اعمال 19:9 - پنجابی نواں عہد نامہ نظرثانی شدہ چھپائی

⁹ تے جد بعضے سخت دِل تے نافرمان ہو گئے۔ تے ساریاں لوکاں دے اگّے ایس راہ نُوں بُرا آکھن لگّے۔ تَد اوس اوہناں توں وَکھریاں ہو کے شاگِرداں نُوں وَکھ کِیتا۔ تے تُرنّس دے مدرسہ وِچ روز بحث کر دا سی۔

اعمال 19:9 ပူးပေါင်းရင်းမြစ်များ

متّی 15:14

اوہناں نُوں جان دیو۔ اوہ تے اَنھیاں دے اَنھے راہ دسن والے نیں۔ تے جے اَنھا اَنھے نُوں راہ دسے تے دونویں ٹوئے وِچ ڈِگّ پَین گے۔

متّی 16:4

بُرے تے زناکار لوک نِشان لبّھدے نیں۔ پر ایہناں نُوں یُوناہ دے نِشان دے سِوا کوئی نِشان دِتّا نا جائے گا تے اوہ اوہناں نُوں چھڈ کے ٹُرگیا۔

متّی 26:55

اوسے ویلے یِسُوع لوکاں نُوں آکھیا تُسی مَینُوں چور سمجھ کے تلواراں تے ڈانگاں لے کے پھڑن لئی باہر نِکلے ہو؟ مَیں روز ہیکل وِچ بَہہ کے تعلِیم دیندا ساں تے تُساں مَینُوں نا پھڑیا۔

یُوحنّا 12:40

اوس اوہناں دِیاں اَکھّیاں اَنھیاں کِیتیاں نیں تے اوہناں دے دِل سخت کِیتے۔ کِتے ایویں نا ہوئے پئی اوہ اَکھّیاں نال ویکھن تے دِل نال سمجھن تے مُڑن تے مَیں اوہناں نُوں ولّ کراں۔

اعمال 11:26

تے ایویں ہویا پئی اِک سال تِیکر اوہ کلِیسیا دے نال اکٹّھے رہے۔ تے بُہت لوکاں نُوں تعلِیم دیندے سن۔ تے شاگِرد پہلاں انطاکیہ وِچ ای مسِیحی اکھوائے۔

اعمال 14:4

تے شہر دے لوکاں وِچ پُھٹ پَے گئی۔ کُجھ تاں یہُودِیاں ولّ تے کُجھ رسُولاں ولّ ہو گئے۔

اعمال 17:4

اوہناں وِچوں کئیاں مَن لیا۔ تے پَولُس تے سِیلاس نال رَل گئے۔ تے ایسے طرح دِیندار یُونانِیاں دی اِک بڑی جماعت۔ تے نالے بتھیریاں اشراف زنانِیاں وی۔

اعمال 19:23

تے اوس ویلے ایس راہ دی بابت بڑا رَولا پیا۔

اعمال 19:30

تے جد پَولُس دی مرضی سی۔ پئی مَیں لوکاں دے وِچ جاواں۔ تَد شاگِرداں اوہنوں جان نا دِتّا۔

اعمال 20:31

سو جاگدے رہو۔ تے یاد رکھو۔ پئی مَیں تِنّ ورھے رات تے دِن رو رو کے ہر اِک نُوں دسن توں نئیں رُکیا۔

اعمال 22:4

مَیں بندیاں تے زنانِیاں نُوں بَنّھ بَنّھ کے قیدخانے وِچ پا پا کے ایس راہ والیاں نُوں مَوت تِیکر ستایا۔

اعمال 24:21

سِوا اِک گلّ دے جیہڑی اوہناں دے وِچکار کھلوتیاں ہویاں مَیں اُچّی اواز نال آکھی۔ پئی مُردیاں دے جی اُٹھن دی بابت اَج تُہاڈے سامھنے میرے اُتّے مُقدّمہ پیا ہوندا اے۔

اعمال 28:22

پر اسی چاہنے آں پئی تیرے کولوں سُنیے۔ پئی تیرے کِیہ خیال نیں۔ کیوں جو ایس فِرقے دی بابت اسی جاننے آں۔ پئی سبھنیں تھائِیں اوہنوں بُرا آکھدے نیں۔

اعمال 7:51

اَے ہُوڑمت والیو جیہڑے دِل تے کنّ ولّوں سُنتی نئیں بَیٹھے۔ تُسی ہر ویلے پاک رُوح دا سامنا کر دے ہو جیویں تُہاڈے وڈّے کر دے سن۔ اوسے طرح تُسی کر دے ہو۔

اعمال 9:2

اوہدے توں دمِشق دیاں عبادت خانیاں دے ناں اُتّے ایس مضمُون دِیاں چِٹّھیاں منگِیاں پئی جے ایس طریقے دے کوئی بندے مِلن بھانویں بندے بھانویں زنانِیاں ہون۔ تے اوہناں نُوں یرُوشلِیم وِچ بَنّھ کے لے آواں۔

رُومِیوں 11:7

فیر کِیہ ہویا۔ جِس گلّ نُوں اِسرائیل لَبّھدا اے سو ہتّھ نا لگّی۔ پر چُنیاں ہویاں نُوں ہتّھ لگّی۔ تے باقی سخت دِل کِیتے گئے۔

رُومِیوں 9:18

سو جِہدے اُتّے اوہ چاہندا اے رَحم کر دا اے تے جِہنُوں اوہ چاہندا اے۔ سخت کر دا اے۔

۱-کُرِنتھِیوں 16:9

کیوں جو میرے لئی اِک وَڈا سارے کمّ دا بُوہا لتّھا اے۔ تے وَیری بتھیرے نیں۔

۱-تِیمُتِھیُس 6:5

تے اوہناں بندیاں وِچ جھگڑے ہوندے نیں جِنہاں دی عقل وِگڑ گئی اے۔ تے سچیائی توں خالی نیں۔ تے دِینداری نُوں نفع لین دا وسیلہ سمجھدے نیں۔

۲-تِیمُتِھیُس 1:15

تے تُوں ایہہ جاننا ایں پئی آسِیہ دے سارے لوک میرے ولّوں پھر گئے جِنہاں وِچوں فُوگلُس تے ہرمُگِنیُس نیں۔

۲-تِیمُتِھیُس 3:5

اوہ دِینداری دی ڈول تے رکھن گے۔ پر اوہدے اثر نُوں نا مَنّن گے۔ اجیہے تُوں وکھرا ہو جا۔

۲-تِیمُتِھیُس 4:2

پئی تُوں کلام دی منادی کر۔ ویلے کویلے تیار رہ۔ تے ہر طرح دے صبر تے تعلِیم دے نال الزام دے۔ تے ملامت تے نصِیحت کر۔

عِبرانیوں 3:13

سگوں تُسی روز دِہاڑی جد تِیکر اَج دا دِن ای اکھواؤندا اے۔ آپو وِچ اِک دُوجے نُوں نصِیحت کریا کرو۔ تاں جو تُہاڈے وِچوں کوئی گُناہ دے فریب نال سخت دِل نا ہو جائے۔

۲-پطرس 2:12

سگوں ایہہ لوک بے عقل جنَوراں وانگر نیں جیہڑے پھڑے جان تے ہلاک ہون لئی پَیدا ہوئے نیں۔ جِنہاں گلّاں توں ناواقِف نیں اوہناں دی بابت ہورناں نُوں طعنے مِہنے دیندے نیں۔ پر اپنی خرابی وِچ آپ ای خراب کِیتے جان گے۔

۲-پطرس 2:2

تے بتھیرے اوہناں دے لُچ پُنے مگر ٹُرن گے جِنہاں دے سبّب سچیائی دے راہ دی بدنامی ہوئے گی۔

یہُوداہ 1:10

پر ایہہ جِنہاں گلّاں نُوں نئیں جان دے اوہناں نُوں بَھنڈدے نیں۔ تے جِنہاں نُوں بے عقل جنَوراں وانگُوں قُدرتی طَور اُتّے سمجھدے نیں اوہناں وِچ خراب ہو جاندے نیں۔