4:31

جد اوہناں دُعا منگ لئی تَد اوہ تھاں ہِل گیا جِہدے وِچ اوہ اکٹّھے ہوئے ہوئے سن۔ تے سبھو پاک رُوح نال بھر گئے۔ تے خُدا دا کلام دلیری نال سُنان لگّے۔

اعمال 4:8

تَد پطرس پاک رُوح نال بھر کے اوہناں نُوں آکھن لگّا۔ اَے قوم دے سردارو تے بزُرگو۔

اعمال 6:3

سو بھراؤ۔ اپنے وِچوں سَتّ نیک ناں بندیاں نُوں لَبّھو۔ جیہڑے رُوح تے دانائی نال بھرے ہوئے ہون۔ پئی اسی اوہناں نُوں ایس کمّ اُتّے مُقرّر کریئے۔

اعمال 6:5

تَد ایہہ گلّ ساری جماعت نُوں چنگی لگّی۔ تے اوہناں ستِفنُس کر کے اِک جَنے نُوں جیہڑا اِیمان تے پاک رُوح نال بھریا ہویا سی۔ تے فِلپُّس تے پرُخُرس تے نیکانور۔ تے تِیمون تے پرمناس۔ تے نیکُلاؤس انطاکی نُوں جیہڑا نواں یہُودی مُرید سی چُنیا۔

اعمال 6:8

تے ستِفنُس فضل تے طاقت نال بھریا ہویا وڈّے وڈّے مُعجزے لوکاں وِچ کر دا سی۔

اعمال 7:55

پر اوہ پاک رُوح نال بھریا ہویا اسمان ولّ پیا ویکھدا سی۔ تے خُدا دے جلال تے یِسُوع نُوں خُدا دے سَجّے ہتّھ کھلوتیاں ویکھیا۔

اعمال 8:17

تَد اوہناں نیں اوہناں اُتّے ہتّھ رکھّے۔ تے اوہناں نُوں پاک رُوح مِلیا۔

اعمال 9:17

تَد حننیاہ گیا۔ تے اوس گھر وِچ وڑیا تے اپنے ہتّھ اوہدے اُتّے رکھّے تے آکھیا۔ اَے بھرا ساؤُل! خُداوند یعنی یِسُوع جیہڑا تیرے اُتّے اوس راہ وِچ جیہڑے راہ تُوں آیا ایں۔ ظاہر ہویا مَینُوں گھلّیا اے پئی تُوں فیر سُجاکھا ہوویں۔ تے پاک رُوح نال بھر جاویں۔

رُومِیوں 15:13

ہُن اوس آس دا خُدا تُہاڈے اِیمان لیاؤن دے سبّب ساری خُوشی تے چَین نال تُہانوں بھر دیوے تاں جو تُسی پاک رُوح دی قُدرت نال آس وِچ وَدھدے جاؤ۔

۱-کُرِنتھِیوں 12:10

تے کِسے نُوں کراماتاں کرن دِیاں قُدرتاں۔ کِسے نُوں نبُوّت کِسے نُوں رُوحاں دی پہچان۔ کِسے نُوں طرح طرح دِیاں زباناں۔ کِسے نُوں زباناں دا ترجمہ کرنا۔

۱-کُرِنتھِیوں 13:1

جے مَیں بندیاں تے فرِشتیاں دِیاں زباناں بولاں تے مُحبّت نا رکھاں تے کھڑکھڑ کرن والا پِتّل تے چَھن کن والی کھڑتال آں۔

۱-کُرِنتھِیوں 13:8

مُحبّت نُوں زوال نئیں۔ نبُوّتاں ہون تے مَوقُوف ہو جان گِیاں تے زباناں ہون تے جاندِیاں رہن گِیاں۔ عِلم ہوئے تے مِٹ جائے گا۔

۱-کُرِنتھِیوں 14:18

مَیں خُدا دا شُکر کرنا آں پئی مَیں تُہاڈے سبھناں نالوں وَدّھ بولیاں بولنا آں۔

۱-کُرِنتھِیوں 14:5

بھانویں مَیں ایہہ چاہناں آں پئی تُسی سارے اوپری زبان وِچ گلّاں کرو۔ پر بُہتا ایہو ای چاہناں آں پئی نبُوّت کرو۔ تے جے اوپری زبان بولن والا کلِیسیا دی ترقی دے لئی ترجمہ نا کرے تے نبُوّت کرن والا اوہدے نالوں وَڈا اے۔

اِفسِیوں 3:19

تے مسِیح دی راہِیں اوس مُحبّت نُوں جان سکو جیہڑی جانن توں پراں اے۔ پئی خُدا دی پُوری بھرپُوری تِیکر بھر جاؤ۔

اِفسِیوں 5:18

تے شراب پی کے مست نا ہوؤ۔ کیوں جو ایہدے وِچ بدچلنی ہوندی اے۔ سگوں رُوح نال بھر دے جاؤ۔

اِفسِیوں 6:18

تے ہر ویلے تے سبھنیں گلِّیں رُوح وِچ دُعا تے مِنّت کر دے رہو۔ تے ایسے مطلب واسطے جاگدے رہو پئی تُسی سارے پاک لوکاں لئی دُعا منگدے رہو۔

۱-پطرس 1:12

اوہناں اُتّے ایہہ اِلہام اُگھیڑیا گیا پئی اوہناں گلّاں وِچ اپنی نئیں سگوں تُہاڈی سیوا کر دے سن تے ایہناں گلّاں دی خبر تُہانوں ہُن اوہناں دی راہِیں ہوئی اے۔ جِنہاں پاک رُوح دی راہِیں جیہڑا اسمانوں گھلّیا گیا تُہانوں خُوشخبری سُنائی۔ ایہناں گلّاں اُتّے فرِشتے وی دھیان کرنا چاہندے نیں۔

۲-پطرس 1:21

کیوں جو کوئی نبُوّت بندیاں دی مرضی نال نئیں ہوئی سگوں بندے پاک رُوح دی جُنبش نال خُدا ولّوں بولدے سن۔