اعمال 2:24 - پنجابی نواں عہد نامہ نظرثانی شدہ چھپائی

²⁴ اوسے نُوں خُدا مَوت دے بندھ توں چھڈا کے جوالیا۔ کیوں جو ایہہ نئیں سی ہو سکدا پئی اوہ اوہدے وَس وِچ رہے۔

اعمال 2:24 ပူးပေါင်းရင်းမြစ်များ

متّی 27:63

تے آکھن لگّے سانُوں یاد اے۔ پئی اوہ فریبی اپنے جِیوندے جی آکھ گیا سی پئی مَیں تِنّاں دِناں پِچّھوں جی اُٹھاں گا۔

یُوحنّا 10:18

کوئی مَیتھوں اوہنوں نئیں کھوندا پر مَیں اوہنوں آپے ای دینا آں۔ میرا اختیار اے پئی اوہنوں دے دیاں تے میرا اختیار اے پئی مُڑ اوہنوں لے لَواں۔ ایہہ حُکم مَینُوں اپنے باپ کولوں مِلیا اے۔

یُوحنّا 10:35

جد اوس اوہناں نُوں جِنہاں نُوں خُدا دا کلام آیا خُدا آکھیا۔ (تے پاک کتاب جُھوٹھی نئیں ہو سکدی۔)

یُوحنّا 12:39

اوہ ایس کر کے اِیمان نئیں لیا سکے کیوں جو یسعیاہ نیں فیر آکھیا۔

یُوحنّا 20:9

ایس لئی پئی اجے تِیکر اوہ اوس نوِشتے نُوں نئیں سن سمجھدے پئی اوس ضرُور مُردیاں وِچوں جی اُٹھنا اے۔

اعمال 1:16

بھراؤ۔ ضرُور سی پئی اوہ نوِشتہ پُورا ہوئے۔ جیہڑا پاک رُوح پہلاں توں داؤد دی زبانی یہُوداہ دی بابت جیہڑا یِسُوع دے پھڑن والیاں دا آگُو بن گیا سی آکھیا۔

اعمال 13:30

پر خُدا اوہنوں مُردیاں وِچوں جوالیا۔

اعمال 13:37

پر جِہنُوں خُدا جوالیا۔ اوہ نا ترّکیا۔

اعمال 17:31

تے اوس اِک دِن وی رکھیا اے۔ جِہدے وِچ اوہ سچیائی نال دُنیا دی عدالت اوس بندے دی راہِیں کرے گا۔ جِہنُوں اوس مُقرّر کِیتا۔ تے اوسے نُوں مُردیاں وِچوں جوال کے لوکاں نُوں ایس گلّ دا یقِین دوایا اے۔

اعمال 2:32

ایسے یِسُوع نُوں خُدا جوالیا جِہدے اسی سارے گواہ ہاں۔

اعمال 3:15

پر تُساں زِندگی دے مالک نُوں قتل کِیتا۔ جِہنُوں خُدا مُردیاں وِچوں جوالیا۔ تے اسی اوہدے گواہ آں۔

اعمال 3:26

تُہاڈے ای کول سبھ توں پہلاں خُدا اپنے خادم نُوں اُٹھال کے ایس لئی گھلّیا پئی تُہاڈے وِچوں ہر اِک نُوں اوہدیاں بُرائیاں توں پھیر کے برکت دیوے۔

اعمال 4:10

تاں تُہانوں سبھناں نُوں تے اِسرائیل دی ساری قوم نُوں معلُوم ہوئے۔ پئی یِسُوع مسِیح ناصری دے ناں اُتّے جِہنُوں تُساں صلِیب دِتّی تے خُدا نے اوہنوں مُردیاں وِچوں جوالیا۔ اوہدے ناں اُتّے تُہاڈے سامھنے ایہہ بندہ بھلا چَنگا کھلوتا اے۔

اعمال 5:30

ساڈے پئیو دادیاں دے خُدا نے یِسُوع نُوں جوالیا۔ جِہنُوں تُساں لکڑی اُتّے ٹنگ کے مار سُٹّیا۔

رُومِیوں 10:9

کیوں جو جے تُوں اپنے مُنھوں یِسُوع دے خُداوند ہون دا اِقرار کریں تے اپنے دِل وِچ اِیمان لِیاویں پئی خُدا نے اوہنوں مُردیاں وِچوں جوالیا۔ تے تُوں بچایا جائیں گا۔

رُومِیوں 14:9

کیوں جو ایسے واسطے مسِیح مویا تے جِیو پیا۔ پئی مُردیاں تے جِیوندیاں دا وی خُداوند ہوئے۔

رُومِیوں 4:24

پر ساڈی خاطر وی لِکھی گئی۔ جِنہاں لئی گِنی جائے گی۔ جے اسی اوہدے اُتّے اِیمان رکھنے آں جِس ساڈے خُداوند یِسُوع نُوں مُردیاں توں جوالیا۔

رُومِیوں 6:4

سو بپتِسمے دی راہِیں اوہدی مَوت وِچ اسی اوہدے نال دفنائے گئے۔ تاں جو جیویں مسِیح باپ دے جلال دی راہِیں مُردیاں وِچوں جوالیا گیا۔ ایسے طرح اسی وی نَوِیں زِندگی وِچ چلّئے۔

رُومِیوں 8:11

پر جے اوہدا رُوح جِس یِسُوع نُوں مُردیاں وِچوں جوالیا تُہاڈے وِچ وَسدا اے تے اوہ جِس مسِیح یِسُوع نُوں مُردیاں وِچوں جوالیا تُہاڈیاں مرن والیاں بدناں نُوں وی اپنے رُوح دی راہِیں جیہڑا تُہاڈے وِچ وَسدا اے جوا لے گا۔

رُومِیوں 8:34

کیہڑا اے جیہڑا ڈنڈ لاندا اے؟ ایہہ مسِیح یِسُوع اے جیہڑا مر گیا۔ آہو سگوں اوہی جیہڑا مُردیاں وِچوں جوالیا گیا تے خُدا دے سَجّے پاسے اے۔ تے ساڈی سفارِش وی کر دا اے۔

۱-کُرِنتھِیوں 15:12

سو جد مسِیح دی ایہہ منادی کِیتی جاندی اے۔ پئی اوہ مُردیاں وِچوں جی اُٹھیا۔ تے تُہاڈے وِچوں بعضے کِیویں آکھدے نیں پئی مُردیاں دی قیامت ہے ای نئیں؟

۱-کُرِنتھِیوں 15:15

سگوں اسی خُدا دے جُھوٹھے گواہ بنے۔ کیوں جو اساں خُدا دی بابت ایہو گواہی دِتّی پئی اوس مسِیح نُوں جوالیا کیوں جے اوس نئیں مُردے نئیں جی اُٹھدے۔

۱-کُرِنتھِیوں 15:20

پر سَچ مُچ مسِیح تے مُردیاں وِچوں جی اُٹھیا اے تے اوہناں وِچوں جیہڑے سَوں گئے نیں پہلا پَھل ہویا۔

۱-کُرِنتھِیوں 15:4

تے دفن ہویا تے ترِیجے دِن پاک کتاب دے سببّوں جی اُٹھیا۔

۱-کُرِنتھِیوں 6:14

تے خُدا نے خُداوند نُوں جوالیا۔ تے سانُوں وی اپنی قُدرت نال جوالے گا۔

۲-کُرِنتھِیوں 4:14

کیوں جو اسی جاننے آں۔ پئی جِس خُداوند یِسُوع نُوں جوالیا اوہ سانُوں وی یِسُوع دے نال جوالے گا۔ تے تُہاڈے نال اپنے اگّے حاضر کرے گا۔

گلتِیوں 1:1

پَولُس ولّوں جیہڑا نا بندیاں ولّوں تے نا بندیاں دی راہِیں پر یِسُوع مسِیح تے خُدا باپ ولّوں جِس اوہنوں مُردیاں وِچوں جوالیا رسُول اے۔

اِفسِیوں 1:20

جیہڑا اوس مسِیح وِچ اوس ویلے کِیتا جدوں اوہنوں مُردیاں وِچوں جوا کے اپنے سَجّے پاسے اسمانی تھانواں اُتّے بہایا۔

کُلُسِّیوں 2:12

تے اوہدے ای نال بپتِسمے وِچ دبّے گئے تے اوسے وِچ خُدا دی قُوّت اُتّے اِیمان لیا کے اوہدے نال جی وی اُٹھے۔ جِس اوہنوں مُردیاں وِچوں جوالیا۔

۱-تھِسّلُنِیکوں 1:10

تے اوہدے پُتر دے اسمان ولّوں آؤن دی اُڈِیک وِچ رہو۔ جِہنُوں اوس مُردیاں وِچوں جوایا۔ جِہدا ناں اے یِسُوع۔ جیہڑا سانُوں آؤن والے غضبوں چھڈاؤندا اے۔

عِبرانیوں 13:20

ہُن تسلّی دا خُدا جِس بھیڈاں دے وڈّے ایّالی یعنی ساڈے خُداوند یِسُوع نُوں ہمیشہ دے عہد دے لہو دے سبّب مُردیاں وِچوں جوال کے آندا۔

عِبرانیوں 2:14

سو جِس حال بچّے خُون تے گوشت وِچ سنگی نیں اوسے طرح اوہ اوہناں وانگر آپ وی اوہناں وِچ شریک ہویا۔ تاں جو اوہ مَوت دی راہِیں اوہنوں جِہنُوں مَوت اُتّے طاقت مِلی یعنی ابلیس نُوں بے کار کر دے۔

۱-پطرس 1:21

تے تُساں اوہدی راہِیں خُدا اُتّے اِیمان لیاندا اے۔ جِس اوہنوں مُردیاں وِچوں جوایا اے۔ تے جلال وی دِتّا۔ تاں جو تُہاڈا اِیمان تے آس خُدا اُتّے ہوئے۔

مُکاشفہ 1:18

تے جِیونا ہاں۔ مَیں مر گیا ساں تے ویکھ ہُن ہمیشہ تِیکر جِیوندا رہاں گا۔ تے مَوت تے پاتال دِیاں کُنجیاں میرے کول نیں۔