اعمال 2:32 - پنجابی نواں عہد نامہ نظرثانی شدہ چھپائی

³² ایسے یِسُوع نُوں خُدا جوالیا جِہدے اسی سارے گواہ ہاں۔

اعمال 2:32 ပူးပေါင်းရင်းမြစ်များ

یُوحنّا 15:27

تے تُسی وی گواہ ہو کیوں جو تُسی مُڈھوں میرے نال ہو۔

اعمال 1:22

یُوحنّا دے بپتِسمے توں لے کے اوس دِن تِیکر جدوں اوہ ساڈے کولوں چُک لیا گیا سی۔ اِک بندہ اوہدے جی اُٹھن دا گواہ ساڈے نال بنے۔

اعمال 1:8

پر جدوں پاک رُوح تُہاڈے اُتّے آوے گا۔ تے تُہانوں طاقت مِلے گی۔ تے یرُوشلِیم تے سارے یہُودیہ تے سامریہ وِچ نالے دھرتی دے اخِیر تِیکر۔ تُسی میرے گواہ ہوؤ گے۔

اعمال 13:30

پر خُدا اوہنوں مُردیاں وِچوں جوالیا۔

اعمال 13:33

پئی یِسُوع نُوں جوا کے ساڈی اولاد لئی خُدا اوسے وعدے نُوں پُوریاں کِیتا اے۔ جیویں دُوجے زبُور وِچ لِکھیا ہویا اے۔ پئی تُوں میرا پُتر ایں۔ اَج تُوں مَیتھوں جمّیا۔

اعمال 17:31

تے اوس اِک دِن وی رکھیا اے۔ جِہدے وِچ اوہ سچیائی نال دُنیا دی عدالت اوس بندے دی راہِیں کرے گا۔ جِہنُوں اوس مُقرّر کِیتا۔ تے اوسے نُوں مُردیاں وِچوں جوال کے لوکاں نُوں ایس گلّ دا یقِین دوایا اے۔

اعمال 2:24

اوسے نُوں خُدا مَوت دے بندھ توں چھڈا کے جوالیا۔ کیوں جو ایہہ نئیں سی ہو سکدا پئی اوہ اوہدے وَس وِچ رہے۔

اعمال 3:15

پر تُساں زِندگی دے مالک نُوں قتل کِیتا۔ جِہنُوں خُدا مُردیاں وِچوں جوالیا۔ تے اسی اوہدے گواہ آں۔

اعمال 3:26

تُہاڈے ای کول سبھ توں پہلاں خُدا اپنے خادم نُوں اُٹھال کے ایس لئی گھلّیا پئی تُہاڈے وِچوں ہر اِک نُوں اوہدیاں بُرائیاں توں پھیر کے برکت دیوے۔

اعمال 4:10

تاں تُہانوں سبھناں نُوں تے اِسرائیل دی ساری قوم نُوں معلُوم ہوئے۔ پئی یِسُوع مسِیح ناصری دے ناں اُتّے جِہنُوں تُساں صلِیب دِتّی تے خُدا نے اوہنوں مُردیاں وِچوں جوالیا۔ اوہدے ناں اُتّے تُہاڈے سامھنے ایہہ بندہ بھلا چَنگا کھلوتا اے۔

اعمال 4:33

تے رسُول خُداوند یِسُوع مسِیح دے جی اُٹھن دی گواہی بڑی طاقت نال دیندے سن۔ تے اوہناں سبھناں اُتّے بڑا فضل سی۔

اعمال 5:30

ساڈے پئیو دادیاں دے خُدا نے یِسُوع نُوں جوالیا۔ جِہنُوں تُساں لکڑی اُتّے ٹنگ کے مار سُٹّیا۔

۱-کُرِنتھِیوں 15:15

سگوں اسی خُدا دے جُھوٹھے گواہ بنے۔ کیوں جو اساں خُدا دی بابت ایہو گواہی دِتّی پئی اوس مسِیح نُوں جوالیا کیوں جے اوس نئیں مُردے نئیں جی اُٹھدے۔

۱-کُرِنتھِیوں 6:14

تے خُدا نے خُداوند نُوں جوالیا۔ تے سانُوں وی اپنی قُدرت نال جوالے گا۔

۲-کُرِنتھِیوں 4:14

کیوں جو اسی جاننے آں۔ پئی جِس خُداوند یِسُوع نُوں جوالیا اوہ سانُوں وی یِسُوع دے نال جوالے گا۔ تے تُہاڈے نال اپنے اگّے حاضر کرے گا۔

گلتِیوں 1:1

پَولُس ولّوں جیہڑا نا بندیاں ولّوں تے نا بندیاں دی راہِیں پر یِسُوع مسِیح تے خُدا باپ ولّوں جِس اوہنوں مُردیاں وِچوں جوالیا رسُول اے۔

اِفسِیوں 1:20

جیہڑا اوس مسِیح وِچ اوس ویلے کِیتا جدوں اوہنوں مُردیاں وِچوں جوا کے اپنے سَجّے پاسے اسمانی تھانواں اُتّے بہایا۔

کُلُسِّیوں 2:12

تے اوہدے ای نال بپتِسمے وِچ دبّے گئے تے اوسے وِچ خُدا دی قُوّت اُتّے اِیمان لیا کے اوہدے نال جی وی اُٹھے۔ جِس اوہنوں مُردیاں وِچوں جوالیا۔

عِبرانیوں 13:20

ہُن تسلّی دا خُدا جِس بھیڈاں دے وڈّے ایّالی یعنی ساڈے خُداوند یِسُوع نُوں ہمیشہ دے عہد دے لہو دے سبّب مُردیاں وِچوں جوال کے آندا۔

۱-پطرس 1:21

تے تُساں اوہدی راہِیں خُدا اُتّے اِیمان لیاندا اے۔ جِس اوہنوں مُردیاں وِچوں جوایا اے۔ تے جلال وی دِتّا۔ تاں جو تُہاڈا اِیمان تے آس خُدا اُتّے ہوئے۔